一飛高過三樓就失控>.<

各位師兄，唔知點解架四軸一飛到三至四層樓就失控。之前飛走了一架6寸槳，一架5寸槳，用naze32 rev6 + devo 10白色。在泥涌和西貢飛出海放生了

我都走咗兩隻機, 不過唔係失控, 而係飛遠咗睇個圖傳嘅畫面揾唔返起飛嘅位置, 一隻降落後揾唔返, 令一隻落咗個廢棄魚塘, 雖然係D高草上面, 但人行唔到埋去, 結果放棄了.

你兩隻機嘅共通點就係個控, 下一隻飛之前係地面要 check 距離, 要 set 埋 fail safe 自動降落. 頭一個 flight 應該用自穩 mode.   

好的，謝謝

用邊隻接收 ?

RX1002. 今朝唔死心，砌左架130，spektrum dx6i, Ar6110e, F3 飛控，飛到三樓左右開始操控差左，和傾斜。和低飛時的操控差很多。微風

會唔會係現場干擾大 ?

唔知呢，在泥涌和西貢不幸飛走了。在烏溪沙的執得番。橫向低飛冇問題，一飛高就出事。唯有暫時當佢離地的搖控車玩住先

會唔會係發射天線指向問題 ? 飛高咗發射天線嘅末端就指正個接收. 咁嘅位置接收係最弱, 但都冇理由個距離會短成咁. 可以試下條發射天線水平放, 睇下會唔會好D, 另外接收天線係咪伸曬出機身外面 , 唔會俾個機身檔著 ? 碳纖係導電, 會檔著D電波.

Javan309 發表於 2016-9-12 16:45
RX1002. 今朝唔死心，砌左架130，spektrum dx6i, Ar6110e, F3 飛控，飛到三樓左右開始操控差左，和傾斜。和 ...

1002正常無咁差 , 因為天線夠長 , 盡量伸直伸長 , 直線幾百米一定無問題 , 除非你果隻接收有問題 !!!
我係DIY350航拍機上用過1002 , 最多 200米高 800米遠 , 因怕死怕失控所以無再去 XDD

搵多個接收試下 , 先知係邊度出問題 , 話唔定係個控 , 電子野好難講 , 我有個FRD買過一隻D7 , 50米就失控 , 睇彩數 !!!

會唔會個控入面條天線線焊甩咗，即無用天線，你打開check 吓! 我估應該唔關干擾事，我都有喺白石、泥涌放，無問題。

謝謝各位師兄，今晚就拆開個控睇下