RC EVOLUTION - 遙控工房 - 香港RC遙控車討論區

標題: 總係有啲人唔明白爭論講粗口就輸 [打印本頁]

作者: AMAT 時間: 2022-8-2 17:43
標題: 總係有啲人唔明白爭論講粗口就輸
呢個世界硬係有一啲人，係同人嘈果時，講多兩句就講粗口。
坦白講，你話日常生活加一兩句做下助語詞呢，其實就冇乜問題。
但係如果一同人嘈時，講唔夠兩句就要搵粗口嚟話人，只有兩個可能性:
1. 個人冇文化，識得字少
2. 冇道理講到，就只有講粗口嚟兇人

遇着呢啲人，我通常都由得呢啲人講，因為佢講幾多粗口，其實都不能損人一分，
佢以為自己佔咗口舌之爭，其實從旁人眼中，只會覺得呢個人，冇文化，連基本嘅理論都做唔到。
更重要係，一講得多就收唔到制，係咁講，開始人身攻擊人地，連半分道理都冇埋。

有啲人以為人地怕佢講粗口，講完就會驚。
坦白講，我對呢啲人真係理得佢，由佢講，講完又唔係事實。
最好係你講大聲啲，成條街都聽到，咪睇下邊個人失禮啲。

所以，係大街大巷，冇必要真係唔好講粗口。
覺得唔啱，解決唔到，你可以搵警察，你可以搵管理嘅人解決，而唔係粗口爛舌。

其實咁嘅行為同埋三歲小朋友唔買玩具係到大吵大鬧冇分別。
幾廿歲人做啲兩三歲做嘅行為，失禮。

作者: ROVER123 時間: 2022-8-3 10:43

哈！

講粗口文化到呢新一代，不論"飽讀詩書", 或"為人師表"者！不論少女，都可以滿口粗言！

毫無羞恥感覺.....

作者: AMAT 時間: 2022-8-3 23:47

ROVER123 發表於 2022-8-3 10:43
哈！講粗口文化到呢新一代，不論"飽讀詩書", 或"為人師表"者！不論少女，都可以滿口粗言！毫無羞 ...

粗口作為助語詞，係年輕一輩人嚟講，其實冇乜特別。
可能我地細個都係咁講，簡單嚟講就係覺得型，覺得自己大個。

但係過咗一定時間之後，就會慢慢戒咗唔講，或唔講咁多，因為，表達情緒，程度，仲有好多形容方式，
犯不著下下都粗口嚟做助語詞。

不過我覺得如果同人爭拗，三句唔埋兩句就忍唔住用粗口話人，咁就真係無謂。
影得個人好LOW。

作者: ROVER123 時間: 2022-8-4 00:22

AMAT 發表於 2022-8-3 23:47
粗口作為助語詞，係年輕一輩人嚟講，其實冇乜特別。
可能我地細個都係咁講，簡單嚟講就係覺得型，覺得自 ...

..樓主可能較少睇好多所謂年捎青"網紅"YOUTUBER，男女都不時刻意夾雜粗口，認為較為"親民"，亦好多受美國電影粗口文化影響！而最記得早十幾年前就由一隊LMF BAND，以粗口歌開始成為"潮"風！正如今天"紋身"都已經等同"飾物"普遍，記得19年暴動就滿街都係『吊蝦擦蟹』之音！

作者: mercedes 時間: 2022-8-4 17:13
我都覺得平常對話時，粗口係最好唔講，冇乜意思。在太勞氣時，用粗口發洩一下，ok吧！

作者: AMAT 時間: 2022-8-5 10:12

mercedes 發表於 2022-8-4 17:13
我都覺得平常對話時，粗口係最好唔講，冇乜意思。在太勞氣時，用粗口發洩一下，ok吧！ ...

粗口自己發洩OK，但係同人理論時講就應該盡可能避免。

人地如果走嚟理論時同我講粗口，我一定同佢擺爛，因為都唔係為解決問題。
如果係為解決問題，就應該平心靜氣嚟大家傾，而唔係開口又爆粗，埋口又爆粗。

作者: crazy88 時間: 2022-8-10 23:44
本帖最後由 crazy88 於 2022-8-10 23:48 編輯

有時去gym room 做gym 見到好多二十幾歲人大大聲講野, 普通傾計都夾雜好多粗口, 以為自己好型, 但我係側邊聽到都覺得好煩, 都唔明佢地諗詳, 公眾場所交談都勁講粗口, 又大聲, 真係覺得不知所謂, 有時真係想開口收佢地細聲D, 我覺得佢地自己圍內傾計講幾多粗口都無問題的, 問題係公眾所都要大大聲咁講, 真係好煩, 有時都想叫佢地收聲, 但又唔關自己事。

作者: emax430 時間: 2022-10-20 22:33
講粗口真係好令人討厭。

作者: AMAT 時間: 2022-10-30 21:33

emax430 發表於 2022-10-20 22:33
講粗口真係好令人討厭。

最乞人憎係果啲，又唔係同佢好熟，一句說話幾個粗口好似人地欠咗佢咁。
我覺得呢啲人連咩叫做基本禮貌都唔識，覺得因為好似有個網保護住自己個身份，就可以粗口爛舌。

歡迎光臨 RC EVOLUTION - 遙控工房 - 香港RC遙控車討論區 (https://jk.rc-evo.com/xbbs/)