|
"賊船"都真係可以話係我地七八十後宅佬O既童年回憶嚟,由細細個開係旺角,睇手辦睇日本動漫繪本等等....
宜家要摺兩間,問我有乜感覺,可惜但無感,因為我真係好耐冇幫襯過佢地.要知佢叫得賊船就梗係有原因O架啦.....貴!
當年細個十幾歲,佢地都已經唔當賣模型,專賣GK.但O的GK相比比旺角信和鋪都賣得貴好多,點頂.賣日本書方面又唔係話好快,分分鐘你去旭屋又或者去日本潮流快線都快過佢,又要平過佢....所以後生小小己經唔會去幫襯.⋯⋯ 到到今日賣O的KIDULT級O既玩具,精品一類一平又大量又快O既鋪成行成市,賊船可謂相形見拙.所以摺緊兩間留返一間嚟賣貴O野,真係唔出奇.....話晒三十年,又唔似好似福利咁有第二代肯有心接手的話,應該都搵錢搵到上晒岸唔憂賣,點比啦.
另一方面係日本動漫文化玩意買賣上,係有轉變.最簡單如連電擊一系列O既摺書,連電擊HOBBY都要摺書(但改以網絡版生存),得返HOBBY JAPAN一個.我自己就長期電擊HOBBY讀者,係日本書店長期訂戶嚟.....但一摺書改訂HOBBY JAPAN,即時由飛機改訂船加出咗都冇心機去攞.....因為HOBBY JAPAN真係冇電擊咁好睇....(雖然HJ都係我好細個就痴我表哥睇開...).賊船作為其中一個主要賣呢O的書O既鋪頭....連電擊都要摺,佢地點會唔縮.
其實隨住網絡發達,宜家真係越嚟越少出鋪頭買日文書同FIGURE,連我自己都係去AMAZON同RAKUTEN,又或者係同VOLKS GOODSMILE自己訂,呢類鋪頭O既生存價值其實真係越嚟越低,如果做唔到一種同好感覺,仲係以一種鋪頭賣買形式去經營,真係好難再做落去。
仲有一個因素就係好多時出呢O的新玩具O既,已經唔再係由日本公司主導.一O的近年新興O既品牌如千值練,ACTION TOY等,其實根本就唔係純日本公司嚟,好多都係香港公司(唔講HOT TOYS因為佢地唔係出日系玩具),變成成個市場利潤比賣真係日牌價格更低.....你根本就唔可以賣幾盒嚟為生,係要好似精品果O的咁勁收單嚟賺差格或薄利多銷.賊船貴開邊有得同佢地鬥.
所以我話可惜但無感,係因為賊船可能真係做唔到與時並進,配合唔到個潮流變化....但基本係唔會影響到一班宅佬....因為都係咁買,甚至可能如我一樣,根本就好耐有係佢果到買.
|
樓主
收藏
勁正
嬲嬲