[開箱報告]阿傑同你開開箱 - 3Racing Sakura FF21

大家睇我地遙控工房開箱開得多啦，今次就由香港模型運動總會，加上係3Racing廠車手阿傑，同大家開下3Racing呢架新推出嘅頭驅車，Sakura FF21。


除咗開箱之餘，講下呢架FF21新車有咩特別，阿傑仲會講下一啲佢平時組裝同使用產品技巧。今次就教大家點樣安裝差速之餘，講下點用呢排新出嘅差速齒差膠粒，有興趣唔好錯過。


另外都要記得留意下集播出。

中集!

下集!

請問一下， 中置馬達的頭驅車比前置馬達的有什麼優點？ 重心比前置馬達偏後了， 又要加重在車頭， 會否有點羅離搞呢？

Tam 發表於 2021-1-17 09:50
請問一下， 中置馬達的頭驅車比前置馬達的有什麼優點？ 重心比前置馬達偏後了， 又要加重在車頭， 會否有點 ...

中置摩打同頭置摩打比，中置摩打車係轉向上會比較靈活。
因為受惠係重心比較平均，所以SETTING上亦都接近好似一般四驅TOURING咁做。

不過兩者係唔同摩打表現上，都會有分別。

假如好似外國咁，FWD係鬥21.5或17.5，中置摩打係會有優勢，正如頭先所講架車會比較靈活，比較轉，灣表現自然較佳。
但如果去到13.5時，反而係頭置比較好，因為頭驅講求頭呔TRACTION，由於中置頭驅重量集中係車中間，頭重量不足，當去到13.5或以上更快更高速摩打時，就容易出現頭呔打滑情況。
因此你會見到好多中置頭驅係BUMPER位置可以俾人壓重，甚至壓到成100g以上，就係為咗呢個原因。所以單計重量上，頭置係呢個位係比中置有優勢。
不過因應場地，頭置頭驅始終走唔出比較推頭嘅現實，就算重量有優勢，係場地適應上係唔夠灣比較靈活嘅中置頭驅嚟。舉例你去油麻地咁細嘅場，又或者去TRACTION好高嘅場，頭置頭驅就好難SET得好。

所以中置頭驅係SETTING上比頭置點都有優勢，出產成本亦較低，所以先會越嚟越多車廠出。

如果作為初學想玩，個人會建議買頭置，會比較易HANDLE。
但如果已經玩咗好耐想進一步去玩，咁就買中置頭驅。

今天終於買了它，無為意附上多一個 motor mount B，已經唔知邊個打邊個，肉眼睇唔出有咩分別！請教各位師兄知否原因？