RC EVOLUTION - 遙控工房 - 香港RC遙控車討論區

標題: [公告]嚴正聲明 - 有關版主放飛機事件 [打印本頁]

作者: AMAT 時間: 2006-8-20 02:21
標題: [公告]嚴正聲明 - 有關版主放飛機事件
有關有版友指責有版主係二手買賣上放版友飛機,又唔聽人電話又唔同人聯絡事件上,由於版友不肯透露姓名,亦不肯公開身份,導致有部份版友指三道四,由於事件嚴重,本人為工房之壇主,覺得有必要作以下聲明:

1.本人現要求該指稱有版主放飛機之版友,必須清楚指出為邊一位版主所為,此對其他版主有公平的對待及避免不必要之胡亂指責.
2.本人要求該版友必須指出放飛機事件之過程,以作對質証實.
3.本人要求該版友必須對其他版主作出道歉,因為由於其空泛之指責,導致多位版友受到不必要之騷擾及指責.

另外,有版友指壇主,亦即本人放版友之二手買賣飛機.本人亦覺得有必須要澄清
1.本人從不會對與本人作二手買賣之版友,予而放飛機之行為.
2.本人如未能於約定日作出交易,本人必定會打電話通知版友.
3.本人如果要遲到,我亦都會電話通知版友,更甚遲到後我多數會請版友飲杯茶以示歉意.
4.本人如果因任何事件而未能於日內完成交易,例如果一刻有事發生唔鬆動,又或者返唔切香港,我都會同版友講,如果佢地有其他買家,不妨賣俾人先,唔好等我.如果等我,我都會俾一個時間版友,去完成個交易.
5.有一位版友由於我記錯時間,約錯咗佢,佢先出咗嚟,但冇貨品收,我都即時同佢致歉,兼夾再約下次交易時間之餘,仲減價以示謝罪.

以上事情,我相信有眾多同我交易過O既版友可以作証,並非本人虛構.本人對於一些無根據及不負責任之指責,相當憤怒.如果有任何版友曾受本人放飛機,我絕對唔介意版友提出實據指出,如屬實,本人絕對會公開向該版友作出道歉,但必須為真實事.

對於此次事件嚴重,我地絕對係會對此事作嚴正處理.

敬請各版友留意

歡迎光臨 RC EVOLUTION - 遙控工房 - 香港RC遙控車討論區 (https://jk.rc-evo.com/xbbs/)