田宮 Tiger1 避震柱腳孔位過大問題

小弟架Tiger 1在準備裝路輪的時候竟發現其中一隻金屬柱腳上機米的孔竟然過大，望入去個孔位應該係有攻到牙有縲紋，但放粒機米入去係完全上不緊，導致鎖不緊其中一隻路輪的軸，點解我會咁好彩遇到這個情況，同時也估不到田宮一向質數有保證，竟會發生這種情況在這種高價格的產品上，使我有點失望，請問各師兄有什麼方法可以解決此問題，定係不用理會，因現的路輪安裝係一出一入裝上去，那隻鎖不到的路輪應該唔會走到出黎，定係要用AA膠痴實個輪軸同柱腳會好些，謝謝。

如果所有部件係金屬, 我會直接用錫線滴入個窿度, 睇下可唔可以固定到輪軸。
如果唔得, 我會取回錫線, 留番小部分喺裏邊, 直接用機米攻入去.

比利羊 發表於 2017-7-27 23:25
如果所有部件係金屬, 我會直接用錫線滴入個窿度, 睇下可唔可以固定到輪軸。
如果唔得, 我會取回錫線, 留番 ...

明白，都係一個方法可以試試，謝謝比利羊師兄的解答!

幾仟元套kit,我覺得不能接受！
但有何辦法！

kentchoikl 發表於 2017-7-28 07:19
幾仟元套kit,我覺得不能接受！
但有何辦法！

Email 去代理/再cc 比田宮投訴！

拆走其他件用AA滴,乾完再滴,重複几次再上几米應該得

pm留contact比我,我有呢件金屬腳多,但要比點時間找,因要去倉揾

hihizaza 發表於 2017-7-28 22:05
pm留contact比我,我有呢件金屬腳多,但要比點時間找,因要去倉揾

非常感謝師兄，因我是新手，想問怎樣可以pm到你，真的多謝師兄的幫忙! 是不是發信息給你就可以?

有問題部件如果可以用錢買番就唔係大問题，但香港代理唔知仲有無這樣服務。
我記得十幾年前東方街老板娘陳太喺店舖時幫我買到1/16kingtiger驱動齒，今天這班sales唔知願唔願做!
但我覺得作為田官認可嘅代理應該有義務去做！

kentchoikl 發表於 2017-7-29 10:19
有問題部件如果可以用錢買番就唔係大問题，但香港代理唔知仲有無這樣服務。
我記得十幾年前東方街老板娘陳 ...

都係呢師兄，遇到呢d情況，其實用錢買得返個部件唔係問題，最大問題係唔知點去買返，有咩渠道。

自問都砌左十幾部星星坦克，從未預過你既問題，
真係唔好彩，不過係小問題，如有師兄有spare 出讓當然最好，
冇既話，自己dup牙開大些少個窿，
上過粒大一個size基米，好少問題。

panerai 發表於 2017-8-18 18:36
自問都砌左十幾部星星坦克，從未預過你既問題，
真係唔好彩，不過係小問題，如有師兄有spare 出讓當然最好 ...

係呢, 師兄，咁好彩咁都俾我買中，不過依家玩落又ok，可能個輪咁啱裝係入面，佢無位走到出黎，所以現在可以不理它放心行都應該無問題。