劍齒虎出沒! Basher SaberTooth 開箱文

唔係boxing day, 都可以unboxing!

解下點解買呢部先. 原本睇中係thunder tiger G3, 大腳車, 點知全線冇貨, G2 又超出預算太多, 覺得唔值.

諗過Axial Yeti kit, 但仔細研究後, 發現配摩打限制太大啦, 大少少都裝唔落, 而且已經有部SCX 10,

呢部之前都有留意過, 呢排網上多左好多評論, 算唔錯. 本來都擔心零件問題, 但原來睇網上評論, 佢好多零件同Nitro Circus (同係Hobbyking 網上有售) 都通, 咁, 最重要當然係價錢, 千八蚊HKD, 大大部1/8呀, 邊度搵呀?!

過往朋友響hobbyking 訂嘢, 覺得佢客服差過淘寶N 倍, 今次好順利, 周六落柯打, 周二叫我去攞! 心諗, 快成咁? 個哥仔就話, 唔係訂backorder, 就會順暢好多喎.

未落過地, 冇試車報告, 講下D 濕星嘢,

*未玩過1/8, 嘩, 佢老闆丫, 乜都粗碌過人! 果條shaft呢, 成支筆咁粗! 底板聲稱3.5mm 鋁, 冇度過啦, 但真係好厚.

*成部車好重, 即使同其他同級比較都係重.

* 網上review 就話, D shock oil 仲稀過愛黎煮飯果D 菜油, 一定要換, 同埋話彈弓太冧, 如果想飛就要換下喎, 我都買左一set 彈弓 (只有前, 後冇貨)

*又話, front shock tower個support 唔夠, 如果飛坡車頭落地, 可能出事. 我諗緊點樣強化佢.

*頭先講左, 部分件同Nitro circus 1/8係通用, 但邊D 係就唔確定, 已知既係避震, 前後A 臂都通.

*calibrate 之後, 俾少少油已好勁, 唔敢想像真係落地會點囉!

* 衰到呢, 連裝轆個工具都冇送, 要自己買

想問電工高人, 我過往裝燈, 就係響舊鋰電既平衡頭取電. 而家呢部車行兩舊鋰電, 咁, 係咪唔應該響平衡頭取電呢?

唔知點解, post 相總係唔能夠順次序, 算啦, 解說搭夠, 去相,

P.S. 之前買左Nitro Circus 既前A 臂, 以為可以通用, 望落都好似得, 點知....炒完一鑊要換, 先知......誤信網上資訊,原來係唔得架! 死死氣買返Sabertooth 既A 臂 (我買果時因為sabertooth A臂斷貨, 先買Nitro Circus.

多謝捧場, 我地呢D, 放假仲唔得閒過返工, 未有時間試車 係搞下D receiver 防水, 跟下D 螺C 咁咋.

想問下, 咁, 樓上ching 話換過四條呔好飛D, 係建議咩嘢呔呢?

Servo 我估都係要排隊換架啦, 應該用幾多kg 呢? thx!

燈果度, 真係諗住裝大食燈, 例如係8mm, 0.5W 果D 白燈, 至少整佢四盞, 閃爆佢!

點解要1cm offset呢? (係咪白痴左少少既問題 ?)

嘩, 日本女星喎! 之前係中山美穗, 呢個係天海佑希.

我係中女愛好者

965 發表於 2014-12-24 01:21
AWESOME!! Great to hear that you did it!

Check all the screws, may well add some thread lock, their ...

諗緊換油問題, 請問呢個" ~ 20-30K centre, 10-20K front, 5-10 rear" K value, 如果換返做cST, 係幾多號呢?

我見呢部, 佢話用成500K響中差速, 咪好杰?
https://www.youtube.com/watch?v=UpOEFOjfgWE


前中後差速換晒油, 咪成部打散晒咁滯?

今日試左車, 有如下感覺:

1. 果然係穩定過short course 好多, 點片彎都唔唔翻車, 我估係成部車都闊身D

2. 個ESC 真係麻麻, 用得, 但線性好差, 慢車就好明顯,

3. 速度, 勁度, 唔使講, 勁!

4. 而家係用15T 摩打齒, 個摩打冇點熱, 可以諗換大個轆或者多兩牙.

5. 應該都係冇差速油問題啦, 有時入彎會行到"線"住去咁, 下一步要換差速油. 意味住成部車打散咁滯!

問題: 唔知係舊電問題定點, 玩左十分鐘鬆D 就冇力了. 但check 返電壓, 都仲有7.6 喎, 唔通舊電有事? 定個ESC 有事? (其中一舊電, 叉唔到上8.4, 最多只去到8.38, 仲要成兩個幾三個鐘先叉到停! 舊電新架!)

第二次試車,

1. 照rickson 介紹, set 過個low voltage protection, 今次set 到2.8, 埋單佢每cell 玩到3.2 停車. 點都好, 爽玩廿幾分鐘先玩完一組(兩排) 電, 正!

2. 因為玩既時間長左, 今次真係試到部車幾黐線啦! 學D 鬼佬評論咁講, totally insane!  勁到爆! 好玩! 死啦, 唔想再玩部1/10 short course 了!

3. 佢個內籠呢, 唔似thunder tiger 果 車咁包到實, 都會有草石樹枝飛到入去, 要諗個罩, 否則好似今日咁, 成舊石仔入左去就唔好啦.

4. 係咪好值得推介呢? 我未玩過其他truggy 大腳, 而且都只係第二次試車, 唔敢話乜. 不過而家玩過兩鑊, 感覺非常良好. 千八蚊, you 諗you 啦!

5. 原廠冇跟拆轆個套筒, 如果ching 買, 千祈唔好買佢說明書果種十字型, 中間17mm 果隻, 因為佢轆果口C 帽係藏左入條令度, 要夠長既套筒先入到. 我係響鴨記買加長既套筒做既, 不過KWS 大把專用工具.

6. D 鬼佬評論話部車係under power, 可以再換大D 動力, 我覺得而家4S 都好勁, 係咪值得再投資成千蚊換過套可以行6S 既動力? 我暫時唔諗囉.

7. 買埋差速油了, 等開工, 嘩, 30K 20K, 杰到呢, 仲杰過白膠漿, 想像唔到500K 會點? 花生醬咁杰? 要用餐刀"查" 入去?

8. 問題: 如果要換埋避震油, 又要用咩野W 數呢?

p.s. 感受到呢類咁大馬力既車, 對環境做成既破壞鳥! 如果枕住響草地玩, 真係, 俾埋你都得...我指塊草地.:L

好在有個17T 睇門口, 唔夠皮換埋佢

個電變只可set punch, 應該冇得set timing

其實, 前bumper 係咪有需要呢? 點解D buggy truggy 都唔裝前bumper? 裝左有冇負面影響?

尋日開工換差速油, 有如下分享:

1. X 佢個肺, 打開個差速, 真係冇油響裏面, 只係 查左一D 類似雪油物體落去!

2. 安裝返之時, 發覺點解唔順呢? 原來又係介子問題, 即係Rickson 師兄響佢T8E 果個裝車post 裏面提到果個問題. 佢原本差速器啤令朗左三隻薄介子, 我發覺裝齊三隻係會好緊, 用兩隻就剛剛好, 又順, 但又唔會鬆.

引伸問題就係, 唔知佢中差後差係咪都裝到咁緊, 所以新車都真係要換差速油, 順便check 下佢D 啤令係咪緊過籠.

3. 前轆用左10K 差速油, 未試車, 但一上手轉幾下, 個感覺已經好唔同. 淨個手感都好正.

4. 新手, 淨前轆都搞左成晚, 不過中差後差應該就容易少少.

5. 已買埋bumper 同有關配件, 但我發覺只係裝前面已足夠. 係用nitro circus 1/8果組bumper 配件, 大部分位都夾, 少部分要想法子diy. 因未配螺C 所以未裝.

p.s. 搞埋個中差, 今次唔只係冇差速油, 仲係只得dd 咁dot dot油響裏面. 用左30K 差速油, 杰過白膠漿, 又睇下試車效果點.