HUMMER大翻新 - 舊車翻新指南

係舊工房張貼過,宜家又貼多一次出嚟,等大家可以翻新你O既舊車時有所方法~!^_^

呢架HUMMER係個朋友未俾我前,講到呢架車非常狗肉,已經打算掉落垃圾筒,但小弟堅持唔好!
叫佢俾我翻新,於是乎我就接收咗呢架車..........HUMMER~!

經過多番考慮.....同埋有得出公數O既情況下......
我最後決定唔用個舊膠殼改喇,改用全新O既HUMMER H2 SUT透明殼!

呢款殼係FOR TOURING用!190MM!基本上係好適合TA01車架O既舊HUMMER用!

不過.....問題來了!哈哈!

車架大致上OK喇,下一步就開始整車殼喇~!

待續...

今日出去偉高,搵到油壓架同頭波箱份件,仲有尾大齒果份,
即時入貨返嚟換晒佢啦~!

紅色O既車頭,有如HONDA CIVIC裝咗大TEC偈一樣啦~!哈哈!

基本上O架車就組裝返晒,不過仲有好多野都要翻新.....即係可能要換新
件先掂.....

例如前油壓架爆咗,有一隻轉向杯都爆咗,四支油壓我諗緊好唔好換返以
前TA02用O既金屬油壓等等啦.....仲有換埋個頭BUMPER......

宜家開始要出去睇下有冇件賣,先可以繼續整落去喇~!哈!

洗乾淨晒O的齒真係好鬼乾淨~!呵呵!
睇上以真係以為新零件一樣啦!~^_^

記得裝O既時候,係O的齒到加返O的雪油~!咁就可以轉得好順~!

洗乾淨晒O的件,就可以裝返好O架車喇~!

變得幾乾淨~!

原本咁污糟O既齒輪......

浸咗成日O既膠件,你睇,水面浮起幾多油呀!

呢個堅呀~!
打散個齒差~!嘩!磨到中間果支三角軸承支鐵都斷埋~!真係非常堅呀~!
哈哈!

好在,我有後備件係到~!嘿嘿!

唔係波箱部份就基本上用藍威寶溝水洗洗佢都OK架喇~!O的塵痴得太
實的話呢,就又係呢,浸佢過夜啦~!

浸完之後,搵隻舊牙刷,刷下佢,刷埋佢積係入面O既塵同沙石出嚟,咁就乾淨晒喇~!

方法就係掉佢落去藍威寶到溝水浸過夜!
最好就係用食雪糕果O的膠盒!夠深,兼夾容量唔會太大!
果個2L雪糕盒,基本上就滿上,落兩至三杯蓋藍威寶.
浸佢過夜,甚至兩日就最好~!尤其係波箱部份~

終於打散個車架喇.....嘩!污糟到呀~!哈!

車架同車底果O的塵同沙都唔係最大問題~!
最大問題係波箱入面果O的油!點樣洗乾淨佢呢!?!?!?!?!?!

車呔洗乾淨,風乾咗一晚,之後再用SOFT99洗洗抹抹,面果到就乾淨晒
唔在講啦~!底果面直頭靚到反光~!因為冇磨花到嗎~!正!呵呵!

洗完之後,幾鬼乾淨呀~!仲轉得好順添~!正!
最好就係呢個時候加返O的啤鈴油落去.
雖則WD40都有保護作用,但係個潤滑作用唔持久,好快走鬼晒,所以加返啤鈴油落去穩陣好多.

如果你用白電油洗的話呢,洗完都要記得用WD40浸佢一次,之後再加啤鈴油~!

你睇下O的WD40由透明,變成黑色咁濟.....你就知O的啤鈴係幾咁污糟....
哈哈!

洗完一次,倒咗O的WD40,再反覆用WD40,依以上方法洗三四次到,基
本上就都OK乾淨晒~!

掉晒O的啤鈴入去個菲林筒到,之後噴入WD40,要浸到過晒O的啤鈴咁滿
到啦.....冚埋個蓋,勁搖!

點洗啤鈴呢?基本上最好就用白電油之類洗....但由於我冇!
所以我改用WD40!加一個小小菲林筒幫手~!

原來呢O架野全車啤鈴喎!拆晒出嚟睇~!嘩!O的沙石多到呀~!
咁就梗係要洗啤鈴啦~!