3 Racing Mid ship Advance 新款電動房車 - RC EVOLUTION - 遙控工房 - 香港RC遙控車討論區

3 Racing櫻花新車 Mid ship Adance 1/10 電動房車即將上市，全稱20M Sakura Adance 20 Touring Chassis (Midship)。這台中置馬達，皮帶傳動的4WD電動房車採用全新的車架佈局，擁有更理想的重心分佈。預計2019年9月30-10月15日上市。目前接受預定。

係咪慣例都會出sport版？係就等下

作者: hing830 時間: 2019-9-10 18:26
一定買

作者: tamiyafan 時間: 2019-9-10 21:12
出 sport 版一定買

作者: AMAT 時間: 2019-9-11 14:19
點解要買SPORT版呢?

其實SPORT版啲料真係軟咗啲呢，同埋MID SHIP出嘅原因唔係玩慢車，係玩快車，如13.5T TURBO，MODIFY等等。
MID SHIP設計，係因為宜家啲快車動力高，用中置嚟平衡佢動力輸出，等佢快得嚟亦都易操控。
SPORT版啲料太軟，根本就頂唔到，亦都行唔到MID SHIP出嘅原因，即係浪費。

作者: 貴姓黃生 時間: 2019-9-14 10:02

AMAT 發表於 2019-9-11 14:19
點解要買SPORT版呢?

其實SPORT版啲料真係軟咗啲呢，同埋MID SHIP出嘅原因唔係玩慢車，係玩快車，如13.5T T ...

百貨應百客，唔係個個買車都會落場同人鬥，如果3R膠件你都話軟，咁雙星TT02啲膠咪仲軟，雙星大部份10仔連底盤都係膠做，仲有人買？

作者: 500EVO 時間: 2019-9-15 06:42
[百貨應百客]壹句講曬真係好好，每個人買車都有自己要求，我自己買左都係玩下就造景品，而3仔D膠確不是太軟，壹向都有D水準，當支持港貨如果Sport出的話我都會買架平平地玩下。

作者: 貴姓黃生 時間: 2019-9-15 09:25

500EVO 發表於 2019-9-15 06:42
[百貨應百客]壹句講曬真係好好，每個人買車都有自己要求，我自己買左都係玩下就造景品，而3仔D膠確不是太軟 ...

如果膠車無市場，雙星呢類大公司都唔會花心機時間去做開發(講真，雙星同外國大廠出膠車又唔見佢話唔好)，玩車唔係個個都一定要落場比賽，有時得閒拎落球場跑返幾轉大有人在，你有大把錢買貴車靚車唔緊要，但無必要抺殺純娛樂玩家

作者: AMAT 時間: 2019-9-15 17:38

貴姓黃生發表於 2019-9-14 10:02
百貨應百客，唔係個個買車都會落場同人鬥，如果3R膠件你都話軟，咁雙星TT02啲膠咪仲軟，雙星大部份10仔連 ...

3RACING同雙星用嘅膠料完全同，硬度亦都同。

TT02設計係要嚟玩啲17.5咁上下摩打，唔同MID SHIP本身係為快摩打而設計。

個比喻完全唔恰當。

作者: AMAT 時間: 2019-9-15 17:40

500EVO 發表於 2019-9-15 06:42
[百貨應百客]壹句講曬真係好好，每個人買車都有自己要求，我自己買左都係玩下就造景品，而3仔D膠確不是太軟 ...

個波箱太軟，架車組裝時困難度大增，行起車上嚟膠料變熱變軟令架車行起上嚟鬼。

玩17.5T就冇問題，玩MODIFY就相當大問題。

作者: AMAT 時間: 2019-9-15 17:42

貴姓黃生發表於 2019-9-15 09:25
如果膠車無市場，雙星呢類大公司都唔會花心機時間去做開發(講真，雙星同外國大廠出膠車又唔見佢話唔好)， ...

唔信人地講，死唔信邪，咁你咪等佢出膠版到時試囉。

田宮用嘅料係同3RACING用緊嘅料係完全唔同。田宮車架大部份係ABS料嚟

作者: 500EVO 時間: 2019-9-17 09:00
其實好多間廠點解每款車都要出高低價版本呢，就是市場上的需求問題，本人都知PRO版質料一定是高於Sport版，吾係點會貴成倍價錢，但各車友都有自己要求，如果吾係TT02或平版車邊有人買，有D車友祗求擁有或玩下就算，自然買平價版(包括我自己)，各有各要求所以[百貨應百客]講得好。

作者: 貴姓黃生 時間: 2019-9-17 10:25
本帖最後由貴姓黃生於 2019-9-17 10:27 編輯

AMAT 發表於 2019-9-15 17:42
唔信人地講，死唔信邪，咁你咪等佢出膠版到時試囉。

田宮用嘅料係同3RACING用緊嘅料係完全唔同。田宮車 ...

玩過三部3R SPORT膠料入門車，SS貪得意改左碳纖同少量金屬件，NU同M4無改(覺得入門車改黎無咩用)，雙星最後一部膠料車係十幾年前TA04R，跑街玩起上黎感覺唔出3R膠料有幾軟，或者我唔係咩頂級車手敏感度又低，我又不否定貴價車好處(理論同心理上會覺得好啲)，但要我比千幾二千蚊買一部車架就真係無呢個需要，慶幸自己感覺比較遲鈍，無靈敏觸覺，但都不失為一件好

百貨應百客，無必要因為自己喜好而否定其他人選擇，大家吹下水，中意買咩車就買咩車，唔洗咁緊張，放輕鬆

作者: 貴姓黃生 時間: 2019-9-17 10:38

500EVO 發表於 2019-9-17 09:00
其實好多間廠點解每款車都要出高低價版本呢，就是市場上的需求問題，本人都知PRO版質料一定是高於Sport版， ...

入門車都有佢作用，不小人都係買部入門車試玩，玩出興趣再升級玩頂級車，如果一入場就要先付幾千蚊買一個剩車架，未必吸引到人

我買車都係擺多過放，一個月玩唔到一兩次，只係配個車殼當做擺設

自己又中意睇賽車，真車買唔起更唔好話賽車，買部遙控車當做滿足下

作者: pecky38 時間: 2019-9-17 13:26
Touring 黎講現階段差不多所有出 Mid Ship Kit / Conversion Kit 都是為了使架車在高速時表現更佳，即是要“超”高速！所以出入門版看來是背道而馳。做生意始終要睇成本效益，除非能夠做到部入門版 Mid Ship 有綽頭好賣得。當有一天 Mid Ship 已成為基本設置（大路）時，可能你想找不是 Mid Ship 的反而好難都唔定！

作者: pecky38 時間: 2019-9-17 13:40
聽講 Xray 今年出 T5 而不是 T4'20。唔知是否真！係 Mid Ship 設置？ C Hing 們有無內幕消息？（可以婉轉啲，合法就得）

作者: AMAT 時間: 2019-9-17 13:45

pecky38 發表於 2019-9-17 13:26
Touring 黎講現階段差不多所有出 Mid Ship Kit / Conversion Kit 都是為了使架車在高速時表現更佳，即是要 ...

有一啲朋友認為，百貨應百家就係最好。

但如果為咗應百家就去出一架出完玩出嚟俾人話唔得嘅車，咁出嚟做乜?
出嚟俾人話?

又唔係賣得多，開套模又貴，出完俾人係咁上網話唔得，俾我係老闆我都未必會攞啲錢咁嚟蝕。

作者: 500EVO 時間: 2019-9-17 19:09
希望3仔或Xpress等等車廠繼續出D低價好車造福車友，令更多朋友加入玩車。

作者: 貴姓黃生 時間: 2019-9-18 07:51
雙星TA，TT，M系列遙控車一向都以膠料為主，賣咗幾十年一路長賣長有，又搞復刻版，如果膠料車係一啲朋友認為唔掂，雙星真係錢多到唔知點洗好

作者: 貴姓黃生 時間: 2019-9-18 07:54

500EVO 發表於 2019-9-17 19:09
希望3仔或Xpress等等車廠繼續出D低價好車造福車友，令更多朋友加入玩車。

有啲朋友係唔支持港產入門車，但國外名牌入門車佢地就會全力支持，月亮都係外國圓啲

作者: gos 時間: 2019-9-18 10:43
市場上有競賽級車架和入門級車級可照顧有唔同需要既玩家, 絕對係好事

作者: james9999 時間: 2019-9-18 12:02
中置入門車可以吸引新手玩，玩到有需要再升級係一向做法

作者: 500EVO 時間: 2019-9-19 09:08
其實大家想模型車能在香港發展更要支持港貨，今到可以低價位入門，港貨也有高低级別，所以3仔或Xpress等等廠商都壹車兩賣，想高檔可買CSO，玩到壹定程度自然就會有要求買高檔次車種，而灣仔天橋底模型車場正重建中，到時又多個場吸引朋友加入。

作者: cc4321 時間: 2019-9-19 09:13
任何產品, 都係入門級先係最搵到錢, 點解有人會倒轉黎講? 問問孖星, TT賣得多定TB賣得多, 有時候花得起錢唔代表你識得花錢

作者: AMAT 時間: 2019-9-19 12:54

cc4321 發表於 2019-9-19 09:13
任何產品, 都係入門級先係最搵到錢, 點解有人會倒轉黎講? 問問孖星, TT賣得多定TB賣得多, 有時候花得起錢唔 ...

好多人以為入門版就必然搵得錢多，以為一定賣得多。

事實上大家睇漏幾個問題，第一，個市場可以接到幾多部車，第二套模成本幾多錢。

開一套模，尤其係遙控車咁多零件，根本就唔平，然後一生產，講緊係萬萬聲先可以。
講得衰小小，一部車如果賣到一千架，已經要開香檳慶祝。

宜家一款車，最多只都係賣兩三千架左右，已經叫好好賣。
出膠車，唔駛蝕已經偷笑。

你以為人人都係田宮有自己廠啤膠?

等如3RACING對上架MG，你見佢仲有冇嘢出?
啲人一話佢SET唔到，行唔直，由好好賣變到冇人買，到買咗啲人放晒出嚟。
你估下佢又可以賣到幾多架呢?

你去車場睇下幾多人仲玩緊架MG?
幾多人已經賣晒?

你估人人都係田宮?

作者: AMAT 時間: 2019-9-19 13:01
我就夠膽講句，我3RACING MG EVO又有，M4 SPORT又有，XPRESS XQ1S同XM1S都有。砌出嚟有咩問題，行出嚟會有咩問題，係睇得出就睇得出。

等如你出去問下買過MG EVO嘅人，幾多話架車行唔直。當然唔係佢SET唔到，係好多人買返嚟係唔會有咁好心機去SET去睇個問題係邊。
砌埋，行唔到就掉埋一面。呢個係現實。

歡迎光臨 RC EVOLUTION - 遙控工房 - 香港RC遙控車討論區 (https://jk.rc-evo.com/xbbs/)