RC EVOLUTION - 遙控工房 - 香港RC遙控車討論區

標題: [公告]有關二手區搭訕問題 [打印本頁]

作者: AMAT 時間: 2006-6-28 16:01
標題: [公告]有關二手區搭訕問題
有版友投訴,有部份版友好經常性咁批評其他版友O既二手買賣.

我地係呢到重申一次:
1.除非你係打算買,唔係唔好搭訕
2.如果版友賣O既價錢唔合理,你可以選擇私下同佢講下價,又或者唔買
3.唔可以REPLY任何批評價錢O既文章,就算賣家係賣得個價比出面市價貴100倍都好
4.所謂補INFO,係指該產品O既SPEC,功能等問題

有版友認為賣家賣得貴,佢地話返市價等問題係補INFO,我係呢到重申一次,呢類我地係會當係搭訕!
如果有版友係另外版到出POST,例如吹水區,又或者市場價格區,以影射形式批評,我地一樣會當搭訕處理.

我地同意,買家買O野都係想買價錢合理O既貨品,但係賣家係絕對有權標任何一個價錢,如果佢價錢唔合理,自然就會冇人同佢買,唔需要其他版友插咀批評.更甚每個人對所謂"合理價格"一詞根本就可能標準不同,所以更加唔應該去批評.要傾價錢係由真正買家同賣家自己私底下再去傾.

另外,對於部份版友稱PM得快過某版友買,但賣家唔賣貨俾佢係不道德,又或者係托價等等.
1.賣家未確實應承賣俾你之前,佢都係有權作賣俾邊個選擇
2.除非佢應承咗賣俾你,傾好晒幾時交收後,佢又反口賣俾第個,唔係的話都唔可以叫做不道德

關於搭訕一點,該投訴O既POST我暫時以CUT咗不必要O既REPLY作了結,如果再有版友犯同類事情,我地會即時停止該版友戶口.因為我地已經係二手區版規寫得清清楚楚.

希望各版友留意

遙控工房示

作者: stack 時間: 2006-6-28 16:13
good lar

歡迎光臨 RC EVOLUTION - 遙控工房 - 香港RC遙控車討論區 (https://jk.rc-evo.com/xbbs/)