舊電變接 2.4G 接收問題

各位師兄，小弟好耐無玩過遙控車，喺箱底搵番架老人家出嚟，平平地買咗個 FlySky GT-3C 諗住玩下，但個舊 Tekin 電變接上個 2.4G 接收channel 2 後，有燈著，但接油門無反應，係咪有咩要留意呢？

另外呢類舊電變可以用新 7.4v 鋰電嗎？

已前舊電变多數可用7.2-8.4v電壓(6-7cell 1.2v電），你可以重新再set回電变，照道理可以的。

對中呀

joeechiu 發表於 2013-12-1 12:02
已前舊電变多數可用7.2-8.4v電壓(6-7cell 1.2v電），你可以重新再set回電变，照道理可以的。 ...

唔該晒，買粒返嚟試下先。

kelvinayhh 發表於 2013-12-1 12:25
對中呀

唔知係咪粒電問題，無乜反應.......

ckcgary 發表於 2013-12-1 14:48
唔知係咪粒電問題，無乜反應.......

師兄，2.4G 控做咗配對未？買過舊 NiMH 2400 mAH 電 ($120) 同 105BK ($120) 電變吧

soup_soup 發表於 2013-12-1 20:15
師兄，2.4G 控做咗配對未？買過舊 NiMH 2400 mAH 電 ($120) 同 105BK ($120) 電變吧

...

唔該師兄，其實諗諗下都好似用番 NiMH 好啲，太耐無玩，算係新手一名，所以鋰電用起上嚟都幾麻煩，反正架車唔係快，過下手癮啫。
我 check 過 RC 媽話 105BK 輸出係 60A，但我見其呢有刷電變，百幾蚊都 320A，點解差咁遠呢？我見無刷電變先係幾十 A 至百幾 A，有刷得 60A 咪好慢？

ckcgary 發表於 2013-12-1 23:58
唔該師兄，其實諗諗下都好似用番 NiMH 好啲，太耐無玩，算係新手一名，所以鋰電用起上嚟都幾麻煩，反正架 ...

我都事隔廿年無玩，最近一年先玩返，我同你情況一樣，唔玩快車，所以選擇用 NiMH 已經好足夠，況且我真係覺得鋰電非常唔安全 (個人感覺)，而家好享受遊車河嘅樂趣  

soup_soup 發表於 2013-12-2 13:27
我都事隔廿年無玩，最近一年先玩返，我同你情況一樣，唔玩快車，所以選擇用 NiMH 已經好足夠，況且我真係 ...

對我嚟講競速都係留番比高手師兄，我本意都係想同架老爺車做下運動架啫，而且就算你比架火箭我都無能力控制到．．．
師兄去邊度遊車河多？我刨文見政府場好多高手火箭玩，我費事耐住地球轉，頭痕緊去邊度遊車河．．．

各位師兄，仲有問題問，本來諗住 2.4G 控可能穩定啲先買套新嘅，而家先知古董電變同 servo 個三針插同而家嗰啲唔同咗，而家嗰啲頭薄身啲．．．
去鴨記搵過無淨三針插頭賣，去深水埗某商場遙控舖(好多舊嘢嗰間)都話無，除咗要買過新之外，有無計呢？邊度會有得賣呢？唔該晒！