RC EVOLUTION - 遙控工房 - 香港RC遙控車討論區

標題: 硬係有啲人鍾意揸住小小權力嚟攞威 [打印本頁]

作者: AMAT 時間: 2022-10-24 16:19
標題: 硬係有啲人鍾意揸住小小權力嚟攞威
公司要換部冷氣，業主安排咗成個月先至有，都算數。
今日安排晒等佢嚟裝，冷氣機到晒，樓下個保安唔俾啲師傅搭棚，話要一個星期前入紙申請。
業主咪打俾佢話早一兩個月先裝另一個單位，同一方法又唔見要申請!?
個保安話之前得宜家唔得，總之要入紙等一個星期批，仲要CALL警察嚟趕搭棚師傅走，離晒大譜。

最後業主都算數，你要申請就申請，入紙俾你。
我地都預下個星期。

呀，入完紙同人講，聽日俾你搭。

業主咪話佢，喂，如果係咁你頭先叫搭棚師傅同你寫入紙咪得囉，點解係要講話一個星期。
個保安話，有紙就有冇紙就唔俾。

條友擺到明係攞住啲權力，見你搭棚師傅唔順超，刻意為難人地。

真係好衰格，浪費大家時間。

作者: chairmannone 時間: 2022-10-25 14:57
外牆歸阿公，搭棚要申請，全香港都係架啦。

你過年有冇封利是俾人？冇既話人地揸正黎做，有乜問題？老馮要俾面你？自己唔守規矩仲話人衰格，不知所謂。

作者: AMAT 時間: 2022-10-25 19:10

chairmannone 發表於 2022-10-25 14:57
外牆歸阿公，搭棚要申請，全香港都係架啦。

你過年有冇封利是俾人？冇既話人地揸正黎做，有乜問題？老馮要 ...

明晒，冇俾"利是"唔俾做，唔賄賂就佢鍾意點就點。

個規矩呢，一直都係嚟到通知管理處，咁多年都係。
個所謂嘅"新規矩"呢，係個保安突然立出嚟，因為根本冇出過通告。

如果規矩係一星期入紙呀，就唔會擒日業主填完紙，佢就話好啦，俾你宜家做啦。
點解突然又唔跟規矩一星期呢?

咪就係佢鍾意就俾，唔鍾意就叫你下星期。

仲有如果要俾"利是"先得呢，咁可以通知大廈法團，即刻炒咗佢。

下下要利是先放便，呢啲咪回歸囉。

作者: chairmannone 時間: 2022-10-25 20:43
大聲呢，就唔代表你啱既。

作者: chairmannone 時間: 2022-10-25 20:46
大聲呢，就唔代表你啱既。如果真係個保安自把自為，你又會咁順攤就範？晨早走左去搵管理公司或者法團投訴到佢暈啦，駛上網講埋哂啲一面之詞？仲有，亂柒咁up之前，睇吓法律上乜野叫賄賂先啦

作者: chairmannone 時間: 2022-10-25 20:52
本帖最後由 chairmannone 於 2022-10-25 20:54 編輯

唔該撩交嗌之前睇清楚乜野叫賄賂。唔係收利是就叫賄賂架。

終院法官霍兆剛認為，這條提及貪污定意的條例，***其立法原意不會簡單地指，一名代理人，在未得主事人同意下，收取第三方收取的金錢或利益，便屬違法；***事實上，條文列明，須有證據證明，該些利益，誘使收款的人士去作出一些對其主事人相關的事情，並***對主事人造成損害*** 原文網址: 【貪污定義】陳志雲判詞解讀 https://www.hk01.com/article/77832?utm_source=01articlecopy&utm_medium=referral

作者: ariskwok9413 時間: 2022-10-25 22:24

chairmannone 發表於 2022-10-25 20:52
唔該撩交嗌之前睇清楚乜野叫賄賂。唔係收利是就叫賄賂架。

終院法官霍兆剛認為，這條提及貪污定意的條例， ...

大聲唔代表你啱，但你睇啲唔睇啲就駁斥就更加唔啱囉，成件事最關租客時係熱同焗啫，業主同管理處問題你做租客唔通走埋去{banned}

作者: AMAT 時間: 2022-10-26 01:35

ariskwok9413 發表於 2022-10-25 22:24
大聲唔代表你啱，但你睇啲唔睇啲就駁斥就更加唔啱囉，成件事最關租客時係熱同焗啫，業主同管理處問題你做 ...

唔係好理解打字點解會大聲?

所以我覺得佢啲理解有啲問題。文字點解會係大聲呢?

坦白講，業主同管理保安交涉，我係側邊睇嘅唧。
但好肯定一點，就係業主係呢一年嚟，每兩三個月都會幫租客整下冷氣時，都會搭棚，而對上一次只係一個幾月前。
而今次出嚟阻撓嘅保安，係上個月先上任。講到尾，係根本就唔熟人地大廈本身嘅慣例同真實嘅規則，但就話規則係唔俾。
而佢所謂嘅唔俾，一直都冇出過通告，就係咁簡單。

如果按照佢所謂嘅規則，要一星期前寫表申請，咁點解業主唔想再同佢嘈寫紙喇，佢又可以突然話俾人整呢?
講到尾，咪就係根本就唔熟真實規則囉，否則唔會業主問點解佢填完又即刻得，如果係咁點解唔係當時人地搭棚係到時叫人即時填表而係要CALL到警察嚟趕人走呢?
咪就係因為要面!唔熟例，衰咗，咪咁囉。
業主問佢點解，佢淨係話規矩係咁嗎，有乜問法團主席啦......
推得個波勁快。

白白浪費業主叫搭棚過嚟，浪費時間，浪費錢。
我都SPARE時間出嚟俾個師傅入嚟OFFICE擒出去搭棚，我係成朝白白浪費冇開工。
我係因為要搭棚整冷氣，所以叫啲同事唔好返嚟。公司唔係冇嘢做等天跌錢落嚟。
因為要另外約一個時間我地又要SPARE另一日早上出嚟唔開工等搭棚嘅又嚟過。
佢一句說話，仲要彈弓手又食返落肚，咁就浪費咗人地兩個朝早嘅辦工時間。

至於收利是，其實好多管理公司都寫明叫業主唔好俾，管理員亦唔應該收。
只係大家隻眼開隻眼閉。

如果你話收個利是只係好口啲，還好。
但如果話因為冇俾利是就搞啲咁嘅事嚟為難人地...... 咁呢啲係賄賂嚟。
同收買路錢先俾你過冇分別。

最後，唔好寫咁多粗口啦。
我都冇打粗口啦.......
打咗粗口唔等如有道理囉。

同埋，又唔係知道晒人地個故事前文後理，作為塘邊鶴就一口咬定人地係錯......

我講出嚟係覺得點解咁多人咁鍾意攞住小小權時就出嚟為難人地唧。

作者: ltc128 時間: 2022-10-28 17:30
客觀咁講，大廈有冇管理條文講明搭棚要7天前入紙?

如果有, 管理員執行職責都有錯?

作者: AMAT 時間: 2022-10-28 21:46

ltc128 發表於 2022-10-28 17:30
客觀咁講，大廈有冇管理條文講明搭棚要7天前入紙?

如果有, 管理員執行職責都有錯? ...

就係冇呢條例，突然之間話有。

歡迎光臨 RC EVOLUTION - 遙控工房 - 香港RC遙控車討論區 (https://jk.rc-evo.com/xbbs/)