新手買車幾問...請各位高手指教一下

個人經驗分享一下.

我都係新, 先第一部車, 係80%組裝好. 雖然我都成日DIY 好多野, 覺得自己應該掂, 但原來裝個摩打上去, 裝ESC, 調較好D 野, 對我黎講都唔係咁一野就搞掂.

好簡單, 焊電線, RC 車D 螺C 要上到幾緊, 咩野位要落螺C 膠, 原來都係要摸索一輪先掂. 學費都交唔少, 例如D 件上得唔夠緊, 行行下甩出黎仲唔見埋.

我而家只係搞到部車玩到, 都未能夠話點樣再微調佢等佢行得好D. 見ching 們又搞 caster, toe in, 換油壓油, 差速油, 真係博大精深!

所以, 我有D 慶幸我第一部車唔係由零開始組裝, 而係80% 組裝既kit 版,

到而家玩左一排, 我就有信心全部自己砌一部出黎啦.

80%組裝，即係有砌起左嘅車架，你自己揾个控，摩打电變，自己裝上車，調較好。有D包外殼，有D唔包。噴車係用双星PS系列，喷内籠。

事關每一項都有學問，自己逐項/研究下仲學到多D嘢，以後玩會有用.

因為件有唔同級數, 又有唔同功能, 好睇自己想要乜.

哈哈, 你睇果個blog 咪呢位KK 靚仔哥架囉!

控, 我覺得國產Flysky GT3C 都好夠用, 或者我未用過D 靚野啦, 佢好多功能, 作為新手都未必用得晒添! 夠平最緊要, 壞左唔肉痛, 唔使錫住用, receiver 又平.

我呢, 充電機用B6, 都係國產算, 淘寶貨.

servo, 俾我係你個case, 會諗savox 1251, 因為即使之後換車, 都用得返, 同埋好D 既servo黎做呢D 精密野(飄移) 會有幫助.

電池, 我用Zombie,

幾多mah 幾多C, 就睇你用乜野ESC, 乜野摩打, 呢D 我都唔識, 等高人指點.

油方面, 孖星果隻PS 系列真係勁到爆燈, 乾左之後, 用膠水, 熱熔膠, etc. 黐落去met 返出黎, 都可以完全唔甩, 我都唔知佢係乜野材料咁勁. 但顏色好似唔及其他系列咁多選擇.

p.s. 俾著我, 如果定左係玩飄移, 入門車我會諗sakura 果部CS

例如你有幾部車, 可以唔使買多成套遙控, 只買多幾個receiver就可以玩到.

set servo, 係要部車接晒遙控, 通晒電開左制, 再開埋遙控, 個servo 就會自動去到佢既中位, 如果冇信心, 就左左右右轉幾下個控上面個轉向輪, servo 就會歸中,

響唔熄遙控, 唔熄部車電制既情況下, 較正個前輪, 夠直啦, (即係預部車可以直行), 將個servo horn 連轉向拉桿套上去,

套完之後, 個輪仲可能有少少唔夠直  , 咁, 可以透過調較轉向拉桿既長短, 黎tune 到個輪夠直.

落地試車, 都仲唔夠直, 可以調較遙控器上面個轉向微調.

如果係digital servo, 例如1251, 係有DDDD 聲既, 正常. 非digital, 就係工作時有GGG 聲.

辣雞焊錫走唔甩架啦, 玩得呢家一定要.

個人覺得, 成套燈買返黎, 個好處當然係可以閃閃閃好過癮, 但一般套燈D 電線都會太長, 搞到個車殼好"撈膠", 我都係覺得自己搵led 燈仔砌組燈好D, D 線既長度自己較, 企理好多.

個差速器, 係使部車轉向更靈活. 冇差速既車, 要一個大好多既半徑先U turn得到.

最好搵個大少少地方, 冇乜柱冇乜牆既地方練, 否則多多零件都唔夠換.

唔好咁心雄住, 真係最基本練到要佢去邊就去邊, 唔會自己連轉左轉右都搞唔清,

同埋摸清楚部車做到乜唔做到乜, 唔好過左部車既limit, 否則....嗚嗚嗚......, 成日要整車. 親身血的教訓......