超級新手想買漂移遙控車

各位師兄好呀~我新手之前都未玩過遙控車~但睇片見到人玩漂移遙控車就好想試下玩
我預算4000蚊到~可唔可執齊一套落得地玩到漂移既車呢? 二手既我都可以架~
我想試下個感覺再慢慢去改裝~唔知有無師兄有好推介~或者有人放車可以話我知呢?
如果新車有無師兄肯同我出去簡同砌埋咁啊~因為我真係未買過咩都唔識~
希望有熱心師兄幫忙等小弟可以加入你地大家庭啦~~麻煩晒大家了

我建議車同控真係唔好慳，買架一般既車改改下貴過部頂級，仲未必好過部頂級，
而控方面買大牌子既低型號總好過全雞餐，油門及轉向線性差太遠，我係過來人>•<
PS:就算頂級都大把嘢可以改，不過心情嘢多！
以上純粹個人心聲，唔好見 怪

我都係超新手，玩咗都吾夠1年。我都係由2手yoko type B開始，慢慢改到半type C.  我都同意kep師兄講，控唔可以慳，真係有分別。但係車我都覺得入門的車，例如R31或Yoko SD都夠啦。但係r31會比Yoko SD好DD,始終皮帶車動態靚好多.（純屬個人意見，因我幾個friend都係玩R31).仲有，玩drift唔可以太心急，因為drifting唔同玩快車，drifting唔洗快，係講你控唔控制到架車繼而drift得靚唔靚（drift車速慢都可以好靚），所以control及走線技術凌駕車架的upgrade （again純屬個人意見). 我覺得摸熟架車及其動態先，改車可以慢慢一步一步黎，一步一步針對性改善。同埋，砌車都好好玩！

咁r31大約幾錢到? 連個ok靚少少既控包埋車全部大約要幾多錢到先落到地玩呢?

新r31好似2千頭。控可以買Futaba 4pl or Sanwa MT4好似千3至千5左右。師兄們有錯請更正，thanks!

咁有無包埋d電同叉機果d濕碎野?~包埋晒係會咪過4000蚊呢?~但新車我唔識砌~有無師兄有興趣幫手搵地方砌完試車

R31約$2400,4pl約$1300,servo SAVOX 1251MG 約$340,义機 imax b6 約$360連火牛，電每排約$300,未計電變摩打，車殼約$300-450。
Ching 我都係新手，我冇朋友同我一齊玩，我之前晒咗好多無謂錢買平車，最終都係買過部，所以我的意見喺唔好心急同想平，唔夠錢可以買咗車先，慢慢切，到有錢再買電子野，咁會玩得開心啲。

kep 發表於 2012-9-7 09:19

                               
登錄/註冊後可看大圖

我建議車同控真係唔好慳，買架一般既車改改下貴過部頂級，仲未必好過部頂級，
而控方面買大牌子既低型號總 ...

100% agree !!  

D3好以唔使$900

大家都係新手 , 有機會聚埋一起玩下丫~~我都係玩左幾個月

買r31不如買r3r!因為買左頂級唔洗再比錢改裝！(純屬個人意見，因我同朋友都係玩r3r)

http://www.facebook.com/#!/groups/drift.meeting/

有興趣可加入我地(漂移會)會版到交流下!

我地會入邊有大多數人玩R31/R3R, 今日我地係官塘翠屏村有局!!! 歡迎到場交流!!!!

faifaioscar 發表於 2012-9-7 17:06

                               
登錄/註冊後可看大圖

R31約$2400,4pl約$1300,servo SAVOX 1251MG 約$340,义機 imax b6 約$360連火牛，電每排約$300,未計電變摩打 ...

絕對同意!

好多謝各位大大意見呀~好開心見到你地咁熱心幫忙~我岩岩申請加入facebook個漂移會啦~見到popo會長黎我都好高興^^~我係論壇呢度打算收部二手車玩住先~買個好小小既控~希望有多d機會可以一齊玩同埋各位師兄可以指點下我呢d新人啦^^

仲有部新出的SAKURA D3車架
1千樓下
勝在係頭置車架
設計完住係FOR DRIFT
可以諗下

roy55699 發表於 2012-9-8 07:41

                               
登錄/註冊後可看大圖

http://www.facebook.com/#!/groups/drift.meeting/

有興趣可加入我地(漂移會)會版到交流下!

c兄們十一月上廣州漂上面個場需然細D但都幾好，還有場內有個細路仔出奇地厲害

中國公安 發表於 2012-9-11 01:04

                               
登錄/註冊後可看大圖

c兄們十一月上廣州漂上面個場需然細D但都幾好，還有場內有個細路仔出奇地厲害 ...

咁等我去學下野先!!! XD

我岩岩星期日先係廣州東番黎喳,早知我去果邊睇下啦