RC EVOLUTION - 遙控工房 - 香港RC遙控車討論區

標題: [公告]請勿於短消息內對其他版友粗言穢語 [打印本頁]

作者: AMAT 時間: 2009-10-5 14:32
標題: [公告]請勿於短消息內對其他版友粗言穢語
近日有多位版友投訴,有部份版友喜歡發送一O的粗言穢語O既短消息俾其他版友.
部份係因為二手買賣價錢不合,部份係因為大家係討論區內言語不合引致.

我地雖然冇任何版規定明短消息唔可以粗言穢語,而短消息本身亦都係屬私人對話,我地冇權去CHECK亦都CHECK唔到內容,但如果有版友收到呢O的短消息,可以COPY或CAPTURE SCREEN俾我地去投訴.如發現屬實,我地一樣會考慮停止該版友會員戶口,避免佢再騷擾其他版友.

粗言穢言可能係部份人生活日常用語,但唔係人人都鍾意講或能接受.
遙控工房作為一個討論平台,係希望大家可以開心咁去討論,而唔係粗口嚟粗口去,呢O的我地係不可以接受.
我地管唔到你日常生活O既事,但係遙控工房內,就請遵守規則.

希望大家無論係討論區,或短消息內,唔好再講粗口,亦都唔好因為二手價錢,又或者大家討論區內言談不合下,就SEND一O的粗口短消息俾人.

敬請各版友留意

遙控工房示

歡迎光臨 RC EVOLUTION - 遙控工房 - 香港RC遙控車討論區 (https://jk.rc-evo.com/xbbs/)