焊接問題請教

應用:

1. 將支辣雞同被焊接物平面 (如銅片) 接觸時間加長少少 (焊接物自己亦要受熱幾秒才會上到錫)。
2. 若被焊接物為電線，則剛好與上面pt.1例子相反，辣雞自己嘅溫度要夠低，電線才會上到錫，若辣雞頭自己過熱，啲錫會留係辣雞上面而唔會落到電線。

3. 含鉛錫線會較容易焊，因為溶點溫度較無鉛錫線低，但唔環保，而且吸入人體後會有頭痛現像。
4. 無鉛錫線 (Lead Free) 會較難焊，情況與pt.3剛好相反，但較環保。
5. 若用於無線電相關應用 (如天線)，側最好使用含3%銀 (silver) 嘅錫線，因為超短波長與阻抗 (Ohm)對金钃体既導体性反應很敏銳，要用到銀才能有效控制無線電流導流時之穩定性，情況同Hi-Fi線都要求用上銀線嘅原理差唔多。

sean2013 發表於 2015-12-1 12:51
鉛水事件就係銅喉用平價錫線焊接所造成

基本上，一般工業電子用錫線都係含有35% - 40%不等鉛份，現實上好難避免。你自己幅相裹面嗰卷Takumi，寫住 60/40，其實40%就係鉛 (Lead)，60%係鍚 (Tin)，你自己有啲搞笑，一直自己吸緊鉛都無留意到。

Good.. 但GOOT價錢有啲$$$。自己考慮budget吧。

仲有，買辣雞W數要視付實際用途:

1. 一般用作焊RC電池，電線，30W以上不適合。因為火力太大，電池自己亦有可能被高熱破壞鋰物料，30W即可;
2. 一般用作焊PCB電路板丶及電路板上焊接電線等用途，20W以上不適合，因為PCB好薄，火力太大會將焊接區附近嘅小型電溶丶微晶片焊接錫亦一起溶掉，塊PCB板隨時total lost，要小心。(由其係焊4軸丶接收丶電變等等，火力太過20W自己要小心。)

0315 發表於 2015-12-1 18:51
20-30W 夠架啦？

RC相關日常用夠有凸，但要小心保護雞嘴頭銀色嗰小部份，日後萬一銀色物料兌落後，熱力傳導會減半，到時候你可以剩係買個新雞嘴換落去。

0315 發表於 2015-12-1 19:13
唔該曬師兄

建議你先買技30W試下先 (焊電池電線用)，若主要用作焊PCB板，唔使冧，直接買20W-25W。

0315 發

隨你喜歡，咁你去買80W試下啦...可以順便去焊水喉..... 買返嚟同我吔分享吓焊水喉級嘅火力如何...


但電子嘢....
http://electronics.stackexchange ... -is-30-watts-enough

15W PCB.....
https://www.radioshack.com/products/15-watt-soldering-iron?variant=5717854597


40W已去到工業維修級...
https://www.radioshack.com/products/40-watt-pencil-iron?variant=5717856645


80W.... 可修水喉...恭喜新嘗試，80W用係電子嘢上，真正勁人....

RCandylau

唔好哎，我都想睇下佢用80W，將啲servo，電變晶片全部焊溶，可以幾好玩....。好搞笑...!! 用焊水喉級辣雞焊溶RC嘢個失落樣，我個魔鬼心態都好想睇下結果....靚..

大朋友 如何用30w 雞仔銲12AWG 摩打線及電池線

若焊12AWG可用40W，但30W一樣得，不過個雞嘴要乾淨。不過我感覺上你好以唔係太識焊12AWG電線落XT60或鋰電片上面。焊大物件時，要預先將少許錫焊在接頭上先，仲要定係上面加熱幾秒，另錫先變成第一次全液態後再凝固 (重要程序)，之後再將新錫同電線一嘢過押係接頭上已有錫凝固過嘅位置面積上，咁即使用30W雞亦可以經易焊上12AWG，而且比用一次過焊接術 (一般技) 更堅實，大力拉電線時亦無咁容易再兌落。

arto6 發表於 2015-12-2 00:36
Ching 我都係唔識銲野架，快D用30W雞仔銲12AWG 線落電變比大家睇啦

Ok. 馬上有。

arto6 發快D用30W雞仔銲12AWG 線落電變比大家睇啦

有啦有啦... 30W焊12AWG。 (我真係睇唔到有咩問題唔得...)

下次或者玩下20W焊12AWG....


http://youtu.be/wlZDJpk8vxM

大家注意第一次加熱全液化嗰嘢係秘技，日後拉佢大力拉時穩唔穩陣，多數都係欠咗嗰個工序部份，祝大家吸鉛快樂....

sean2013 發表

好好，唔合你焊接習慣唔好意思，就買100W好了。唔好oh-9到為咗幾十Watt咁勞氣。不過佢終有一日會明白條片內唔用大火力嘅好處.... 買多幾枝大火力又可旁身，自己間屋水喉含鉛又可以焊吓水喉，當然，今次我嘅美麗又係我唔好... (我一生就係要面對依類問題，都慣喇。)

sean2013 發表

竟然用30W焊接12AWG!!! 我係PK!!! 我係濺人!!! 我嘅存在就係罪過!!!! 插死solaris電子屍兄呢個能樣!!!

rave1010hk 發

好伙伴難求，恭喜恭喜。

sean20

老實講..我由一開始就睇唔明大家為何對30W焊唔到12AWG有咩問題，自198X年起我在學校D&T room已經係用30W做所有工㙯丶電子丶勞作工課....都未用過大過30W雞。或者依個時代學校係轉用咗大火力呱...(所以大家齊齊出盡火力...)?

sean2013

我其實之前買 (錯) 過40W (以為自己買咗30W)，只用過一次，一上手就覺得熱得濟，怕焊壊物料 (怕變型) 已即時掉咗入垃圾桶....只留返難嘴做後備。之後再入返枝30W安安心心...

大家睇完片喇，為避免大家又出現技不如人丶倒忌丶爭吵等低等自悲心理問題，由於已做過demo証明，大家都明白過，我已將片刪咗。買乜野Watt都無所謂，大家覺得用到就好，謝謝大家欣賞過小弟手小手㙯 (我覺得連焊接技都有人倒忌丶實在有啲無謂)。

完


Selecting a Soldering Iron for different purposes (多參考應用例子才作選購，應用火力無絕對公式):
http://store.curiousinventor.com/guides/how_to_solder/select_iron

rave1010hk 發表唔會虛焊在表面！ ...

唔好唔會，我唔係針對熱力Watt數回你個惦，而係物理上錫入咗線心太多會曾加阻抗值 (因為鉛 (Pb) 為惰性金钃，錫 (Tin) 本身亦非為非常理想嘅導電金屬 (conductive material只排行第15 (http://www.tibtech.com/conductivity.php)))，另電流較難流動。所以落錫第一唔能夠落太多，第二，錫入線心增加食力面積雖然實，但阻抗值亦會增加，放丶充時無咁順 (有啲叉機會睇到分別，焊無線電接頭就幾乎百份百可以有至命上差別)。

所以Hi-Fi友買銀 (第一位) 做焊Hi-Fi頭吓吓買到破產，無線電佬其次，而大家RC佬係真正金钃週期元素俵面前，只屬一般家庭級日常應用者 (60/40 錫丶鉛比份)。

rave1010hk 發表於

你有用銀，好勁，夠精明!! 但用銀得幾個percent就玩Hi-Fi，似乎有啲.... 不過個個人有唔同目標要求，同watt數討論一樣無百份百對與錯，屍兄亦有自己一手style，恭喜恭喜...祝生意興龍。