RC EVOLUTION - 遙控工房 - 香港RC遙控車討論區

標題: 深水埗元州街精X模型黑店中的XO終於喬遷 [打印本頁]

作者: sean2013 時間: 2020-12-18 14:20
標題: 深水埗元州街精X模型黑店中的XO終於喬遷
深水埗元州街精X模型黑店中的XO終於喬遷

作者: asaka 時間: 2020-12-18 15:52
U believe it is true news?

作者: mercedes 時間: 2020-12-18 18:18
如果佢半價清貨就ok

作者: nteast 時間: 2020-12-18 21:00
精X模型喬遷去邊區揾老襯呀？

作者: tophand88999 時間: 2020-12-18 22:51
冇幫襯，行運了。

香港租貴，呃得一個得一個，常識

作者: AMAT 時間: 2020-12-19 15:18
又嚟......2015都有POST講。

其實果時啲版友都講啦，打開門口，價格寫明，覺得貴咪唔好買囉。

你話佢呃你，唔話你知幾錢，咁叫黑店就合理。
人地標晒價錢，你唔去格價，咁叫人黑店就唔多合理。

佢又冇落閘放狗，你唔買你可以行返出去，之後唔幫襯。

好似講到個個都要開善堂，要件件貨都賺十元八塊甚至唔賺先得。
賺多啲都係罪大惡極。

賣假貨，呃你保養，明明幾錢俾錢之後又加你價，唔買要落閘放狗，呢啲先叫黑店囉。

唉~

作者: cs1 時間: 2020-12-19 17:52
佢又冇落閘放狗，你唔買你可以行返出去，之後唔幫襯。

》》》事出必有因，有因必有果，一入門口，例牌問你要乜野，

禮貌上話參觀揾野，佢就用一分中全情用不友善眼神黑晒面！

直至客人唔好意思離開！！

做生意，人客今曰未决定，他曰都有交易啫，

語氣好似揾交打！！佢又不是高大威猛，

只是不段令人反感，何必呢？？

作者: gascar 時間: 2020-12-19 18:12
本帖最後由 gascar 於 2020-12-19 18:15 編輯

cs1 發表於 2020-12-19 17:52
佢又冇落閘放狗，你唔買你可以行返出去，之後唔幫襯。

》》》事出必有因，有因必有果，一入門口，例牌問你 ...

之前都有類似經歷，入到去好似預你一定要光顧，說話好X難聽......

作者: nteast 時間: 2020-12-19 18:58
之前都有類似經歷，入到去好似預你一定要光顧，說話好X難聽......x2

作者: littletomfool 時間: 2020-12-19 21:01
又無黑面喎～～十幾廿年前去睇嘢～～俾佢攪到我唔好意思買咗部直升機～～～十幾廿年無玩，呢兩年玩返去到入佢就唔理我～～～但都有問必答～～～～不過幾貴就真嘅～～

作者: HighLamb 時間: 2020-12-19 21:32
有D舖頭，老細自己都有玩車，有時買野問多兩句，佢地都會講D心得同教你點Set車；價錢可能會貴少少，但買到件野之餘，又會學到D野。

作者: AMAT 時間: 2020-12-20 03:38

nteast 發表於 2020-12-19 18:58
之前都有類似經歷，入到去好似預你一定要光顧，說話好X難聽......x2

說話難聽，咁好多食店都好說話難聽，大家都係一樣去食，排晒長龍。

其實我只係想指出，你話佢說話唔好，賣得貴，得，冇問題，咁咪話大家試過，唔去囉。
但唔好下下用黑店嚟去形容，因為黑店等如係"詐騙店"。

唔鍾意一間鋪頭同佢係咪黑店，應該要分開。

作者: AMAT 時間: 2020-12-20 03:45
坦白講，講黑面，我認識幾家宜家被稱為友善嘅店.....其實個老闆都一樣係咁惡，一樣會黑人面。
點解呢?舉例問啲白痴嘢如百零蚊買架車問係咪有壞包換，自己扭撻話人啲嘢唔得要人換等等......
一樣俾人轟佢出門口。

如果呢啲人上嚟同大家講，話個老闆衰，黑人面，賣啲嘢唔得，咁又叫佢黑店，咁又如何呢?

你一日唔係俾咗錢，又或者根本就係你冇格價，咁唔係佢呃你喎。
你入到去唔買嘢行個圈出去，佢口噏噏佢仲少單未來生意，咁係佢損失唔係你損失喎。

所以唔好成日用自己個人喜唔喜歡嚟去稱一間店係黑店。
你可以話佢賣得貴，服務唔好，但唔係黑店。

作者: AMAT 時間: 2020-12-20 03:50
我咁樣講唔係因為我識得果間鋪。我不單止唔識仲一次都未去過。

重點係今時今日太多人濫用黑店一詞。

賣得比其他鋪貴就黑店。
冇果樣嘢賣黑你面又黑店。
叫人減價俾說話你聽又話黑店。
你要換貨人地唔換又話人黑店。

總之唔啱自己心水就係黑店。

我搞網咁多年睇得實在太多，你唔鍾意，咪話唔鍾意，唔好成日乜都濫用黑店一名。

因為黑店唔係咁解。

作者: sean2013 時間: 2020-12-21 11:59
AMAT你無同阿sam買過野你根本唔會明白佢為人, 好難三言兩語解釋你聽

呢個標題係copy早前另一位師兄的, 我只是加了(終於喬遷)

好多人同sam 接觸過都會認同咩叫黑店, 黑店不只是價錢的簡單表面問題, 而係佢態度,做人人格,生意手法問題

作者: ltc128 時間: 2020-12-22 14:51
本帖最後由 ltc128 於 2020-12-22 14:55 編輯

大約一年半前入去油麻地一間大模型舖，當時重有賣飛機，剛見到有個男人大約四十歲，肯定係初哥，想買搖控直升機，係一款不知大陸山寨套裝机連搖控電池，標價三千多，我睇到都唔開胃，個售貨員就讚到天花龍鳳，好飛又易上手，又可以倒飛玩花式，落足咀頭，完全冇提玩直升机有幾危險同困難，最後個男人終於俾錢 ..... 咁呢D算5算黑店

作者: sean2013 時間: 2020-12-23 13:17

ltc128 發表於 2020-12-22 14:51
大約一年半前入去油麻地一間大模型舖，當時重有賣飛機，剛見到有個男人大約四十歲，肯定係初哥，想買搖控直 ...

不算黑店, 呢D係你情我願, 心甘情願買賣

但係精藝係舊野當新賣(佢以前同電訊黃生一樣好多係收二手反黎)入面缺件反話你整唔見,貨物出門恕不理論形式,過左海就神仙既經營手法層出不窮, 唔信你地去試下

作者: neway_box 時間: 2020-12-25 18:52
呢間擺明黑店、佢竟然拎架二手車油車介紹俾我、講左一大輪又試車、最後個價錢梗係同新車無分別、一聽到即刻走人

作者: tekinlam 時間: 2020-12-27 07:09

sean2013 發表於 2020-12-23 13:17
不算黑店, 呢D係你情我願, 心甘情願買賣

但係精藝係舊野當新賣(佢以前同電訊黃生一樣好多係收二手反黎) ...

小弟以前細個幫襯過精x買車架～hpi rs4和bosscat越野車parts, 質素正常, 但價錢偏貴和態度一般, 之後識得去好景買, 就無再幫襯. 好老實咁講, 識得玩/砌車, 都知道sam gor咩事啦...新手就會上當既.....
相反電x以前耐不耐有全新車架(大廠頂級架), 但二手價出售, 小弟都買過幾架.

作者: ycthk 時間: 2020-12-27 20:25
have purchased from this shop before. unpleasant experience

作者: aloha 時間: 2020-12-29 15:54
之前見佢想搵人頂手..
不過個朵都臭晒仲想搵水魚....

作者: andy888 時間: 2021-11-22 17:20
我中咗招

作者: andy888 時間: 2021-11-22 17:23
深水埗元州街精X模型黑店Sam Wong搬咗竇，我幫佢買中咗招

作者: andy888 時間: 2021-11-22 17:39

AMAT 發表於 2020-12-19 15:18
又嚟......2015都有POST講。

其實果時啲版友都講啦，打開門口，價格寫明，覺得貴咪唔好買囉。

不是問題，訂貨比錢没有貨，咁訂單係咪要應該退錢呢，佢唔肯退唔係黑黑店呀

作者: CK4237 時間: 2022-4-20 22:43
舊料都睇睇,我好耐之前入過去兩次,無買過,淨睇,感覺老細想我快D出返去,咁多師兄覺得唔多有好感,都係有多少原因.

作者: nteast 時間: 2022-4-21 10:23
唔多有好感

作者: Nowhere76 時間: 2022-6-21 00:43
原來呢間野咁有名，真係長知識。

早排同呢位老闆交過手，想買佢架二手車，cap左佢po既相有型號指明買邊架，之後傾左一日whatsapp又打電話又盛最後傾掂左價錢。去之前朝早再confirm時，當時佢重要話有另一位師兄想要但放工黎買，不過當然先到先得，我二話不說中午就飛車去佢舖頭，點知去到佢拎出黎既又係另一部，佢話太多貨唔記得邊部，咁都無咩好講。最後失望而回，正當想買支油噴個殼安慰下，一睇就嘩！唔係貴少少咁簡單，算啦，閃。

不過平心而論當時老闆態度唔差，亦唔係黑口黑面既（可能有睇過呢度留言）。不過呢種賣野手法今時今日唔係幾好。

作者: ROVER123 時間: 2022-6-21 08:02