國產拖船

請勿粗言穢語

希望各船版版友留意

1. 唔好成日用黑店前黑店後嚟稱呼人地
2. 你可以話人地冇交帶,但並唔稱得上人地係黑店
3. 黑店定義雖然各人不同,但一般約定為強逼你銷費,強逼你買一O的貨不對辦O既東西,唔買唔俾走或唔退錢,呢O的可以叫做黑店.造功唔好,或交涉較慢,只可以稱為不理想,唔應該成日話人地黑店.
4. 如果該店鋪用你相片,你可以循法律途徑追討.國內有肖像法,亦有版權法,你絕對可以告佢.但唔好係呢到不停以咁重貼嚟宣傳.
5. 如果係事實你又擁有,而唔係人云亦云,你可以講出該店造功有邊O的地方唔好.但如果係人云亦云,或根本就唔係擁有者就係到唱,我希望唔好再出現.

遙控工房討論區係俾大家要嚟討論技術問題,唔係要嚟俾大家係到清算新仇舊恨.
再有呢類清算式,係到嘈交,報復,尋仇文章,邊一個張貼就停邊一個會員戶口.

敬請留意

大家玩船O既,講多O的技術問題,唔好成日嘈交.咁好影響O的新手想加入呢個範疇.

而有關店主,亦希望多O的正視人地提出O既問題.用咗人地相,同人地講聲SORRY唔係咁難.PARTS唔得就改到佢得.我相信都希望係生意長有長做,唔係做一次生意.

店鋪同版友互相扶持,互補長短,有問題就大家研究修改,咁先可以令大家繼續玩落去.
狗咬狗骨,嘈嚟嘈去,只會俾人感覺呢一班人玩船成日嘈交,唔會對大家有幫助脾益.

希望大家以此為戒.唔好再嘈.

我亦都重申,我唔介意店鋪或開發商講佢地有咩新產品,只要唔係公開叫人買,只係講出個技術或開發過程等,我都係無任歡迎.如果去到想賣喇,我亦都好歡迎佢係新產品消息發布,甚至係商家區都發表佢有新遙控PARTS產品賣O既消息.

冇新產品,唔會激起討論.冇新產品過程,唔會令人有買O既衝動,兩者係相輔相承.

希望大家留意.

以和為貴.