RC EVOLUTION - 遙控工房 - 香港RC遙控車討論區

標題: 徵求高手幫忙進行航拍香港計劃 [打印本頁]

作者: Aerial_Photo 時間: 2015-1-15 22:37
標題: 徵求高手幫忙進行航拍香港計劃
本人是一名攝影師，想進行一個較有系統的航拍香港計劃，由於要求質素較高，所以需用無反才可實行，而由於本人自資，無法負擔起碼數萬的原裝套機（買一套還可以，但一有任何損毀，計劃便很可能無法再進行）。幾經考慮之下，自行組裝似乎是唯一可行方法。問題是本人雖然有一年左右的操作 Phantom2 經驗，但自行組裝航模及雲台達到高水準，卻是由零開始，就有如瞎子摸象，靠自行找答案，以自己的經驗，真的無法在一個合理時間內解決好，雖然機已組裝了兩隻，卻無法達到很滿意的水準，而且問題往往不是簡單調較一下便能解決得好。
所以特別上來看看有沒有高人願意撥出一些時間，給我提供一些指點，如果有朝成事，實在無言感激！

作者: solaris8x86 時間: 2015-1-15 22:53
依喥業娛者居多，職業者較少，祝好運。

作者: Aerial_Photo 時間: 2015-1-15 23:10

作者: Aerial_Photo 時間: 2015-1-15 23:24
其實即使是業餘，有一定經驗已經很能幫忙了，我的問題是對遙控野認識很少，由零開始很難開動這計劃

作者: developer 時間: 2015-1-15 23:32
> 雖然機已組裝了兩隻，卻無法達到很滿意的水準

可否講多少少？

作者: solaris8x86 時間: 2015-1-15 23:48

Aerial_Photo 發表於 2015-1-15 23:24
其實即使是業餘，有一定經驗已經很能幫忙了，我的問題是對遙控野認識很少，由零開始很難開動這計劃 ...

航空知識，其實無你想像中咁簡單，即使係即食型Phantom或AR Drone，無認真改過設計，亦跟本無可能成功。第一步，若要決定長期投資，就要"交吓學費" (炒機費)，炒得多，自然有一定收獲，叫做入咗門。第二步，要再進一步，就要多讀物理丶數學。去到依個級別，就算人哋寫出嚟比你抄，你都睇唔明。若自問你自己一定去唔到第二步，就唯有係第一步多投資$$$，無其他shortcut方法。仲有，其他已做緊航拍啲人，因為商業利益，更加唔會過料比你，努力比$$$$炒機，係唯一方法。若無$$$，真係無辦法。

作者: Aerial_Photo 時間: 2015-1-15 23:54
主要是無論如何set，都仍有些不順滑的震動，來回set太多次，不知主要是防震還是雲台的setting 出問題（我估兩者都有，但不知那個最主要），單在網上找資料，很難完全解決。

作者: Aerial_Photo 時間: 2015-1-16 00:03
我這個不是搵食計劃，只希望為這個地方作一點紀錄，當然亦不期望用航拍搵食的人無私過料，只想看看有沒有本身以此為興趣的高手指教一下，點都好過自己閉門造車，由零開始。
沒有的話，當然亦沒有辦法。

作者: solaris8x86 時間: 2015-1-16 00:04

Aerial_Photo 發表於 2015-1-15 23:54
主要是無論如何set，都仍有些不順滑的震動，來回set太多次，不知主要是防震還是雲台的setting 出問題（我估 ...

更係啦，可以比你裝得上Phantom 2嘅云台，由於機型大少所限，所以都係入門級，真正航拍用云抬，又可以比你放得入一部5DMK III，好很貴架，所以係個跟本問題，就係要用較大嘅6軸，用轉業云抬，但又要$$$$。

作者: 墜機王 時間: 2015-1-16 02:11
如果唔係要搵食，我覺得其實GoPro加適當嘅後期製作，畫質都可以見得吓人。唔駛一定用單反無反大sensor，搞到架生一闊三大，拍攝時心理壓力亦較大。

當然畫質呢家嘢好主觀嘅，最緊要過到自己果關。可能我自己要求唔高，我又覺得其實多數觀眾覺得GoPro嘅畫質係ok嘅。我都有個目標，就係用航拍去記錄旅遊風景（如果環境許可）。以下係小弟其中一個記錄，請多多指教：

[Youtube]sLfPWNGG9Ug[/Youtube]
https://www.youtube.com/watch?v=sLfPWNGG9Ug

(P2 + GoPro 4 Black + Lightbridge, Final Cut Pro 剪接)

作者: Vickyjim007 時間: 2015-1-16 02:42
有d 料到 C hing

作者: Aerial_Photo 時間: 2015-1-16 07:31
本帖最後由 Aerial_Photo 於 2015-1-16 07:43 編輯

條片好正，果然是高手，多謝分享！師兄一定要多多分享才是！其實要用無反，有兩個好重要的原因，一就是計劃當中拍照也是很重要的一部份，Gopro 在這方面就實差很遠，另一方面，無反的鏡頭可以有一定變化，我之前拍過一些用12mm 和15mm 鏡(等如 full frame 18mm 和 24mm) 的片段，透視感覺的確會有些明顯改變。

作者: byuen 時間: 2015-1-16 09:09
小弟並非甚麼高手, 但對 ching 之計畫甚有興趣, 巳 pm.

作者: 墜機王 時間: 2015-1-16 18:03

Aerial_Photo 發表於 2015-1-16 07:31
條片好正，果然是高手，多謝分享！師兄一定要多多分享才是！其實要用無反，有兩個好重要的原因，一就是計劃 ...

如果一定要Full Frame + ultra wide 鏡，咁相機重，鏡頭又重，飛行器就一定有番咁上吓動力，咁成件野一定又大又重又貴...如果唔係搵食，確實需要好大決心去投資呢件事。

你是否要航拍一些距離比較近的景物？因為若論透視感，全片幅 + ultra wide 那種透視變形的「優勢」其實在影遠景時並不明顯。例如Full frame + 24mm 同 m4/3 + 12 mm 在尖東海旁影港島區，兩者的透視感其實並無大分別。

另外，如果只是影相，其實雲台可以不用（除非一定要遙控仰俯或在低光下拍攝），那麼Phantom 類的飛行器都有力帶部分m4/3或APS-C機上天。我見都有對拍Still有一定要求，但唔想一闊三大嘅玩家都係用呢種組合。例如近排P記部GM1水貨加標準鏡都係3千幾，同部GoPro差唔多價，touchwood真係炸機都冇咁肉赤吖。

作者: Aerial_Photo 時間: 2015-1-17 01:39
其實玩法似乎真係好多，真係要向大家多多學野先得

作者: kay1926 時間: 2015-1-17 06:58
針無兩頭利，係要付出$$$$

歡迎光臨 RC EVOLUTION - 遙控工房 - 香港RC遙控車討論區 (https://jk.rc-evo.com/xbbs/)