最近探討緊遙控模型被撞爛應否賠償問題

我SEARCH "賠" 字, 得一條http://www.rc-evo.com/xbbs/forum.php?mod=viewthread&tid=195746&highlight=%E8%B3%A0
內容九成九話唔駛賠

話說有個朋友,係公家地方,玩180穿越機, 撞啱有班人玩250,
而玩既過程中最終朋友部機被250大機隨尾撞爛了,
而朋友結論係, 大機同細不能同場,炒左冇人可憐,莫講話追究
我就回應他叫人賠啦如果損毀嚴重,佢話賠條毛, 冇人証物証, 對方連SAY SORRY都冇扮唔知炒到人

在討論過程中,我應為就算意外都要賠,

我睇法係:
1, 又唔係私家比錢場,又唔係有明文規定落場無父子,炒左不得追究
2, 又唔係公開比賽,比賽競技全力以付就話就算意外炒了都冇得計姐

公家場,你又玩得我又玩得,又唔係同你賽,點解意外炒了唔駛賠?都唔話係未有心,依家係咩理據?

遙控模型,已發展有賽車,賽艇,賽機, 或者直昇機,及航拍機...咩情況炒左有得賠?


朋友理據話,你未輪住玩,等人收先玩,

問題又來啦,依家D人電駁電玩,就算收了,你去放
大機又即刻駁電玩,咁唔通細機為左唔想炒又即收?
大機會話冇人唔比你玩,但炒左唔好怨我,咁大機係未大晒?
炒左又話重來未聽過要賠,

一個有錢佬朋友回應:
玩得預左炒,各安天命,邊有得賠
一個窮鬼朋友亦回應,
同意,邊有得賠

我既結論係,撞爛人部機莫講話賠,SORRY都冇句係香港人先有,仲要理直氣壯話炒左唔駛賠,一些歉意都冇

究竟普世價,做錯事,是不是要作出賠償才對? 賠償不一定錢,最低限到一句SORRY! 表示有歉意已經係一種賠償

我覺得有班有錢人咩都DONT CARE所以炒就炒,佢比人炒時佢炒人,所以咩都冇所謂
而窮人就,自己比人撞就當時運低,但他朝有日佢撞人時,就唔駛賠,爽歪歪
就係依兩種心態造成今日既局面

我再問一班較為新手玩遙控既朋友,他們開始是玩航拍,再開始玩穿越,
我把CASE講佢地聽, 起初覺得我講得有理要賠
我再講話好多人都覺得唔駛賠,而理據又係話落場打籃球,撞傷冇得賠等等,
最後答案變左 即係大部人預左會爛, 就冇得賠, 覺得穿越機係易爛,變左由讚同要賠變成好難講

問題又返番上去,假設我識你, 同場一齊玩,一齊鬥下,過程損傷都話冇得賠可接受,
但因為大機同細機同場,而大機撞細機機會很高時,大機只會叫你未玩,玩就預左會爛,各安天命, 我係覺得冇道理

我成日覺得大家講既唔賠只係講緊大家鬥緊冇得賠
1:10快車同M車同場只係你有你玩我有我玩,你架火箭SHOOT我M車去直路尾爛晒, 點解唔可以叫人作出賠賞?

其實係未CASE BY CASE去睇先可以講賠唔賠? 賠係正路, 覺得係D人變質把正義是非普世價值顛倒了去忍受做錯事不了了知


最後重點,唔係鬥緊,唔係賽,只係大家共同使用公家場,但意外發生,點解唔駛賠?

有咩交比律師搞囉

叫埋公正行

唔想比人撞你可以選擇唔玩，玩就有風險嫁啦！

>>>>>究竟普世價,做錯事,是不是要作出賠償才對? 賠償不一定錢,最低限到一句SORRY! 表示有歉意已經係一種賠償


Very good point，但是否應該賠償，要睇下當時A丶B機係喥做緊乜野，如果大家都各自有動機式飛行 (如一齊玩穿樹)，咁車望有實質賠償就有點不切實際，因為雙方有選擇權是否參與該高風險飛行活動，即意味著雙方亦有一定責任承擔風險。但例如A機只hold係喥練習，而B機在有動機模式下飛行而撞到A機，咁就應該賠償，因為事前A方並沒有參與丶或承認本身有責任參與該高風險飛行活動。當然，若B方不打算賠償，最少亦應該say一吓sorry，以表亦歉意。

樓主如果有錢就交比律師搞，無錢有時間就自己去小額錢債審裁處搞，不過講真又要證據要咁多錢咁多時間不如買架新無咁煩。

公家地方，如果到達目的地之前已經有師兄在放機.禮貌上自己應該先主動上前同師兄溝通，大家吹下水，理應好易解決.

如果感覺吾多對路，正常會選擇去另外一邊玩.如自己還決定一齊玩，責任應該自己承擔.玩求開心，有意外大家吾想，用心講句對不起其實可以化解好多事，吾駛下下用錢解決.

如果撞到其他人的（搖控模型玩具）要賠償，但對方沒錢賠償，是否要入獄呢？一架專業航拍機，動不動就幾萬，再貴都有如果撞到要賠，以後要帶十萬八萬現金先好去玩

james9999 發表於 2016-3-20 16:48
如果撞到其他人的（搖控模型玩具）要賠償，但對方沒錢賠償，是否要入獄呢？一架專業航拍機，動不動就幾萬， ...

我覺得依個唔係理由，既然有人話怕撞你可以選擇唔玩，
同道理，既然你怕賠你可以選擇唔玩，
點解依家潛規則選擇了唔賠就好大支野覺得冇錯？我係想討論依點

反而呀大神都仲講得通過，一齊走緊就要負風險責任

但一般道路，兩架車一齊走緊，唔係賽緊，尾隨撞，九成九私了賠償，點解，模型，以上各下卻叫人搵律師，公正行，乜乜物物

其實我覺得依d  只係不明文規定潛規則

至於有位話，人地來先，如冇計傾，夾唔到就好走，係未意思話， 到達先就有可以set rule?

道路上所有機動車輛必須要買保險，樓主不如向保險公司為自己的模型投保。

會唔會係細機撞大機呀？
細機重量唔夠大機 相撞時會自己彈開架
睇落好似大機撞開細機
唔信你攞一粒大一粒細波子試相撞

馬路人人要守規則 玩遙控模型有冇？
未問過人賠唔賠就話人大支野
對涉事人好唔公平
你覺得道理喺你嗰邊 又係文明人 都係搵律師搞啦 有限錢

十單相撞畸屎
十單畸屎都係口同鼻拗架啦
玩玩具為開心啫
拗咁多不如整返佢玩過啦

50270898 發表於 2016-3-20 20:07
會唔會係細機撞大機呀？
細機重量唔夠大機 相撞時會自己彈開架
睇落好似大機撞開細機

我係話依到回應既一些人大支野
覺得炒機是常識，一些歉意沒有
不是說我所講的個案