|
搵一個揸開車O既朋友,問佢有冇相熟車房,之後睇完車,O岩O既咪叫對方揸去車房上架睇睇.
上架都係睇下喉有冇穿,有冇漏油(波箱,分火),皮帶有冇到期,有冇生鏽,有冇唔正型或一O的唔應該出現O既接駁.
同埋睇下O的波JOINT防塵蓋有冇過期爛,BRAKE喉有冇老化,呔呎有冇變型等等........
注意有冇一O的好奇怪O既特別乾淨,因為有O的人賣車前係會抹ENGINE避免俾人睇出有漏油......
轉向有冇虛位,因為車用得咁上下轉向有機會有零件磨損O既虛位.
自己睇一般都係睇佢邊到花,花得正唔正常,陽光下睇下O的油有冇深淺色,有冇O的色怪怪地,車門防水邊有冇爛,開門閂門有冇怪怪地,車椅有冇爛,膠件有冇晒到老化痴手.尤其車頂O的手拉,等等.....
車O既行車里數有幾多,一年約係一萬公里左右係叫正常使用,可以計返架車幾多年就幾多公里咁睇.
但要留心,有機會有人會撥表等佢里數少O的,呢O的好多時要返原廠拮電腦先CHECK到.
里數亦都會表示出架車會唔會有機會再整,例如駛唔駛換CAM帶,駛唔駛換偈油等等,最好有對方出示佢維修紀錄,如幾時換過O的乜.
開車頭蓋聞下有冇一O的不正常O既汽油味,因為有可能漏偈油.帶支電筒照下ENGINE O的位,因為有時漏油會係係O的陰暗處,正常ENGINE照入面O的零件唔會見到濕,濕就即係有地方有滲漏.
另外可以要求車主扭盡呔,你照照入面O的BRAKE喉或防漏會唔會好老化.
記得最好係日頭睇下,因為夜晚睇唔到有冇深淺色,另外最好踎低睇下BUMPER裙膠邊,因為有時重噴O的人好懶會唔噴底睇唔到O的位.另外車頂睇下有冇花或撞凹.有天窗要睇會唔會漏水.
去車房上架睇,部份會唔收錢,部份會收,視乎朋友交情.
不過最好就俾錢啦.同埋如果外觀睇唔O岩就唔好晒時間上架睇喇.
另外唔同車會有唔同注意事項,要等你知道你想買邊款車再講.
但以日本車計,如果係漏油果O的,拆一拆換一換都千幾,越入O既地方,要拆O既O野越多,整O既錢越貴.
要計一計,因為架車就算更平,如果你買返去之後唔駛一兩個月就要整或換零件,駛你幾千銀,咁值唔值呢?
反而外觀有小花果O的就真係好正常唔係大件事嚟.
|
