RC EVOLUTION - 遙控工房 - 香港RC遙控車討論區

標題: [工房吹水報] 京商又賣盤 - 越賣越差定越賣越好? [打印本頁]

作者: AMAT 時間: 2021-3-27 04:01
標題: [工房吹水報] 京商又賣盤 - 越賣越差定越賣越好?
[Youtube]j37vebIOWJc[/Youtube]

啱啱三月二十六日，日本新生銀行宣布，將由2018接手嘅日本老牌遙控模型Kyosho京商，賣俾以賣二手貨嘅中小企駿河屋。

消息一出比起當年新生銀行接管當年破產邊沿嘅京商更爆，因為好多人都唔知駿河屋係做乜生意同有乜本事可以買起京商。

今次我地就同大家分析下，講下京商當年點解要俾新生銀行接管，今次收購嘅駿河屋有乜本事，仲會講下現時YOKOMO同田宮嘅情況。

有閒情聽我吹水嘅車友，就可以睇下喇。

作者: ROVER123 時間: 2021-4-1 16:13

RC市場慢慢走向夕陽....新生銀行接管就等於佢係『最大債權人』！止血就放盤好正路！收得番幾多得幾多咯....

未來日企另有巨頭都要面對"市場委縮" : SONY, NIKON, CANON, SIGMA, ETC...

作者: AMAT 時間: 2021-4-1 16:25

ROVER123 發表於 2021-4-1 16:13
RC市場慢慢走向夕陽....新生銀行接管就等於佢係『最大債權人』！止血就放盤好正路！收得番幾多得幾多 ...

SONY同SIGMA都賺緊錢。

SONY仲要賺到出七個月糧花紅。

SONY有蝕錢嘅時間，但係佢係CMOS生產上，同埋PS5果到，近呢幾年已經賺返有突。

作者: AMAT 時間: 2021-4-1 16:29
其實好多企業某程度上，好似蝕緊錢，咁係因為大家只係睇佢一啲消費市場上嘅產品得失，睇唔到其他市場。

舉例NIKON同CANON，佢地就已經唔係淨止做相機。NIKON係專業級光學機械市場，其實一直都係賺緊錢。另外NIKON佢相機係蝕，但係佢係賣好多CMOS設計方案俾唔同公司。好多公司都係用NIKON嘅設計方案。
CANON更加添，佢係做緊中低端嘅圓晶投影機上面，係唔少國家要發展做圓晶生產下，一樣係賺緊錢。

唔好睇少佢地。

作者: ROVER123 時間: 2021-4-2 11:42
本帖最後由 ROVER123 於 2021-4-2 11:43 編輯

AMAT 發表於 2021-4-1 16:29
其實好多企業某程度上，好似蝕緊錢，咁係因為大家只係睇佢一啲消費市場上嘅產品得失，睇唔到其他市場。

舉 ...

..固有巨企肯面對市場消費改變而作大刀轉型，還可生存下去的！祗是未必有昔日光輝日子了...但總好漸漸被淘汰！

..而另一日巨企汽油車市場，電動車為新路向時...美國TELSA竟然殺個其他對手不及！亦是對日本汽車業好大衝擊！要再有突破才有前景了！

作者: AMAT 時間: 2021-4-2 12:15

ROVER123 發表於 2021-4-2 11:42
..固有巨企肯面對市場消費改變而作大刀轉型，還可生存下去的！祗是未必有昔日光輝日子了...但總好漸漸被 ...

TESLA呢段時間嘅風光，純粹受惠於唔同國家政策。

但坦白講，除非完全禁晒用電油，否則係唔可能令到其他生產引擎嘅車絕種。
今時今日電油車仍然係有其優勢。

就算要轉成行電，以其他車廠發展經驗，其實唔難，只係佢地願唔願意出。

某程度上，TELSA因為冇行電油，包伏少。但真係鬥起上嚟，但係車嘅種類，結構等等，都輸晒。

作者: aloha 時間: 2021-4-2 17:27
駿河屋
https://www.suruga-ya.jp/

作者: ROVER123 時間: 2021-4-3 11:19

AMAT 發表於 2021-4-2 12:15
TESLA呢段時間嘅風光，純粹受惠於唔同國家政策。

但坦白講，除非完全禁晒用電油，否則係唔可能令到其他 ...

..哈！全球各國禁售燃油車時間表相繼公佈，2040年是最後期限！香港亦會跟隨！TELSA美國反而在電池、摩打控制方面突位而出，強國都力追都要引入TELSA！
Honda 宣布2022 年開始，於歐洲市場停止販售純內燃機汽車，屆時所有產品將會是純電或油電混合車，主因是為了能符合歐盟排碳標準,
但日本電力現停用核電，成本大增，內燃開發幾十年投資巨大，正有如KYOSHO同一情況，將何去何從？

作者: AMAT 時間: 2021-4-4 12:06

ROVER123 發表於 2021-4-3 11:19
..哈！全球各國禁售燃油車時間表相繼公佈，2040年是最後期限！香港亦會跟隨！TELSA美國反而在電池、摩 ...

未去到最後一刻，其實都未必一定係會順利推行。

因為推全電，其實係將油公司，多間做車公司推去同佢地對抗邊沿。
另外唔同地方做唔做到全電動充電，亦都係另一個問題，夠唔夠做到足夠配套，亦都係未知。

未來計，全電只係其中一個方向，混能會更實際。

歡迎光臨 RC EVOLUTION - 遙控工房 - 香港RC遙控車討論區 (https://jk.rc-evo.com/xbbs/)