本帖最後由 skyhawk 於 2016-1-25 11:19 編輯
今日終於真正完成田豹Project, 加入雙穩
一直都好不滿田只出單穩(炮管上下穩定), 仲要鬼咁死貴, 好唔抵
之後十式出埋雙穩, 更加dump 心, 可惜二廠一直無出, 如成套聲組換晒TK22G, 成本高之餘, 又無咗玩戰術燈功能, 聲都差一D
前兩日見到大陸淘X有人出咗獨立雙炮穩module, 仲只係二百尾人仔, 評估過應該可以裝到入去田豹與原廠聲組共用
所以膽粗粗入一隻試下, 得咗!!
https://www.youtube.com/watch?v=tMlEDyXEbHk
因炮搭後面都無晒位, 所以要裝前面, 但要預咗作破壞性改裝, 愛「直角盒人士」勿做
由於唔太夠位, 先拆咗個金屬外盒, 再改裝下炮搭內部先裝到
評價:
雖然呢個炮穩有D缺點, (但又未必係佢問題) 開到最快轉急彎, 炮管速度跟唔上, 不過, 呢個問題係死症, 因為田豹個炮搭橫轉摩打唔夠快 (十式都好似係咁)
但改快摩打, 仲衰, 會令慢轉時炮搭轉向過快, 會chok chok下, 針無兩頭利, 選中庸之道,就算甩咗,架車轉返慢D或行返直,炮管都自行歸位,呢個module定位算幾唔錯
如果佢可以在炮管橫穩速度控制做得好D就好完美
上下炮管穩定做得唔錯, 原廠的炮管自動提起防撞功能都能夠保留到, 唯一要注意, 當炮管向後時, 炮穩作用會令炮管有機會打到後身
整體上已好滿意, 有總好過無, 二百尾人仔有呢個表現, 已叫做超額完成!!
而家玩得好方便, 我只要定咗個炮管方向, 就有電腦幫我穩定支炮管, 就可以專心渣車, 正正
|