RC EVOLUTION - 遙控工房 - 香港RC遙控車討論區
標題: 由HTTP變成HTTPS [打印本頁]
作者: AMAT 時間: 2019-9-5 17:43
標題: 由HTTP變成HTTPS
由於早前有人話我地工房"好唔道德"，連IT道德常識都冇，冇好好地保護各位登入遙控工房個會員戶口個密碼係登入時嘅安全性，我地宜家無啦啦駛多啲錢，攞咗個SSL認證，等大家登入工房時，本來係HTTP，變成HTTPS。
講真工房其實係一個純粹休閒討論區，唔係啲咩講大事大非，又唔係話大家用個ACCOUNT嚟放啲乜機密，S乜嘢SSL其實係多餘。仲有大家會員之間嘅短消息，其實係加咗密，第三隻包括工房工作人員都係睇唔到。另外我地好耐之前亦都用咗CLOUDFLARE，以防DDOS攻擊。
不過廢事俾人又話我地咩CAP水呀(大家有俾過入會費咩?)，又話我地呃大家錢呀，我地都費事俾啲人煩，得閒又德道打劫脅持，所以我地都俾咗錢攞。
咁得閒大家唔該去我地YOUTUBE CHANNEL到點下讚，訂閱下，我地宜家有排都未去到有錢賺有得CAP大家水嘅人數。又唔該大家得閒去工房討論區到，襟下啲廣告，等我地啲廣告可以收支平衡下，唔駛半年夾埋都唔夠交一次SERVER錢。我地工房就真係冇錢賺嘅，唔該大家幫下手，等下次俾人話我地CAP水，我地有悔疚感啲。
多謝!
