RC EVOLUTION - 遙控工房 - 香港RC遙控車討論區

標題: 員工心聲 [打印本頁]

作者: Evo露筍 時間: 2012-5-19 21:30
標題: 員工心聲
其實我好明白大家玩車玩得好開心....
但大家玩O既時候, 可唔可以都顧下我地O係下面執車O既.....
3JUMP位有車反時, 我地O係坑度執緊車,但有D大佬唔理我地死活係咁飛.....
而家比賽咩??跑慢一個圈輸D咩呀??

呢個問題我都唔係第一次講......
我明個場有野改到好玩左係會HIGH D.....
但唔該顧下我地丫.....
你地射到我地傷左....揚左大家冇得玩盞冇引....

呢D係我做左咁多日O既心聲....本來打算忍唔講架喇.....但係真係忍無可忍唔講唔得!!

P.S. 阿譚,希望唔會因為我咁講得失左D客你唔再比我返工啦......

作者: Marco明 時間: 2012-5-19 21:37
你地自己真係要小心d......執遲d我覺得唔係問題.....最緊要安全

作者: 50270898 時間: 2012-5-19 22:09
小心啲執

作者: putian 時間: 2012-5-19 22:09
我都見過D人離哂普

其實玩車唔係只顧望自己架車，其實要望前望後先啱！
師兄，good luck

作者: turbo997 時間: 2012-5-19 22:11
本帖最後由 turbo997 於 2012-5-19 22:20 編輯

Evo露筍發表於 2012-5-19 21:30

登錄/註冊後可看大圖

其實我好明白大家玩車玩得好開心....
但大家玩O既時候, 可唔可以都顧下我地O係下面執車O既.....
3JUMP位有 ...

其實我有個建議
如果有車在大jump 反了,你千萬要留意一下有無事來緊,有車來就唔好執住,由得佢,
有時玩緊車,真係會睇唔到有人,
所以玩車嘅朋友如果反咗,最好高聲提醒其他玩緊車的車友,第一可以提醒其他人收慢同睇吓有無人執緊車.第二係你都唔想人撞到你架車!!!!
因為今日我最小叫左三次(大jump 有人啊!!!) 但好多車友都照飛!!!!
係唔係要攪到無人幫手執事先開心???係咪要攪到有意外先安樂???
而今日更加有幫手執車的員ヱ被車撞到跌到,所以請各車友如果有意外一定要高声提醒其他玩家,咁大家都會開心!!!!!

另外!我本身都有玩油車的,但就連我自己都頂唔順!!!!呢個係我個人意建,我都希望玩油車嘅玩家可否簡断咁停吓???
玩二十分鐘停＋分鍾都好.第一可以比Ｄ煙走吓!!!第二比人隻耳休息吓!!!執車班兄弟真係好慘架,當比部名貴引擎休息吓都好啊!!!這是我的個人意見!!不喜勿插!!!

作者: oscarchoi 時間: 2012-5-19 22:11
同意你的說法都唔知佢地為開心
而真是發生員工比D車撞到後的問題
希望玩者自己玩時留意下工作人員的安全問題

作者: patrickli071 時間: 2012-5-19 22:30
我未去玩過既, 不過有d建議~
不如車場比d 哨子或者任何可以發出響亮聲音既儀器比執車人員,
當佢地要執車時就"吹雞", 全場既車都要立即減速,
如果唔減速就要被罰, 例如要停玩一個鐘~
因為玩車其實要一路睇住自己架車而同時又要顧住個場邊度有車反左係有d難度,
所以如果用"吹雞"既方法, 即係用聲黎通知會好d...

個人少少意見~

作者: sex8088 時間: 2012-5-19 22:40
吹雞 is better, i recommend bbbbbbbbbbbbb...... remind all player.

作者: ringlecheng 時間: 2012-5-19 22:44
如果場地可有遙控響horn 比工作人員, 工作人員在執車時先按一下, 車手聽到horn 聲就不能 jump . 可保障工作人員安全. 大吉利事講句. 遲早會有一鑊賴野. 希望大家玩得開心, 工作人員安全. 以上只是個人意見...

作者: sex8088 時間: 2012-5-19 22:58
千期不要學龍鼓灘小型賽車場,一不小心搞到冇得玩.

作者: GSXR600 時間: 2012-5-19 22:59
同意要照顧下執車人士佢地幫我執完車我都慢慢起步唔想d沙正到佢..

作者: ford 時間: 2012-5-19 23:00
如果無人執車,要車友自己執就知有幾凶險,
有邊過唔想返屋企見老婆仔女.

場主可立一d安全指引,不竟好多人唔上工房睇post.

作者: roy55699 時間: 2012-5-19 23:07
打份工姐,唔好搵命搏!!! 安全先好去執車,再唔係要D車停曬無車行先好執,咁D人自自然然會停(全場停得佢自己唔停就知咩事!)

作者: kamlo713 時間: 2012-5-19 23:09

Evo露筍發表於 2012-5-19 21:30

登錄/註冊後可看大圖

其實我好明白大家玩車玩得好開心....
但大家玩O既時候, 可唔可以都顧下我地O係下面執車O既.....
3JUMP位有 ...

你哋唔撈我哋仲大鑊大家小心Ｄ最好

作者: ikesan 時間: 2012-5-19 23:15
辛苦哂露荀兄你地！今日我亦有入場，真係多人多車好多險象百出嘅情況。站在我玩車嘅角度，我真係盡量小心喺場內工作嘅師兄。學你話齌，又吾係比賽，只要有人幫手執便可，快慢吾係問題。但我自己今日亦有二次驚險鏡頭，當然好彩冇事，真係萬幸。
對於幫手執車嘅工作人員，我亦有小許建議。1／最好著工業安全鞋，鐵頭硬底果隻。如果吾好彩真係比撞到（我見大部分師兄喺就黎撞到人時都會收油嘅），希望將損盡量減到最低。2／帶頭盔。可能會熱d！但亦是希萬一有意外時可將損傷減到最低。3／負責執車嘅員工喺工作（執車）時。每人手持一個”爬爬”。咁就可以盡量企喺安全嘅地方（由其三jump位）都可以將反左嘅車車執番正而冇須行出去咁危險。
其實以上咁多師兄都有很好嘅建議，希望喺員工安全方面可再改善少許！咁我地玩嘅又開心，工作嘅亦安心！亞譚，繼續努力！

作者: 22年 時間: 2012-5-19 23:32
回復 Evo露筍的帖子

Evo兄多謝晒你同其他執車0既兄弟，辛苦晒。安全至上，開工大吉。

作者: ralphli 時間: 2012-5-20 00:06
收到你心聲,玩車Brother請顧及他人安全

作者: Marksman 時間: 2012-5-20 00:13
應在 Driver stage 兩傍放兩個大告示牌, 講明要注意track 上的人安全, 大三角形內加感嘆號, 先給駕駛者概念先才重要.

作者: 7-11 時間: 2012-5-20 00:32
打工姐吾使揾命博，玩梗車啲c兄記住望下工作人員執車拉吾該

作者: raman9551 時間: 2012-5-20 01:02
可能月租嘅ching都會知道，係日租嘅ching未必全部都有此意識，我覺最好每次收入場費時候接待姐姐不厭其煩咁講一次提高安全意識好啲，最少都令佢地知道場主正在關注這問題

PS . 我都係日租嘅

作者: tonykeroro 時間: 2012-5-20 01:05

Evo露筍發表於 2012-5-19 21:30

登錄/註冊後可看大圖

其實我好明白大家玩車玩得好開心....
但大家玩O既時候, 可唔可以都顧下我地O係下面執車O既.....
3JUMP位有 ...

我一向都話大家都有阿媽生~可惜小弟small potato講乜都冇人聽

你地要小心個d 冇人性車手阿

佢地架車衝埋你到,記得用排雲掌,神風腿打佢上火星牙

作者: fr888 時間: 2012-5-20 01:24
一定要搵方法解決呢個問題

安全永遠1st priority

Suggestion: Yellow card and red card, if red card ban for 3 months and keep record...

作者: tonykeroro 時間: 2012-5-20 01:27
建議場主為你地增加類似(豬八戒用開個款大鐵耙)的架生, 一野插個鐵耙或者鐵叉落地先, 多個防衛麻~
即使俾埋頭盔同埋工作boot俾你, 都此終係個人硬食, 好傷架~

用大叉擋住就吾同尼

作者: tonykeroro 時間: 2012-5-20 01:42

ralphli 發表於 2012-5-20 00:06

登錄/註冊後可看大圖

收到你心聲,玩車Brother請顧及他人安全

吾係心聲與否~係將心比己
如果企係track入面係自己, 吾通自己會覺得幾十架加埋晒=過百公斤時速80公里迎面飛埋黎會好刺激好過隱咩?

作者: coolcooleric 時間: 2012-5-20 02:01
我認真建議買類似玩具反豆城嗰啲機械手夾夾、夾住個車翼、拖埋身邊先！甘個人就盡量唔好行入賽道！
如果無人買、我下星期第一次入倉送個比你！

作者: zx300 時間: 2012-5-20 02:07
撞倒人/物，照价赔賞。同在街上乱开车一样！赔到您倾家荡产！

作者: hkBuggyboy 時間: 2012-5-20 02:08
露荀兄, Thanks very much

作者: Evo露筍 時間: 2012-5-20 07:32
回復 tonykeroro 的帖子

工作boot我真係曾經諗過買，第一日返工比架油車摌腳指痛到入心入肺
亦有諗過買球員用果D護pad保護小腿⋯

作者: RGear 時間: 2012-5-20 07:50
用遙遠摌泥車

作者: Marvin0010 時間: 2012-5-20 10:33
本帖最後由 Marvin0010 於 2012-5-20 10:33 編輯

回復 Evo露筍的帖子

i agree , driver plz stop jumping while stuff picking up carsssssss . is so dangerous

作者: speedstar 時間: 2012-5-20 11:20
自私不顧他人的太多，師兄保重，我估個場無同你買勞保，又更加無玩車既人三保。出左事無保障的。之前將軍澳直升机批人頭果單，條友仲着緊草。

作者: ftbingobingo 時間: 2012-5-20 12:04
本帖最後由 ftbingobingo 於 2012-5-20 12:05 編輯

我想提下大家, 以小弟觀察有一大堆瘋狂師兄其實唔上工房的, 所以係度嘈都無用...........以現有資源計, 響按提醒可以, 甚至可以有多一位員工先係起跳位拉繩封路先另一位先慢慢執........另外, 玩車的都以雄性動物居多, 可以叫呀靚女溫馨提示下佢, 相信特別上心~~~~

作者: Marksman 時間: 2012-5-20 12:08
我見意不要先鬧一些師兄不會顧他人安全, 第一人地可能真糸無心的, 第二可能真糸意外, 所以我地重點應討論如何做一些操施或告示來规範場內一些守則. 我相信大家來玩具唔會帶住個心態來害人的.

作者: 威威 時間: 2012-5-20 15:21
我幾個方案，1，可以整架識得幫人反車或執車嘅搖控車或機械車。2，之前有個師都有提過，就係如果一d交通黑點如，大jump附近位置，如果要執車就吹哨子，叫去到大jump位之車輛全部只可以慢駛唔可以飛jump，及一d非交通黑點要執車可以揮舞旗幟，可以令駕駛者容易睇到，又唔需要停止車輛行駛，只要多加留意減慢速度，咁就唔會影響流暢度。3,我覺得執車最危險都係一兩個黑點，可以係賽道上預留多一點緩衝位及現在執車員車一條行人道都冇。4，執車員應需要接受安全指引訓練，要懂得危機意識及識得保護自己。5，增加執車員安全保護裝備，如：頭盔、手套、安全鞋、護脛、手持個長扒可以快點執車唔洗用手執減少執車時間亦安全一點。6，最後就係駕駛者，應遵守安全手則，如聽到哨子慢車，睇到有人揮舞旗幟就停車等。如果大家能夠做到以上措施咁就可以將意外減到最低，玩家開心，做嘅放心，唔洗搵命博。做都做得長d啦！

作者: 樂樺 時間: 2012-5-20 15:31
有D朋友仔~~玩車興奮起黎完全冇曬分寸~~~其實佢地未試過系下面汁車而已~~汁過車之後佢地就會明白噶了！

我建議系，如果見有車翻車要過去汁車第一睇睇有冇來車，有來車的話企系度等到完全冇來車先汁。翻車翻得耐大家都唔想所以玩車噶有你有我噶。只要前面有工作人員正在汁車噶時候就應該停車讓汁車噶師兄搞掂之後再起步！

作者: 樂樺 時間: 2012-5-20 15:35
我親眼目睹過比車買起一隻腳噶.....即刻送醫院...據說醫療費用上萬...最終車場自己吭左條數

又親眼見過車飛起3米高之後插水式爆頭.....好彩有帶頭盔...汁車果個當成企都成問題！

作者: wildbruiser 時間: 2012-5-20 17:39
如果大家在driver台見到d無品行為，一齊小爆佢。的職員亦可認住的無品車，拒絕再執，直到佢地知錯，大聲say sorry 為止。

作者: bunpong 時間: 2012-5-20 18:46
吹哨子嘅概念很好！不過當有油雞玩時就未必聽到！
不如從呢個方向去改良！首先工作人員有一個遙控器(如家用門鈴),再用門鈴發聲器用relay接上警鐘之類的東西於看台上！响一下表示要減慢車速及停jump，响兩下表示回覆正常！
這樣可行嗎！請各師兄比意見再加以改良！
希望各工作人員安安全全！車友玩得開開心心！

作者: hkBuggyboy 時間: 2012-5-20 18:53
手持個長扒 is a good idea

作者: HGBOY 時間: 2012-5-21 00:09
撞到員工的車和車主永不比他進入車場玩……講笑炸！真的好擔心員工人生安全！玩車的朋友要自率啊！

作者: turbo997 時間: 2012-5-21 10:15

Evo露筍發表於 2012-5-19 21:30

登錄/註冊後可看大圖

其實我好明白大家玩車玩得好開心....
但大家玩O既時候, 可唔可以都顧下我地O係下面執車O既.....
3JUMP位有 ...

老實講,你哋最好帶個口罩!!!

作者: euro614 時間: 2012-5-21 10:29
唔明點解，不停有師兄講，要頭盔，要工鞋，要工具執車。但巳開業大半個月，都無做過任何野。
玩車既固然有責任，但關係自身安全，員工及場主係唔係自己都要做野呢..！相信睇得厘個post的都係有良心的玩家，但如某師兄所說，不負責任的玩家又未必會上來睇POST。
還是襯weekday無咁多客，去買些裝備吧，帶上頭盔再呻吧。

作者: eight 時間: 2012-5-21 10:36

Evo露筍發表於 2012-5-19 21:30

登錄/註冊後可看大圖

其實我好明白大家玩車玩得好開心....
但大家玩O既時候, 可唔可以都顧下我地O係下面執車O既.....
3JUMP位有 ...

呢d未所謂高質素香港人law.最緊要自己玩,話之你死啦.

作者: teamc 時間: 2012-5-21 11:01
琴日所見好好多，有咁好服務大家要珍惜！

作者: Evo露筍 時間: 2012-5-21 11:11
本帖最後由 Evo露筍於 2012-5-22 23:03 編輯

係呀.....我收得錢做野,我就想提供最好o既服務......

作者: kyoshozx5 時間: 2012-5-21 11:26
同以前mx club一樣都係惈班人，講都冇用。最後只會變成罵戰

作者: euro614 時間: 2012-5-21 11:30

Evo露筍發表於 2012-5-21 11:11

登錄/註冊後可看大圖

係呀.....我收得錢做野,我就想提供最好o既服務....有時自己一個o係場, 另一個做得野o既休息緊, 而另一個成Q ...

厘個問題，反而我有諗過。
車場係唔係應該每個鐘有十分鐘 or 兩個鐘有十五分鐘停一停，等大家都可以休息下。

作者: 22年 時間: 2012-5-21 12:20

Evo露筍發表於 2012-5-21 11:11

登錄/註冊後可看大圖

係呀.....我收得錢做野,我就想提供最好o既服務....有時自己一個o係場, 另一個做得野o既休息緊, 而另一個成Q ...

是否帶超的月巴人老？

作者: memberbilly 時間: 2012-5-21 12:39
搵兩日唔提供執車服務等d 人自己執.
一係就5分鐘先執一次執果時全場唔比玩. 大家都安全

作者: lcman 時間: 2012-5-21 13:02
多口一問，公司有為員工買保險？

作者: nitrotruck 時間: 2012-5-22 11:20

22年發表於 2012-5-21 12:20

登錄/註冊後可看大圖

是否帶超的月巴人老？

22師兄你好似由以前TKO 越野車年代到而家都好憎我地玩油車既玩家! 其實大家都俾錢入場玩有邊個唔想玩盡佢? 同埋好難話大家話停就一齊停!! 就好似鐘意吸煙既人在車場內或街吸煙噴到附近既人都食二手煙唔通又可以叫佢停一停在街上都唔好食? 我就支持油電齊飛

作者: Marksman 時間: 2012-5-22 13:01
我玩油車時間多好多但我同22都好friend 喎

PS 我同22同房的

作者: godflower 時間: 2012-5-22 23:53
有人提及"有時一個執到死，另一個執車就舒服蛇王嘆冷氣"....果條友咪戴白帽/瘦柴...一係做失蹤員工...一係走去食煙,一係企埋d好位(少車返轉灣位),企一陣走左去,(我在場內留意到)星期日架車出晒白煙咪佢囉.....
星期日咁多車一齊飛,有時淨係得Evo兄,同另一位只係星期日出現仁兄執車,執到傻條友都唔幫手,最後要搞到譚生同埋另一位人員客串加入....唔通條友以為自己係老闆呀!!!

作者: godflower 時間: 2012-5-23 00:11
我是星期日車手,大家玩車時候真係要留意工作人員,有人執車時真係盡自已所能去減速,停止,避開...當然工作人員乜要有適當裝備...但我認為車手應是主動去減低意外的...
很感謝星期日在場執車Evo兄及星期曰員工(他2人全日大部份時候企係場度執車).....希望你地工作順利
P.S希望LALI負責人多留意你那位白帽瘦柴員工,成曰見佢係度蛇....

作者: nitrotruck 時間: 2012-5-24 09:48

Marksman 發表於 2012-5-22 13:01

登錄/註冊後可看大圖

我玩油車時間多好多但我同22都好friend 喎

PS 我同22同房的

大家都俾咁多錢，只係想帶出油電應該平等使用場地

油電盡情飛

作者: euro614 時間: 2012-5-24 11:39

nitrotruck 發表於 2012-5-24 09:48

登錄/註冊後可看大圖

大家都俾咁多錢，只係想帶出油電應該平等使用場地油電盡情飛

所以我覺得硬性規定，相隔一段時間就全場休息十分鐘，一來員工可以休息或者執執個場地，玩家都可以休息一下，甚至俾玩家落場搵返架車跌左的零件。厘個未嘗唔係一件好事。

作者: kevin-ysl 時間: 2012-5-24 12:14
建議~~~
起jump位頭加隻大閃燈...
一有兄弟起jump位執車就由佢扲閃佢!!
另外個人防護設施呀員工兄弟一定要有呀~~~
一架二千kg嘅石頭飛咁高劈落黎...會死人嫁!!

作者: nitrotruck 時間: 2012-5-24 12:29

euro614 發表於 2012-5-24 11:39

登錄/註冊後可看大圖

所以我覺得硬性規定，相隔一段時間就全場休息十分鐘，一來員工可以休息或者執執個場地，玩家都可以休息一 ...

咁又同意~~ euro兄你既建議比較公平同有建設性!! 支持

作者: AlanCheung 時間: 2012-5-28 19:52
回復 Evo露筍的帖子

師兄,我好明白你的心情,真心希望大家小心小心,安全第一

歡迎光臨 RC EVOLUTION - 遙控工房 - 香港RC遙控車討論區 (https://jk.rc-evo.com/xbbs/)