本來唔係好敢玩遙控飛行模型, 但玩完AR.DRONE覺得四軸好易玩, 但又嫌它距離太短,於是就上淘寶搵四軸玩。
買左華記的LADYBIRD小瓢虫和HOTEN-X跟DEVO 8S控, 以遙控模型入門來說, 飛機抵玩過車好多, 差機幾草野有部, 電就幾草野一排。小瓢虫D電仲平, 十幾蚊排.... 支控8CH有彩MON筆觸畫面都係幾舊,真係抵到爛。 飛機電變摩打又無車咁爆力, 飛完十分鐘都唔多暖(我不是玩3D),我用1:16ERVO電玩HOTEN-X可玩成15分鐘以上排電仲好平衡, 加上行無刷摩打, 唔炒的話真係可以話無嘢整, 唔同玩車, 唔炒都大把損耗品。
初時在家中玩小飄虫練習, 撞好多次都無事, 真係好玩過模擬器,正版模擬器軟件好似都要成千蚊....
跟住就落公園玩, 地方大輕鬆好多, 多D時間反應,亦可以試飛快D。
在公園玩到簡單航道零失誤後就離開公園向萬里晴空出發,今日好大風,膽粗粗照玩,好幾次被吹飛太遠分不清機頭機尾, 好彩都返到來
小飄虫就幾乎完全無視風向,飛得好定, 係有一次有一陣吹到人都郁既風先吹到佢差D反。
但戶外我就比較鐘意玩HOTEN, 因為大架D可以飛遠D,原裝電玩到十分鐘, 小飄虫只玩到6分鐘左右。
四軸真係好正, 一個人自己摸索都玩得好爽!!
綁咗個N年前買的CHEAP雞攝錄落架HOTEN到玩航拍, 好過癮, 飛得高過學校天台!! 可惜質素太差
http://www.youtube.com/watch?v=DM9YUl9wvMo
|