Arrowmax 10mm 磚

小弟上月買了對Arrowmax 10mm磚. 購買時拿上手的确很輕，以為質素不錯。

回家拆包裝才發現鑲於四邊的碳纖板有幾條爆了邊(見首兩張圖)。於是第二日便拿回模型店看看。店主很好，安排向供應商換貨。

一星期後，小弟再到模型店取貨。誰知換到的新“磚”出現比爆邊更恐佈的情况。

一條“磚”有四邊鑲了碳纖板，三邊有抹不掉的膠水/AA膠跡。鋁條邊更有被撬過的痕跡(像撬起碳纖板時留下的)。更甚的是，兩條“磚”皆有起碼一塊碳纖板裁细了一個尺碼。碳纖板鑲於鋁條中四邊出現明顯隙罅。(附圖作参考)。

於是又拿回模型店問問。店主再向供應商換貨。一星期後，供應商以“換了一次”為由拒绝再作任何安排。

小弟明白店主已盡量安排，不打算堅持換貨/退款。在此再次多謝模型店主耐心幫忙! 把事件上載於此只望提醒想買“磚”的師兄要小心驗貨。個別產品或出現所述的質量問題。  

奈何！……

Arrowmax QC 有問題

咁都得！喺吳喺二手當全新賣呀！

我都好懷疑兩條"磚"都係曾經被拆件再造。

好似被人用支一字批仔撬翻條碳纖出嚟。放落車床飛走D爆邊。再黐返上條鋁條咁。

所以鋁條內框有被撬過痕跡，碳纖板又細咗一個碼。

正常車好件碳纖同鋁框，黐好就可以。最多就有D膠水跡。但係換俾我嗰對磚就幾邊都有被撬過的痕跡。仲落重膠水去黐。有件碳纖有三份一面積蓋咗層膠水(圖五)。點抺都抺唔甩。

就算係二手都只可當係兩、三成新二手件。

Zenki 發表於 2012-10-6 16:00

                               
登錄/註冊後可看大圖

我都好懷疑兩條"磚"都係曾經被拆件再造。

好似被人用支一字批仔撬翻條碳纖出嚟。放落車床飛走D爆邊。再黐 ...

擺去二手區，標明係Arrowmax新件，開埋照賺左你錢既舖頭名，比全世界師兄知道

因工事繁忙,而家先有時間update.

話說出帖後四日，Arrowmax代理譚先生PM本人。說得悉有關問題後已向工廠匯報。亦會於下一次到貨時安排更换。

大概十日後。譚先生聯絡本人相約換貨。交收地點完全可以遷就。換上的一對磚亦沒有之前出現的問題。交談中感覺譚先生是非常重視顧客對其代理產品的意見。

講真，那對磚相比其他品牌可以話幾貴。但貴極都係有限錢。在很多代理心目中，更只是個小數目。賺的不多。見到個Post真係懶理。

譚先生肯切實跟進的態度，的確難得。

Zenki 發表於 2012-10-27 00:53

                               
登錄/註冊後可看大圖

因工事繁忙,而家先有時間update.

話說出帖後四日，Arrowmax代理譚先生PM本人。說得悉有關問題後已向工廠 ...

本來準備入塊set車板,
睇完呢個post即時停咗.
見到事件完滿解決,
又再度燃起購買其set車板團火

呢件事雖然好似解決左
但顯示左依家D代理真係睇人黎蝦
隨便整整就返件垃圾個客,仲以"換過一次"拒絕再換

係要網上爆出黎先執漏,慢晒啦
你問我會吾會買呢隻產品...

一匹狼 發表於 2012-10-27 08:59

                               
登錄/註冊後可看大圖

呢件事雖然好似解決左
但顯示左依家D代理真係睇人黎蝦
隨便整整就返件垃圾個客,仲以"換過一次"拒絕再換

要鬧過先肯做野既公司, 唔會比第2次機會

Zenki 發表於 2012-10-6 16:00

                               
登錄/註冊後可看大圖

我都好懷疑兩條"磚"都係曾經被拆件再造。

好似被人用支一字批仔撬翻條碳纖出嚟。放落車床飛走D爆邊。再黐 ...

車床又點樣可以飛走D爆邊....

講緊係鑼床呀