柴灣狂人又出現

預左被人插, 但係都要講一講, 以前柴灣池真係十分 good, 大家有一套不明文規定, 早上玩快船, 下午玩慢船, 但係近排有D玩家(可能係新玩家), 近排又興玩D子彈仔, 甚至有D大快船, 好多時都在下午出現, 我諗係因為大家假期及時間所限, 而且唔通話人地唔啱咩, 個池係大家嘅, 唯有自己休息下, 一係一人玩一邊, 但最慘係一人一邊咩, D快船又想 TEST 下極速, 突然玩晒成個池, 咁又唯有上岸等佢冇電, 點知我停佢又停, 見佢休息, 我又繼續玩, 點知我玩佢又玩. 真係吹漲. 但係入夜, 就真係慢船嘅天下. Andrew007兄, 唔記得左係唔係你問我, 點解咁小見你玩, 其實我現在多在星期六玩, 原因就係減少磨擦, 玩船都係為左開心下手遮.

有時真係吹到啤一聲

希望D新玩家, 大家就一就啦, 香港玩船嘅地方真係好少, 如果想玩下快船, 通知一下大家, 等大家避一避, 免傷和氣.

michaeltam 發表於 2012-9-17 03:52

                               
登錄/註冊後可看大圖

Chung, 真係講下邊個咁無品，以我所知，玩精X号和隻虾既都有分...
現在都係，早上快船，下午慢船。 ...

精X號係唔係消防？

隻精X前個星期成隻船冒煙，原因佢用7.2V電変十7.2V有刷摩打，但佢用12V電行，十分鐘左右出煙，估計精英要灣水一輪。雖然佢橫衝直撞，但係在燈飾上幾有創意，我其實都俾佢撞過唔知幾多次。

andrew007 發表於 2012-9-17 14:16

                               
登錄/註冊後可看大圖

昨天都出黑煙啦！好似燒摩打

咁快整好隻消防？

andrew007 發表於 2012-9-17 15:07

                               
登錄/註冊後可看大圖

老人家冇野做，曰曰都可以整啦

咁佢算唔算狂人。

我知道早上玩快船班高手，通常極速十幾二十分鐘，就要休息一陣，其他想玩快船嘅師兄可以在這時一顯身手，同時又可以請教D高手。一齊進步。

呀直嘅要求唔高，所以佢隻消防D setting 好過癮，向前後兩個車頁一齊行，向後就行單頁，水炮方面佢就整左類似飛彈外形嘅東西。

而家去睇下有冇狂人。