RC EVOLUTION - 遙控工房 - 香港RC遙控車討論區

標題: 今日上富山，好失望！ [打印本頁]
作者: yam138    時間: 2015-8-31 00:05
標題: 今日上富山，好失望！
今朝落雨，等到無乜雨就上富山行轉，想識下 d 玩飛機嘅模友，順便睇下場地適合玩乜機！見到兩個玩飛機，一個係亞叔，成車尾都係電機仔，一個新手剛裝部 Z84，想埋去吹下水，問第一句勉強答咗我，問第二句就唔答了，即刻無晒意思走人！唔知係咪太樣衰，人地唔想同我傾計，定係覺得佢自己玩飛機就高人一等唔鍾意啋人！
作者: ghostkcleung    時間: 2015-8-31 00:14
本帖最後由 ghostkcleung 於 2015-8-31 00:16 編輯

你諗多咗喇，正如你走入機舖或者波樓，
人地打緊機或者篤緊波，三唔識七會唔會同你講野 ?

如果你走入賭場，搵人 R 水吹，
以為你疊碼仔 R 爛腳啦。

加上飛上天嘅野都係危險，專注力要高度集中，
莫講話你呃水吹，就算你行近啲我都想趕你走。

當你揸住隻控飛緊嗰陣，就會明白點解架喇。
作者: gnw003    時間: 2015-8-31 00:58
飛緊機,同你吹水,炒左邊個比返部機佢呢
作者: abyss    時間: 2015-8-31 02:11
小弟放緊機最怕D 35色7 人走個黎,
特別係D好活潑小朋友
吹水都要岩timeing
作者: yam138    時間: 2015-8-31 09:05
ghostkcleung 發表於 2015-8-31 00:14
你諗多咗喇，正如你走入機舖或者波樓，
人地打緊機或者篤緊波，三唔識七會唔會同你講野 ?

師兄，我都唔係新仔，當時問嘢佢哋都唔係飛緊，亦無整緊飛機！想識 d 模友一齊玩啫，估唔到咁無癮！
作者: interga72    時間: 2015-8-31 09:06
飛上天既真係幾危險架4軸都仲話有個飛控穩定D,飛機電直分心半秒唔知炒落邊個人到都似
作者: 法師傅    時間: 2015-8-31 10:46
老實, 我都試過好多次 , 有時真係要鞋起塊面 !!!唔係話唔想同3唔識7 0既人吹水 , 而係有時D人真係唔醒目 ,
係唔適當0既時候就黎攪你 !


真係玩完休息緊就無所謂 , 最怕果D玩緊就係你後面問你野 !
有D就明知你插電準備飛都仲要貼住你問長問短 ,
講到明飛多粒電就要走 , 講到明叫你行後2步一陣先講 ,
硬係要食住煙貼住你睇住你個芒仲要問你野
大家都大人 , 唔想係度扮大C講規則 , 所以好多時情願玩少2粒電收皮早D去飲茶 !


再講 , 真係唔少人得閒過你走黎吹水 ,
遇過幾個直情坐係你前面睇住你整機 ,
陪我最耐果個成粒鐘 , 我只玩倒1粒電 !!!


係飛場識唔少人 , 但有問題0既人都唔少 ( 問題 包括飛友 / 閒人 )

作者: 法師傅    時間: 2015-8-31 10:51
yam138 發表於 2015-8-31 09:05
師兄，我都唔係新仔，當時問嘢佢哋都唔係飛緊，亦無整緊飛機！想識 d 模友一齊玩啫，估唔到咁無癮！
...

今日溝唔倒仔/女  唔代表全世界 , 你想識人唔代表人人都要識你 , 睇開D !!!  
作者: yam138    時間: 2015-8-31 10:58
其實玩開飛機都知道，以前係大6玩，有 d 細路直頭踩爛隻機！但我係佢好休閒嘅時候問佢嘢，都唔使黑起塊面咁對人啩！我以前係香港玩飛機時，個時真係好熱鬧，人又好，而家香港玩定翼機真係覺得好沒落！
作者: solaris8x86    時間: 2015-8-31 11:27
首先，人哋啋唔啋你係人哋嘅自由嚟嘅，你有熱情想識新朋友，但唔代表人哋亦有相同嘅想法。

以上屍兄分享嘅都係事實，由其係對一啲飛得已經幾好幾有技術嘅屍兄，由於佢哋玩得掂，對交流或分享已無乜需求，個思維已進入咗自得其樂嘅境界，是否有人一齊玩已變得唔仲要。相反，你行過去同佢social一丶兩句還可以，但再追問佢，佢自然覺得係個打擾，就正係你個經歷嘅實情。老實講，我亦係嗰個大叔嘅同一類人。


下次想結識"同級生"機友，首先注意，人哋放緊飛機嘅時候千其唔好行過去問問題，佢會覺得係個打擾。其次，最好你手上亦有相約嘅機型係手，交流亦交容易。又或者，你留意到佢啲飛行技術有代改善，對交流結識新朋友亦係一個較理想嘅機會。
作者: yam138    時間: 2015-8-31 13:08
明白晒！可能返得大6耐，唔適應香港依家嘅環境，我係大6幾個省都飛過，模友嘅熱情度真係同香港兩回事！
作者: simon540    時間: 2015-8-31 22:27
樓主睇開ｄ啦，依家好多香港人已經變晒質，歡迎你來馬鞍山白石一帶飛沙灘啦，我哋好熱情吹水，絕對唔會黑口黑面 !
作者: cs1    時間: 2015-9-1 00:56

首先係要懂禮貎 , 我都試過幾次 , 放四軸在航拍中途 , 二個同様在場放完四軸 , 一個係新手另一個係老手 ,

二位人兄直情幢係我面前 , 又最常見問我買咗 P2 幾錢 , 又話唔見有 IOSD ???

擋住我支天線 , 前後左右退後 , 心想隻 iOSD 一定要裝大比咩 .

不過講真有D RC 友又真係好自大 , 仲咩唔買過隻 DJI , 低能冇腦白鴿眼 , 不可一世之語氣 ,

褲袋有一舊水晒比你睇咩 .
作者: 法師傅    時間: 2015-9-1 10:29
cs1 發表於 2015-9-1 00:56
首先係要懂禮貎 , 我都試過幾次 , 放四軸在航拍中途 , 二個同様在場放完四軸 , 一個係新手另一個係老手 ,
...

有次穿越 , 條友仲痴埋黎用手指指我隻芒 , 果野攪到我大聲喂佢 !

作者: yam138    時間: 2015-9-1 10:43
simon540 發表於 2015-8-31 22:27
樓主睇開ｄ啦，依家好多香港人已經變晒質，歡迎你來馬鞍山白石一帶飛沙灘啦，我哋好熱情吹水，絕對唔會黑口 ...

我住沙田，去馬鞍山都好方便，但唔知可以飛到定翼機嗎？希望能跟你哋一齊玩，thx！
作者: chiu    時間: 2015-9-1 11:31
yam138 發表於 2015-9-1 10:43
我住沙田，去馬鞍山都好方便，但唔知可以飛到定翼機嗎？希望能跟你哋一齊玩，thx！
...

可以飛到定翼機
作者: 最佳配角    時間: 2015-9-1 12:35
仲有大師級高人係呢到開班授徒,歡迎來臨參加學習
作者: yam138    時間: 2015-9-1 13:27
多謝上面幾位師兄，得閒一定去睇下，唔該晒！
作者: Firebird_hk    時間: 2015-9-1 23:47
when you guys fly mostly at Ma On Shan, I wanna join too. hehe
作者: Firebird_hk    時間: 2015-9-1 23:47
landing on water ?
作者: Firebird_hk    時間: 2015-9-2 00:53
我無水機，land沙灘未試過
作者: kit01164    時間: 2015-9-2 23:20
我都想參加,你地飛開邊日?
作者: hotakming    時間: 2015-9-8 02:36
本帖最後由 hotakming 於 2015-9-8 02:40 編輯

forum.jpeg
登錄/註冊後可看大圖