RC EVOLUTION - 遙控工房 - 香港RC遙控車討論區

標題: 一路向西 - 電影版 [打印本頁]

作者: AMAT 時間: 2012-7-13 15:54
標題: 一路向西 - 電影版
http://www.youtube.com/watch?v=jJ24ZP2llDk

你問我期待嗎? 不期待
你問我想睇嗎? DL會考慮下

點解我會肯花錢去買本書,而唔肯去買飛入場,更甚只係以非法形式DL!?

書本只係文字,幻想空間大.聊聊數字,可能俾你幻想空間大好多,如果個女仔究竟有幾靚,有幾醜,任君自行在腦內發揮.
但變成電影,女角外型外觀已經被定型,你覺得個女角靚定唔靚,都已經被局限,幻想空間已經有限.
再加上女角自身O既花邊,如AV女,隆胸,串咀等等,你會好不期然咁投射落去果個電影女角身上,任何電影女角如何發揮,
你都係覺得佢個胸係假,又或者一開口就串你,或一陣煙味,再引起唔到你興趣.

至於加插AV女,我要睇AV女肉搏,我不如DL佢日本果O的"明刀明槍"作品好過啦,點解要睇佢呢O的"假情假意"?

另外,睇書,有人可能會幻想自己係男角身處當中,但係一睇電影,你只會話:乜個男角個樣咁.......
你再投入唔到個角色,冇O左代入感.當然,太靚仔都有問題.你估金雞入面O既劉德華真係會出現嗎?會O既,但變成華弟版機會大O的.

如果係為睇戲情,咁我就真係不如睇返書好過喇.

至於話睇下導演拍成點,首先場地已經唔多真實,至少返唔到國內拍.另外東莞係咪咁樣?睇佢預告片O既人應該都會話唔係咁囉.
而戲情上,本書本身已經寫得好笑,你都係叫演員重做一次,有何好笑或特別之言?
基本上果四十蚊飛機,我都已經扣到佢值返五蚊.即係話我覺得呢套戲只係值五蚊,五蚊我考慮下.
但五蚊套戲,油麻地戲院都冇O左,冇呢支歌仔唱,所以我諗我只會留返DL,睇下個導演拍到同本書差幾遠.

至於支持作者,作者收了錢,套戲拍成點其實同佢關係似乎不大.

作者: buzzybee82 時間: 2012-7-13 17:08
佢(電影)入面個d女係現實絕對唔會有羅.....

有既, 不定唔係一路向西裡面d角色玩得起既價~!!

歡迎光臨 RC EVOLUTION - 遙控工房 - 香港RC遙控車討論區 (https://jk.rc-evo.com/xbbs/)