RC EVOLUTION - 遙控工房 - 香港RC遙控車討論區

標題: 進擊的巨人睇後感(漫畫劇情，動畫黨慎入) [打印本頁]

作者: Scania 時間: 2013-6-4 19:02
標題: 進擊的巨人睇後感(漫畫劇情，動畫黨慎入)
個故事好吊詭，係「現時可公開的情報」中，話未知道牆外有其它人類生還，但係故事一開始就係話「除左我地之外既人類都被吃掉」，一方面對觀眾而言，係對世界觀營造左第一官感，其次，對故事內生活既民眾而言，係代表城牆既王政冇刻以去否定城牆外有其它人既可能性，但就透過訊息控制去令人覺得城牆外冇其它人。因為呢個訊息唔係由王政提供，而係牆內民眾自由地透過王政刻意安排既訊息，經過自主思考後得出「牆外冇其它人」既結論，令呢個訊息既「可信度」更高。

而家開始逐步去追求「真相」，因為係親自追尋，否定過去既信仰而得來既答案而得來，所以主角(同觀眾)都會更冇保留地相信下一個世界觀，不過我睇死諫山進又會玩「你以為呢個係真正既真相啦？好信啦？其實都係錯既！」

而家睇巨人只係好單方面地見到「巨人食人」呢個表面事實，但最近又有一個新既想法，城牆既角色可能就類似於Matrix一樣

「自以為生活係正常世界」既牆內(母體)居民，佢地一切信息都係來自於王政(母體的系統設定)，而係真正現實世界錫安(牆外)既人，就派出一批有能力進入牆內(母體)既部隊Morpheus同Trinity (巨人)去對抗母體(王政)；但由於母體(城牆)同既人仍然依賴住母體(王政)生存，所以佢地會有反抗意識而變成特工(軍團*)，因此為左解放全人類既目的，不惜要殺死人類身份既敵人

-------------------------

*：雖然城牆內唔係所有人都係軍團，但大部份人都對巨人抱敵意。對於智力有限既巨人而言，可能只能憑目標的精神狀態判斷。

以動漫為例，最近既第九集，兵長遲來一步打救既士兵，本來都係比個巨人都珍寶珠咁係到啜，係佢發惡用把刀刺佢先一啖啪落去。同埋漫畫外傳裡面，個士兵一開始放棄抵抗，剩係一未抄notes時，個巨人都冇落手，係到個士兵發惡係到鏟隻巨人，隻巨人先食佢落肚，可見巨人係對對方人類既敵對性作為行動判定既準則。即如果有一個人能夠心無雜念，毫無恐懼，憎恨等心情地面對巨人既話，可能係唔會被巨人攻擊的；相反，好似艾侖咁對巨人有無限敵意地變成巨人的話，自然就會吸引所有巨人去對佢攻擊。

相對地，對於Matrix而言，生存係Matrix裡面既人只會覺得Leo佢地只係一班恐怖份子，甚至殺人狂。如果我呢個推論正確的話，我地可以將進擊的巨人當成反方向角度描寫既Matrix

歡迎光臨 RC EVOLUTION - 遙控工房 - 香港RC遙控車討論區 (https://jk.rc-evo.com/xbbs/)