香港搖控車

今日睇報紙，見到電技不到位？笑咗……細細過無諗過打機都可以衝出香港，還有政黨去爭取及資助，只係户不出門，座係到對住個mon就有咁多人幫，本人不是反對電技產業，而係覺得點解搖控車無政黨去十卜，興建一，兩個場就關人事，全無推動呢個活動，本人中二已開始接觸RC，大大話話都30幾年，唔講得專業，只係對rc有興趣，當年球場搞比賽，企足半日睇已好開心，好似當年都有公開組，業餘組及abc字母組，一本搖控模型書睇報道比賽文字，可以睇完再睇，書店也可以揾到有關搖控車書，睇番現在玩車大多都係叔叔，後生些已好少，係未反映rc已無咩人去玩？還是太貴？

電競背後有兩間大公司撐 (騰訊、雷蛇Razer)，而且係上市公司，電競產業或多或少同股票市場掛鉤。
香港RC公司窺模比較小，要搞產品都已經唔簡單，再投資搞呢類推廣，真係唔知後果。

以前見人玩比賽，yokomo dog fighter , Tomy , Kyosho Lazer , 上兩千幾一部，自認當年 學生玩唔起，自己玩雙星。其實咁多年回頭睇返，玩RC，真係貴。

電競市埸好大,揾錢快,人人屋企有電腦有電視,玩車???邊樣揾錢多?
依家D廢青只會對住手機,電競就想有將來
你叫康文署開埸既條件就只有年青人過份沉迷打機

RC貴？電競倚一張都千五千六，一個電競Keyboard又千幾，一隻電競滑鼠又係差唔多一千，仲未計成萬蚊一張Display Card，發光透明玻璃機箱又一千，水冷散熱又一千。

遙控車少人玩，不是貴唔貴的問題，而是現時有太多其他好玩的東西。另外香港土地珍貴，地少人多，很多人在家沒有足夠空間玩遙控車，外出可以玩遙控車的地方又不多。

主要無埸地,屋苑又唔比玩

今時今日，場地比起10多年前，多咗很多，

不過位置都多在新界地方。

如果RC公司有好似電競公司有上市，有上市公司嚟支持活動，成件事當然唔同晒。

如果田宮Tamiya來港上市，我－定抽新股。

emax430 發表於 2019-6-21 16:06
如果田宮Tamiya來港上市，我－定抽新股。

田宮連日本都唔上市啦~

聽聞YOKOMO賣車唔好，但老闆都鬼有錢，咪一樣唔上市。

我諗做模型做到上市，係得BANDAI一個.......

電競坐係屋企話知你出面10號風球玩足24小時都得。一日炒幾千次都無問題，一按reset就全新再黎過！飛天、遁地、潛水話轉就轉。由古老玩到未來超越時空要咩款有咩款，甚至脫離現實都有！問你 RC 點 fight?

AMAT 發表於 2019-6-21 23:02
田宮連日本都唔上市啦~

聽聞YOKOMO賣車唔好，但老闆都鬼有錢，咪一樣唔上市。

咁台灣都有雷虎科技上市，不過都已經唔可以靠齋做模型，要做埋醫療/工業設備 etc...