RC EVOLUTION - 遙控工房 - 香港RC遙控車討論區

標題: 一個點樣既貨車局先會去呢? [打印本頁]

作者: orange00 時間: 2007-4-21 22:45
標題: 一個點樣既貨車局先會去呢?
1. 地點方便? 如屋企樓下, 唔係就打死都唔去.
2. 有咁揚得咁揚既地方? 如尖沙咀5支旗桿.....
3. 一班啱style既人? 如有d鍾意玩賽頭. 有d鍾意行下街....

我自己好簡單, 啱style就去. 地點無咩所謂, 但最好唔好咁揚. 一班玩熟咗既friend玩就更好, 但往往新手都好有驚喜.

你地會係點點呢?

作者: HF3648 時間: 2007-4-21 23:10
最緊要就係岩時間

作者: o頭頭o 時間: 2007-4-21 23:32
遊下街

食下野

地點無所謂

作者: 丫進 時間: 2007-4-21 23:45

原帖由 orange00 於 2007-4-21 22:45 發表
1. 地點方便? 如屋企樓下, 唔係就打死都唔去.
2. 有咁揚得咁揚既地方? 如尖沙咀5支旗桿.....
3. 一班啱style既人? 如有d鍾意玩賽頭. 有d鍾意行下街....

我自己好簡單, 啱style就去. 地點無咩所謂 ...

岩聽喎,雖然我係新手,但都唔想去d太揚既地方.
最鐘意都係4圍行下,影下相咁,最好就係d大型公園

作者: ricksonchow 時間: 2007-4-22 00:17
地點唔好咁遠,應該話交通方便lor(對我自己黎講), 我住北角,尖咀沙田馬鞍山都冇問題,不過大埔tun門就遠jor少少, 玩拖頭最麻煩都係帶佢搭車

作者: ray34567540 時間: 2007-4-22 00:21
1.約會地點, 時間明確
2.路線合適
3.行人少
4.有挑戰性

作者: orange00 時間: 2007-4-22 00:48

原帖由 ricksonchow 於 2007-4-22 00:17 發表
地點唔好咁遠,應該話交通方便lor(對我自己黎講), 我住北角,尖咀沙田馬鞍山都冇問題,不過大埔tun門就遠jor少少, 玩拖頭最麻煩都係帶佢搭車

所以我叫雞......記

遲大到唔係幾好意思.

另外, 如果set下泊車位. 影下靚仔相同video就正la

作者: orange00 時間: 2007-4-22 00:49

原帖由 o頭頭o 於 2007-4-21 23:32 發表
遊下街食下野地點無所謂

食嘢最好搵大排檔, 好食兼易泊車.

作者: orange00 時間: 2007-4-22 00:51

原帖由 HF3648 於 2007-4-21 23:10 發表
最緊要就係岩時間

同整好架車.

你架車幾時出廠呀?

作者: 0728 時間: 2007-4-22 01:38
你地呢班遙控日報既人問埋晒d假設性問題,目的及用意何在? 如果打算做個調查,返遙控日報個網問味得咯,唔駛上黎呢度拉人走喎,擺明你地唔夠料,成日上遙控工房叫人過檔啦,如果真的問野咁簡單,就真神奇,平時唔出現既人都回覆埋一份,你睇,甚麼orange00,甚麼ray34567540,甚麼頭頭,簡直就是圍內人自問自答做大戲,返去遙控日報慢慢問啦,唔好係度扮野啦!

作者: SPAWN 時間: 2007-4-22 02:03

原帖由 0728 於 2007-4-22 01:38 發表
你地呢班遙控日報既人問埋晒d假設性問題,目的及用意何在? 如果打算做個調查,返遙控日報個網問味得咯,唔駛上黎呢度拉人走喎,擺明你地唔夠料,成日上遙控工房叫人過檔啦,如果真的問野咁簡單,就真神奇,平時唔出現既人 ...

下??咁都唔得?共產黨?非我類者死?唔夠料?你好有料?叫人過檔?膠人就大把!

[ 本帖最後由 SPAWN 於 2007-4-22 02:08 編輯 ]

作者: alexppo2002 時間: 2007-4-22 02:14
正確！！！！阻住哂。= ="

作者: chrischan4165 時間: 2007-4-22 02:16
標題: 回復 #13 GUITAR_VIP 的帖子
唉!!算啦!!大家都係為興趣!!免傷和氣!!

作者: chrischan4165 時間: 2007-4-22 02:28

作者: chrischan4165 時間: 2007-4-22 02:46
標題: 回復 #18 GUITAR_VIP 的帖子
好鬼耐冇見你

作者: 乳細無增 時間: 2007-4-22 09:54

原帖由 0728 於 2007-4-22 01:38 發表
你地呢班遙控日報既人問埋晒d假設性問題,目的及用意何在? 如果打算做個調查,返遙控日報個網問味得咯,唔駛上黎呢度拉人走喎,擺明你地唔夠料,成日上遙控工房叫人過檔啦,如果真的問野咁簡單,就真神奇,平時唔出現既人 ...

0728兄所言我非常認同，問D甘有趣既問題？？你唔好又問羅絲係用咩上....

呢度成日都有D甘既問題嫁啦

你地一班人自問自答我地工房無一個用心答你地喎！

溫馨提示：呢度係工房唔係咩日報，係度撩人嘈交唔係咁好架！因為怕你地比人ban ...少d無謂既動作吧啦。

作者: o頭頭o 時間: 2007-4-22 12:17

原帖由 orange00 於 2007-4-22 00:49 發表

食嘢最好搵大排檔, 好食兼易泊車.

我地d車泊哂係大埔廣場電動樓梯下面

作者: HF3648 時間: 2007-4-22 12:33

原帖由 orange00 於 2007-4-22 00:51 發表

同整好架車. 你架車幾時出廠呀?

差唔多架喇...
宜家日日做功課做到訓都唔夠訓

作者: chrischan4165 時間: 2007-4-22 14:49
標題: 回復 #23 GUITAR_VIP 的帖子
good idea..我己加入ｖｏｌｖｏ軍團

作者: zozo 時間: 2007-4-22 16:03

原帖由 0728 於 2007-4-22 01:38 發表
你地呢班遙控日報既人問埋晒d假設性問題,目的及用意何在? 如果打算做個調查,返遙控日報個網問味得咯,唔駛上黎呢度拉人走喎,擺明你地唔夠料,成日上遙控工房叫人過檔啦,如果真的問野咁簡單,就真神奇,平時唔出現既人 ...

假設性問題成日都有人問，好似呢段：http://bbs.rc-evo.com/viewthread.php?tid=41393&extra=page%3D1
我已中立來說，果段你又唔出聲，呢段你又出聲，睇來０７２８好似同日報的人唔岩傾！死敵？

作者: coolboy 時間: 2007-4-22 17:06

原帖由 zozo 於 2007-4-22 16:03 發表

假設性問題成日都有人問，好似呢段：http://bbs.rc-evo.com/viewthread.php?tid=41393&extra=page%3D1
我已中立來說，果段你又唔出聲，呢段你又出聲，睇來０７２８好似同日報的人唔岩傾！死敵？

有人玩針對？成日都係咁！

作者: orange00 時間: 2007-4-22 23:29

原帖由 0728 於 2007-4-22 01:38 發表
你地呢班遙控日報既人問埋晒d假設性問題,目的及用意何在? 如果打算做個調查,返遙控日報個網問味得咯,唔駛上黎呢度拉人走喎,擺明你地唔夠料,成日上遙控工房叫人過檔啦,如果真的問野咁簡單,就真神奇,平時唔出現既人 ...

我....有叫人過檔咩? 我平時都有響度reply好多post ga. F1, TOURING, OFFROAD, M CHASSIS....2手區. 主要都係分享同答下D網友問題.
唔記得出過幾多POST, 但一定有二, 三百個. 假假地都係"高級會員", 你唔會話我平時無出POST MA
呢個POST目的好簡單, 我由第一架KING HAULER到家下有成十幾年. 本身忙, 可以出去玩車既時間唔多.
所以去得玩就要開心去, 盡興返屋企. 所以我覺得FUNCTION要有質素先去.
我用ORANGE00呢個名, 同時有響多個FORUM有ACCOUNT. 亦都有幫D朋友打理下, 做版主. 咁又代表D咩呢?

作者: Volvo_FH16 時間: 2007-4-22 23:30
如果我有貨櫃車，我會去 d 多人o既地方玩嘞

話晒一架 full option o既車要成五六千蚊喎，唔攞出黎威下點得
仲要整到架車勁多燈，好重型咁，收視仲唔爆晒燈，正

到時可以表演下自己手車有幾勁，自己玩得開心，小朋友又睇得又開心
有人問起架車要幾錢，我就開心要五六千蚊啫，幾豪呀

睇見 d 人o既羨慕o既樣就真係開心到震

所以我會選 no.2

作者: orange00 時間: 2007-4-22 23:35

原帖由 Volvo_FH16 於 2007-4-22 23:30 發表
如果我有貨櫃車，我會去 d 多人o既地方玩嘞
話晒一架 full option o既車要成五六千蚊喎，唔攞出黎威下點得
仲要整到架車勁多燈，好重型咁，收視仲唔爆晒燈，正
到時可以表演下自己 ...

我有時都幾驚d小朋友攪. 去旺既地方, 唔知有無試過俾人問:
部車幾錢...?

作者: tommy1218 時間: 2007-4-22 23:41

原帖由 orange00 於 2007-4-21 22:45 發表
1. 地點方便? 如屋企樓下, 唔係就打死都唔去.
2. 有咁揚得咁揚既地方? 如尖沙咀5支旗桿.....
3. 一班啱style既人? 如有d鍾意玩賽頭. 有d鍾意行下街....

我自己好簡單, 啱style就去. 地點無咩所謂 ...

一班啱style既人? 如有d鍾意玩賽頭. 有d鍾意行下街....
我都係咁話，遠近係其次！同埋唔鍾意去Ｄ好熱鬧地方玩。低調Ｄ好！

作者: minimini 時間: 2007-4-23 01:17

原帖由 orange00 於 2007-4-22 23:35 發表

我有時都幾驚d小朋友攪. 去旺既地方, 唔知有無試過俾人問:
部車幾錢...?

d 途人仲有好多問題o架 !!.....

- 部車駛唔駛砌o架 ??.... (要)
- 部車邊度造o架 ?? ........(日本)
- 行油定行電o架 ??.......(電)
- 最快行到幾多 "咪" ??......(唔知)
- 部車載到幾重嘢 ??......(唔知)
- 借嚟玩陣得唔得....如果試過好玩的話...等我買部俾亞仔玩........(你買唔買關我咩事, 我又唔係叫你買我部車

).....

幾搞嘢嘅問題都有......

[ 本帖最後由 minimini 於 2007-4-23 01:19 編輯 ]

作者: SPAWN 時間: 2007-4-23 01:44

原帖由 minimini 於 2007-4-23 01:17 發表

d 途人仲有好多問題o架 !!.....

- 部車駛唔駛砌o架 ??.... (要)
- 部車邊度造o架 ?? ........(日本)
- 行油定行電o架 ??.......(電)
- 最快行到幾多 "咪" ??......(唔知)
- 部車載到幾重 ...

係呀！我個Ｄ仲搞野
試過有個呀婆話：嘩！睇下！有部火車呀！

仲有個細路話：嘩！有部坦克車呀！

死未

作者: 中遠 時間: 2007-4-23 13:57

原帖由 SPAWN 於 2007-4-23 01:44 發表

係呀！我個Ｄ仲搞野
試過有個呀婆話：嘩！睇下！有部火車呀！
仲有個細路話：嘩！有部坦克車呀！
死未

今師兄你部野又幾似火車或坦克車既。。。

作者: SPAWN 時間: 2007-4-23 21:58

原帖由中遠於 2007-4-23 13:57 發表

今師兄你部野又幾似火車或坦克車既。。。

比人話坦克既唔係我lee部,係友人既一部富豪

作者: 老占 時間: 2007-4-24 02:57
正所謂：　道不同．不相為謀

這正是遙控工房．與遙控工房分化出來的另一班人之分別

想當初大約數年前．你們都不是出身．來自於遙控工房嗎？？

我們本著發揚及推廣遙控貨櫃車的精神辦事

關於連結如下：　http://bbs.rc-evo.com/viewthread.php?tid=16052&extra=page%3D1

小第認為如果要低調．遙控日報之一干人等都不會效發我們

甘願被（車主雜誌）訪問．．．．

試問如果要低調．不如系屋企玩就算．無需要口口聲聲話去靜靜地既地方

我相信你們經常所去的地方．再者聚餐既地方都唔會低調得去邊

例如去大排檔食飯等等

不明所以為何經常掛在咀邊要低調．人少環境靜的地方玩樂

在下不見得你們所講所做是同一回事．講一套做一套

眼睛雪亮的人都可以看得出吧．．．．

如果．日本的（廣板）玩遙控車如斯低調．相信不會有這樣的一天

相信遙控車熱潮及受歡迎程度不會像今天般

我們只是希望讓更多香港人認識這樣的玩意

向更多香港人推廣及分享長年累月的心血

遙控工房身為香港數一數二的遙控網．

目光遠大．帶領潮流．身為遙控界的一個重要角色．

不只是一群泛泛之輩或遙控發燒友

不只是聚集一群甚麼低調．人少少圍內玩的心態

不過強調一點．人各有志．本文並非針對或踩低任何一方

希望大家日後會更明白．我們今天的所作所為及用意

你們的其中一論點是怕人煩．怕小朋友搞你們的車

試問你們所途徑所為人少少的地方．真的沒有人煩你們麼？

小朋友無處不在．真的那麼怕小朋友搞垮你們的心血？

成年人．沒有控制及制止能力麼？　真的那麼容易就讓他人影響行車？

人多人少．其實不重要．如果咁怕人煩．咁怕人搞部車

周街都系人．倒不如圍內小圈子在家中玩遙控車就算了吧

因為始終一出街．見光死．就會變得高調．就會有人搞你們的車!!

[ 本帖最後由老占於 2007-4-24 03:00 編輯 ]

作者: 老占 時間: 2007-4-24 03:25
至於　（０７２８）　及　（乳細無增）　的論點

小第同意他所說的部份根據

其實大家心中有數．

很多新手一開始會出現於遙控工房為發源地

但為何過了一段日子後會變成另一台人的聚會？

很多兩邊走的中界人仕曾經指出

忽然會收到某某另一論壇的邀請

忽然會有部份另一台的聯絡人．會邀請我們的新手加入

甚至會收到秘密ｐｍ等等．明人不作暗事．同意與否？？

當然你們會說是因為你們有幾岩玩．甚麼志同道合之類

但問心．ＲＣＴＰＰ也是你們一手一腳搞出來的網頁

你們的班底想當日也是由：　遙控工房的一群分化開去

發展至今天的（遙控日報）　．來來去去都是同一班人做台柱

新人何來？　是你們所謂甚麼分享多一個網站？　甚麼秘密邀請之類麼？

或許我們做的不夠全面．不懂得控制及留下人們的心

不懂得像你們以往（ＲＣＴＰＰ）一般．將數年前的文章不斷重推又重推的回覆

我們日後定當會搞更多吸引新手的活動．更會組織一班經驗老手回答新手問題

我認為是良性交流．讓大家理性地去發展各自各的（志同道合）

希望大家也有好的作品．好的班子去維持遙控貨櫃車的活動及熱度

就算大家心態不一樣．玩法不一樣．理論不一樣

都可以和平共存．有好的對手良性競爭．世界才會進步．

是非黑白不想再彼此喧染下去．公說公有理．婆說婆有理

一切爭論到最後：　那個背後無人說．那個人前不說人

舊人相信你們應該最清楚一切

好多新手新人都是聽聽埋埋是是非非．無需認真．亦未能確定作準

大家只是一班熱衷遙控貨櫃車的朋友們．

希望大家本著玩家的心態去處理今次事件

笑話一則．無需要再你一言我一語去解釋及維護

作者: 老占 時間: 2007-4-24 03:34
另外．我作為遙控工房的管理層．

小第最近公務極為沉重及繁忙

回家處理的希望不是這樣：　細路仔玩泥沙一般的罵戰

雖說這裡是公開的論壇．但希望大家尊重本區版規

儘量勿再說一些離題太過份的內容出現

芝麻綠豆像八婆一般的行為．希望不會再出現．

此外．強調一下現今（遙控工房）的放車召集人

已交給（有勇無謀）作為聯絡人之一

希望該貨車區版主會為遙控工房．帶來新風氣及管理制度

在下公務纏身之際．可以帶領一眾新朋友．盡情分享及玩樂遙控貨櫃車的趣味吧

作者: 老占 時間: 2007-4-24 03:38

原帖由 GUITAR_VIP 於 2007-4-24 03:30 發表

你言重了．只不過係簡單既意見POST~

你就咁敏感係度解釋云云喇？

我明白你的意思所在．此POST並非針對閣下．請放心
我啜啜~~卜 >3<!!!

以下為其中一名（會員）給小第所發出的ｐｍ

內容大致為舉報此文章有人無事生非

為保障當事人權益該（會員）名字不會公開

這是最好不過的證據之一麼？？

[attach]82217[/attach]
[attach]82218[/attach]

就是因為最簡單不過的資料搜集文章

都可以引致導火線的開始

在下作為遙控工房管理層

公務每日沉重及繁忙之際

竟然有多位工房老友來電告知此事

我並非甚麼敏感．不過定當有必要處理!!

麻煩到我是一個重要環節!!

甚麼針對在下．我不明所以

企出來只為公道．當然此事對我來說

本身就是關人隱事吧

[ 本帖最後由老占於 2007-4-24 03:58 編輯 ]

作者: 老占 時間: 2007-4-24 04:32

原帖由 GUITAR_VIP 於 2007-4-24 04:04 發表

老占講既真係無錯~~~果然係有"秘密ｐｍ"呀!

我都系咁話：　凡事無鬼唔死得人　

作者: 鐵佬 時間: 2007-4-24 07:41
點解搞到咁樣的,我成日都以為RC工房同RC日報係同一線路,以成日報係好似報章形式咁,諗唔到會有咁多分別,其實大家都係玩車姐,只要開心咪得囉,前因後果我真係唔知有咩事發生??

作者: Volvo_FH16 時間: 2007-4-24 09:45

原帖由鐵佬於 2007-4-24 07:41 發表
點解搞到咁樣的,我成日都以為RC工房同RC日報係同一線路,以成日報係好似報章形式咁,諗唔到會有咁多分別,其實大家都係玩車姐,只要開心咪得囉,前因後果我真係唔知有咩事發生??

都預左架啦，比人踩場仲唔還擊咩
唔同人睇 (post) 唔同野

[ 本帖最後由 Volvo_FH16 於 2007-4-24 09:57 編輯 ]

作者: toyotali2000 時間: 2007-4-24 11:09
玩車為開心姐

一班人好開心

仲學到好多嘢

一個人玩都好開心如果你熱愛貨車

唔想去大多人的地方係因為怕咗住人地行

你諗下如果你係行街嘅人~對車又冇興趣~
我實話你阻住條街

(市區D路有幾闊..)兩架車平排都冇咗一半

一陣架車有咩事停低整

個人比較喜歡去公園玩(海濱)閒日冇人仲正...架車可以自由自在咁行

其實有得玩已很好:)

作者: orange00 時間: 2007-4-24 12:02

原帖由老占於 2007-4-24 04:32 發表

我都系咁話：　凡事無鬼唔死得人　

占兄, pm約車好平常. 況且你話拉人去另一個forum既function 玩車.
我可以好好好肯定同你講, 我去過既貨車局全部都係收pm或icq message約而無響任何forum出post.
而據我所知, 暫時無任何一個RC FORUM有版規唔準同一個FUNCTION/PARTY響幾個FORUM約. 或者唔準PM約車.

不過出去玩車又好, 買賣二手嘢又好. 見過我既人都知我易話為.

另你話我係工房分化出嚟, 唔知你有無見過我, 或者我有無參加過你約既PARTY?

老實講我想JOIN, 但奈何就唔到時間. 上次你PM約我, 我都覆過你.

咁大個人你唔係為咁小事嬲AR

跟據占兄作為搖控工房管理層所發表言論, 唔知代唔代表整個搖控工房先?

明明好心出POST而個POST淨係響呢度出. 無提過半句其他嘢.
都係想大家LEARN同發表下點整個FUNCTION先好玩D. 唔係想嗌交.
你咁樣搬一大堆咁既嘢出嚟....我唔知後面有咩原因.

不過我好有興趣知究竟之前發生咩事. 又分化, 又呢樣, 又果樣
會唔會出個POST講番點解? 咪等間好似我呢D咩都唔知既MEMBER, 又攪到唔開心就唔好LA.

作者: 鐵佬 時間: 2007-4-24 12:26
會唔會版主覺得,點解大家都係車友,要搞到分散黎玩呢?

作者: RCman 時間: 2007-4-24 12:45
我本來吳想多講，
貨車活動我更加無玩好耐
貨車區我好少講野了...............
但我識得的樓主為人對RC好有熱誠，
卻被版主"驚弓之鳥"而作無禮的對待
以前版主的"事"都無人提過。
只係版主本人心中有鬼，至會見到鬼。
而我想問版主你以上所講係用RC-evo名議定係自己名議所發表呢？
呢點好重要，無謂為過去的經歷重而大做文章.........................可悲可笑

再者，每次有異見人事你都會打好多辦辭。
係有理，一二句就夠，吳洗打甘多次都。
重係次次都相同添

太長我老人家老花睇你吳到傢

作者: 有勇冇謀 時間: 2007-4-24 13:56
其實難得大家都有共同興趣(玩貨車), 無須咁勞氣....! 玩車之內皆兄弟, 大家只不過有唔同方式去運作, 不需你睇我唔起, 我睇你唔順眼.

小弟一直認為玩車冇分彊界, 香港島, 屯門, 沙田, 大埔及尖咀都曾經遺下不少胎痕, 好像 orange兄所提, 只要咁時間一定會出席, 只不過睇 o下有冇心la...

.

本以為係工房份子而冇緣出席 rc-daily 之活動, 但上次經幾位版友聯絡下, 出席了一次活動, 加上當天下著毛毛細雨, 出席之人數亦不少, 交流下心得, 可見這群熱衷貨車活動之心更勝天氣.
當天雖然逗留時間較短, 但亦見識過大家之傑作, 心感榮幸....

小弟時常在想, 不如工房同 daily 一齊玩車 o物更人才鼎盛....

以上只不過係小弟愚昧之見, 不是偏幫任何一方, 希望大家冰釋之前的恩怨情仇, forum 係一個比大家吹o下水, 討論 o下的地方, 大家只係發表自己的意見, 冇心批評&攻擊其他人, 希望大家保持工房的自由及和諧之氣氛.

作者: 鐵佬 時間: 2007-4-24 14:07
不如整個放車旅行團,由朝放到晚,過程中最好有一個地方比大家坐底討論技術同心得,哈哈........

作者: 老占 時間: 2007-4-24 14:07

原帖由 RCman 於 2007-4-24 12:45 發表
我本來吳想多講，
貨車活動我更加無玩好耐
貨車區我好少講野了...............
但我識得的樓主為人對RC好有熱誠，
卻被版主"驚弓之鳥"而作無禮的對待
以前版主的"事"都無人提過。
只係版主本人心中有鬼，至會見到鬼。
而我想問版主你以上所講係用RC-evo名議定係自己名議所發表呢？
呢點好重要，無謂為過去的經歷重而大做文章.........................可悲可笑

再者，每次有異見人事你都會打好多辦辭。
係有理，一二句就夠，吳洗打甘多次都。
重係次次都相同添
太長我老人家老花睇你吳到傢

作為一個老人家．似乎你有好多錯別字．同音字．我真的不懂得看

如果你唔想多講．不如唔好講．別以你們一貫作風自打咀巴

甚麼驚弓之鳥？　甚麼無禮對待？

有人投訴我出文分享是何等不禮貌？

在下亦不見得你言語間有禮貌吧!!

難道發表一下個人感受及心聲．就是你所說甚麼（辦辭）？？

甚麼一兩句就夠？　次次相同既道理？

當然．既然是鐵證一樣的事實．你們怕誰？

大家都對貨車有著熱誠的心態

小第一心只想道出大家的不同之處．以及可以和平共處．

如果你們有心上來挑釁．無任歡迎

ＲＣＭＡＮ　你自己都系邊度出身．無需多講．大家心中有數

估不到有人未看清楚事情發展．就急不及待走出來還擊

唔好係度貓哭老鼠．無人投訴我真的懶得企出來吧!!

[ 本帖最後由老占於 2007-4-24 14:10 編輯 ]

作者: 老占 時間: 2007-4-24 14:27

原帖由 orange00 於 2007-4-24 12:02 發表

占兄, pm約車好平常. 況且你話拉人去另一個forum既function 玩車.
我可以好好好肯定同你講, 我去過既貨車局全部都係收pm或icq message約而無響任何forum出post.
而據我所知, 暫時無任何一個RC FORUM有版規唔準同一個FUNCTION/PARTY響幾個FORUM約. 或者唔準PM約車.

不過出去玩車又好, 買賣二手嘢又好. 見過我既人都知我易話為.

另你話我係工房分化出嚟, 唔知你有無見過我, 或者我有無參加過你約既PARTY?
老實講我想JOIN, 但奈何就唔到時間. 上次你PM約我, 我都覆過你.  咁大個人你唔係為咁小事嬲AR

跟據占兄作為搖控工房管理層所發表言論, 唔知代唔代表整個搖控工房先?

明明好心出POST而個POST淨係響呢度出. 無提過半句其他嘢.
都係想大家LEARN同發表下點整個FUNCTION先好玩D. 唔係想嗌交.
你咁樣搬一大堆咁既嘢出嚟....我唔知後面有咩原因.
不過我好有興趣知究竟之前發生咩事. 又分化, 又呢樣, 又果樣
會唔會出個POST講番點解? 咪等間好似我呢D咩都唔知既MEMBER, 又攪到唔開心就唔好LA.

無錯．玩車無國界．根本只屬平常事

至於甚麼ｐｍ唔ｐｍ．只是一個約會的型式．

易話為既唔止你一個．認識在下的都不會覺得有架子．同樣道理

分化．無話指明你個名．請留意
（我在之前稱為：　你們）

代唔代表整個工房？　代表與否．有何關係．又如何？？

咁我又想問．你講既說話．唔知又代唔代表整個遙控日報？？

我正想講．問黎多餘．十分無意思

想知咩事．甚麼分化．問黎都無用

兩邊人各自會說各自的一套．加上喧染．無聊的行為及答案

如果你咁正義．就唔好寸咀．甚麼咁大個人都嬲．咩都唔知既ｍｅｍｂｅｒ．搞到唔開心就唔好啦等等

假設無心上黎搞事．問野咁簡單．希望唔好再離題太遠

如果喜歡言語間加上不禮貌或挑釁的字眼．可以繼續

以上都講過．唔係有人投訴．我都懶得大造文章去講太多

那麼低調的一群遙控發燒友．為何不談談何以高調上車書？？

那麼低調．好多時又見到你們在市區玩．真是自打咀巴．．．．

ＲＣＴＰＰ既人又好．遙控日報既人又好．

如果有骨氣．就唔好再多在此多發言．你們舊人心中有數．

點解會另起爐造．當年曾大聲說不會再上工房的人．請別再自話自說地去開口講

尤其那些甚麼老人家等等．趕得你地走．有一次．我唔介意有第二次

我禮貌地去發言．你地不尊重．無法子．要寸．呢度又唔係你地地方．請自律!!

在下為人先禮後兵．你好我好．就係咁簡單．事不關已的人．請別勞心

[ 本帖最後由老占於 2007-4-24 14:30 編輯 ]

作者: Volvo_FH16 時間: 2007-4-24 14:32
如果無左第 11 樓那個假設樓主拉人走那個假設性 post ~~
如果無左發秘密 pm 給版主的那個假設樓主拉人走那個假設性 pm ~~
乜都係假設無證據 ~~
這根本就係一個好普通好普通好普通的調查，又怎會發展到這地步呢？
邊個玩野好清楚啦

[ 本帖最後由 Volvo_FH16 於 2007-4-24 14:40 編輯 ]

作者: orange00 時間: 2007-4-24 14:36

原帖由 有勇冇謀 於 2007-4-24 13:56 發表
其實難得大家都有共同興趣(玩貨車), 無須咁勞氣....! 玩車之內皆兄弟, 大家只不過有唔同方式去運作, 不需你睇我唔起, 我睇你唔順眼.

小弟一直認為玩車冇分彊界, 香港島, 屯門, 沙田, 大埔及尖咀都曾經遺下不 ...

其實我一路都鍾意周圍出post, 因為咁樣可以多d人玩, 多d人有興趣, 甚至玩緊既人都多d動力.
forum唔係"字頭", 去玩唔需要label自己.
之前某網友曾經講過, 去function唔帶車等於無帶身份証. 即係話自己係自己. 無話屬於邊度.

我鍾意玩RC, 可以話咩RC都玩. 唔鍾意嘈交.

無論你係咩人, 只要啱玩就得.

出個post好好地又俾人整花曬!

作者: 老占 時間: 2007-4-24 14:38
是是非非．的確厭倦非常

希望玩車就玩車．唔好再無聊搬弄事非

我講過．公務十分繁忙的我．

回家並非想見到一大堆無意思的罵戰

希望大家自律．

作者: RCman 時間: 2007-4-24 14:42

原帖由老占於 2007-4-24 14:07 發表
ＲＣＭＡＮ　你自己都系邊度出身．無需多講．大家心中有數

我RCman無係邊道出身，一定吳係RCevo

你吳好扮醒

;P
我一定就吳係RCevo出身，我玩RC你都未知係邊道

RCevo及其它RC論壇係比大家共同興趣人事上來。
吳同意見的人就一定有傢啦。
吳好講到甘偉大

再者，要講RCevo之前我都上過好多其它newsgroup
而RCevo都係由newsgroup進化出來的。
人多的地方就可以活躍到一班對RC有興趣的人而已。
我只係想吳好為左D無謂野令玩貨車的人複習化左。
你吳洗re我post傢啦
re左我都吳會再理呢D無謂野.........

作者: orange00 時間: 2007-4-24 15:12

原帖由老占於 2007-4-24 14:27 發表

無錯．玩車無國界．根本只屬平常事

至於甚麼ｐｍ唔ｐｍ．只是一個約會的型式．

易話為既唔止你一個．認識在下的都不會覺得有架子．同樣道理

分化．無話指明你個名．請留意
（我在之前稱為：　你們） ...

無錯．玩車無國界．根本只屬平常事同意

至於甚麼ｐｍ唔ｐｍ．只是一個約會的型式．同意

易話為既唔止你一個．認識在下的都不會覺得有架子．同樣道理都聽聞過, 可惜未有機會一齊玩車

分化．無話指明你個名．請留意
（我在之前稱為：　你們）所以我成日話唔知咩事

代唔代表整個工房？　代表與否．有何關係．又如何？？有, 因為你係呢個版既版主. 我都係尊重你先咁問, 唔好誤會

咁我又想問．你講既說話．唔知又代唔代表整個遙控日報？？唔代表, 因為我從未提及你指既論壇(包括其他我出既post)

我正想講．問黎多餘．十分無意思

想知咩事．甚麼分化．問黎都無用

兩邊人各自會說各自的一套．加上喧染．無聊的行為及答案你始終響樹label d 人, 又話玩車無國界.

如果你咁正義．就唔好寸咀．甚麼咁大個人都嬲．咩都唔知既ｍｅｍｂｅｒ．搞到唔開心就唔好啦等等都係問清楚你係唔係嬲我咋

假設無心上黎搞事．問野咁簡單．希望唔好再離題太遠有人off topic先, 作為樓主唔覆好無都禮貌.

如果喜歡言語間加上不禮貌或挑釁的字眼．可以繼續我完全無咁既意思.

以上都講過．唔係有人投訴．我都懶得大造文章去講太多被投訴係唔係一定等於唔啱?

那麼低調的一群遙控發燒友．為何不談談何以高調上車書？？原因係分享, 不在於SHOW OFF. 老實唔係有人出POST, 我都唔知本書出咗.

那麼低調．好多時又見到你們在市區玩．真是自打咀巴．．．．我係NT GUY, 未出過KLN玩, 你見到最少一定唔係我

ＲＣＴＰＰ既人又好．遙控日報既人又好．

如果有骨氣．就唔好再多在此多發言．你們舊人心中有數．唉, 講極都係咁.

點解會另起爐造．當年曾大聲說不會再上工房的人．請別再自話自說地去開口講

尤其那些甚麼老人家等等．趕得你地走．有一次．我唔介意有第二次有D咁既事, 點解?

我禮貌地去發言．你地不尊重．無法子．要寸．呢度又唔係你地地方．請自律!! 希望唔係話我, 我以經好有禮貌

在下為人先禮後兵．你好我好．就係咁簡單．事不關已的人．請別勞心你整到我個POST咁, 又跟住講D咁既嘢, 無奈.

ANWAY, 有機會一齊玩車.

[ 本帖最後由 orange00 於 2007-4-24 16:13 編輯 ]

作者: 老占 時間: 2007-4-24 15:42

原帖由 RCman 於 2007-4-24 14:42 發表

我RCman無係邊道出身，一定吳係RCevo
你吳好扮醒
我一定就吳係RCevo出身，我玩RC你都未知係邊道
RCevo及其它RC論壇係比大家共同興趣人事上來。
吳同意見的人就一定有傢啦。
吳好講到甘偉大
再者，要講RCevo之前我都上過好多其它newsgroup
而RCevo都係由newsgroup進化出來的。
人多的地方就可以活躍到一班對RC有興趣的人而已。
我只係想吳好為左D無謂野令玩貨車的人複習化左。
你吳洗re我post傢啦
re左我都吳會再理呢D無謂野.........

或者我唔應該講：　出身

應該講你於此地：　彈起．發源地等等

想當年你唔係在遙控工房．認識及集結一班人玩貨車

相信你現在還是一個獨立人仕之類

如果明白意見不同就是理想當然

就請別批評別人的意見或過份自我

你老人家玩ＲＣ時我真的不知在那．

不過如果你自問是一個成熟看化的人．

相信也不會言語間加上不正確的討論態度．

最後．真的唔好意思．我扮醒．

原來當年你未發源於遙控工房前

經已玩ＲＣ．所有作品貼出來的．都是舊東西喎!!

唔知你識既朋友．玩既玩意．集合既所有人．會唔會於遙控工房之後才發生呢？！

如果唔想再令玩車關係複雜法．自己就唔好落手落腳去分化埋一份

不過岩既．自話自說．自打咀把都係你地一貫作風

無謂野唔應該講．就唔好再講．廢話連篇就唔好啦

作者: 老占 時間: 2007-4-24 15:59

原帖由 orange00 於 2007-4-24 15:12 發表

無錯．玩車無國界．根本只屬平常事同意

至於甚麼ｐｍ唔ｐｍ．只是一個約會的型式．同意

易話為既唔止你一個．認識在下的都不會覺得有炯?本D過, 可惜未有機會一齊玩車

分化．無話指明你個名．請留意
...

如果你唔代表遙控日報．亦尊重我身為此論壇版主

請自律及自重

你成日強調在下甚麼ｌａｂｅｌ別人的身份或角色

標籤別人或自己．都是有跡可尋．標籤與否．根本不重要

你自己不是本身大大個Ｌｏｇｏ在簽名檔加上（遙控日報）嗎？？

被投訴不一定等於唔岩．不過我作為管理層有必要調停或澄清一些事實

及更正一點．整到閣下既文章咁樣．相信並非本人行頭

你識講有人Ｏｆｆ　Ｔｏｐｉｃ在先．唔代表你要甚麼禮貌上回覆

我亦大可以講．我身為版主．唔主持公道講番兩句不行．是嗎？？

作者: 鐵佬 時間: 2007-4-24 16:07
大家算吧,各執一詞都只會有損和氣,大家都係愛車之人,不要再討論這問題了,大家都係拿自己老婆二三奶出黎交流,欣賞下人地件菜仲好啦...........

作者: 老占 時間: 2007-4-24 16:13
雖然．一直以來．是非不絕

一群稱為　ＲＣＴＰＰ．　遙控日報　等小圈子自話自說．自把咀巴不絕

例如當年說：　

１）　曾誓言不會再上遙控工房發表或瀏覽

２）　大家理論不同：　如你們當年經常批評小第改裝貨車理念不正確
　　　　　　　　　　　貨車著重維修與保養概念
　　　　　　　　　　　大量改裝會失真等等
　　　　　　　　　　　可笑的是最後與小第的發展路向相同．
　　　　　　　　　　　現在不是經常大改裝嗎？？

３）　經常道出如何低調玩車
　　　（但經常於人多及市區出沒．更甚就是同樣效發本遙控工房．上車書）

４）　甚麼志同道合．其實集結一班無知的人．將人家的心血報銷．專玩撞車等等

５）　集合一班人是是非非．於另一你們主持論壇．
　　　經常無故禁止非你族類人仕發言．封鎖ＩＰ等等

６）　口講假正義．實則講一套．做一套

７）　喜歡言語間挑釁．小圈子活動等等

儘管以上行為．國有國法．家有家規．與我們無干

不過始終呢度不是你們地方．對!!　是有言論自由

不過請尊重別的主人家．別人的版規等等

如再有如此煩擾的話題．小第不會再手下留情

禁言．封鎖位址．封鎖戶口．我有能力．亦懂得這樣做

不過本著體諒的心胸．希望你們會自律．能和平共存．為興趣為原則出發等

[ 本帖最後由老占於 2007-4-24 16:16 編輯 ]

作者: Volvo_FH16 時間: 2007-4-24 16:14
這個 post 多得 0728 唔少

作者: 老占 時間: 2007-4-24 16:20

原帖由 Volvo_FH16 於 2007-4-24 16:14 發表
這個 post 多得 0728 唔少

當然．每個論壇每個地方每種事情

也有他們本身的支持者或不同聲音

佢講既意見只不過屬於冰山一角而已

好多眼睛雪亮既舊人都知道曾經發生的事實

有人同意．有人否決

但不論如何．是非黑白後人無從得知

希望本著熱愛遙控貨櫃車為大前題

無謂再像三姑六婆般你一言我一語沒結果

不過是是非非讓我看出一樣東西

就是遙控工房的流量及貼文的話題

遠比某某小圈子論壇來得廣闊

相信是其中一種娛閒之一的沖激　

[ 本帖最後由老占於 2007-4-24 16:24 編輯 ]

作者: 乳細無增 時間: 2007-4-24 16:28

原帖由老占於 2007-4-24 16:20 發表

不過是是非非讓我看出一樣東西

就是遙控工房的流量及貼文的話題

遠比某某小圈子論壇來得廣闊

相信是其中一種娛閒之一的沖激

這正是我選擇遙控工房為我首頁既原因之一

作者: orange00 時間: 2007-4-24 16:29

原帖由老占於 2007-4-24 15:59 發表

如果你唔代表遙控日報．亦尊重我身為此論壇版主

請自律及自重

你成日強調在下甚麼ｌａｂｅｌ別人的身份或角色

標籤別人或自己．都是有跡可尋．標籤與否．根本不重要

你自己不是本身大大個Ｌｏｇｏ ...

唉, 張banner係一個朋友design, d車係d friend. signature 唔等於響朵.
貼架星星車就話自己係factory staff, 貼阿sa阿嬌張相就話係佢條仔. 唔係fa

ok, reply埋你呢個, 個post off topic既reply 我唔會覆.
不過唔好等間唔覆又話我其他嘢

都係講玩車好d

. 希望你唔好delete 個post, 因為我真係想問下d貨車人有咩提議好玩d.

作者: Volvo_FH16 時間: 2007-4-24 16:34

原帖由老占於 2007-4-24 16:20 發表
當然．每個論壇每個地方每種事情
也有他們本身的支持者或不同聲音
佢講既意見只不過屬於冰山一角而已
好多眼睛雪亮既舊人都知道曾經發生的事實
有人同意．有人否決
但不論如何．是非黑白後人無 ...

你講得都啱
但我覺得 0728 在 11 樓佢都只係推測樓主會叫人過檔
然後乳細無增就黎個搧風點火，跟住版主就講幾年前的往事...
由頭至尾熡主都沒有任何叫人過檔或過火的行為
警察拉人都要證據啦，所以我覺得 0728 和乳細無增是挑起罵戰的頭
這個 post 變成這樣好不值

同埋我想問版主是否即係同意佢地的推測 ~ 樓主在叫人過檔？

[ 本帖最後由 Volvo_FH16 於 2007-4-24 16:47 編輯 ]

作者: HF3648 時間: 2007-4-24 17:19
為避免車友間之關係受損，此文章已被關閉

作者: 有勇冇謀 時間: 2007-4-24 17:20
事情發展到咁的地步.....
你一言, 我一語, 一定得不出結果,
依然希望大家平息怒火, 不要再挑撥離間, 假設太多亦無好處,
以維持工房貨車版之良好形象...
感謝各位對貨車版之支持, 發言及討論

作者: AMAT 時間: 2007-4-24 18:24
本人謹代表遙控工房重申以下幾點:

1.版主老占之言談並非本網立場
2.遙控工房均歡迎其他RC網站之常客到訪發言討論
3.遙控工房對於守版規之版友非常歡迎
4.任論與本人或本工房之管理層有否牙齒印,只要不干犯版規,我地一律歡迎參與討論
5.遙控工房主旨乃提供一個良好之討論環境予RC玩家
6.在不影響其他版友發言及討論下,工房均歡迎版友進行任何SHOW OFF行徑包括接受雜誌訪問
7.任何其他屬會,網站之管理層或忠實版友,在工房均享有和工房版友同等之討論權利

此致

遙控工房示

歡迎光臨 RC EVOLUTION - 遙控工房 - 香港RC遙控車討論區 (https://jk.rc-evo.com/xbbs/)