關於馬蹄膠

想問幾時先覺得要用或唔使用？
好似爬過文都唔太明
見呢度師兄好像有時只裝後面2粒
車頭萬向就唔用馬蹄膠之類。。。

你架咩車嚟?

馬蹄膠作用係防止萬向好快咁磨蝕個萬向/直濕杯，因為磨蝕咗就會虛咗，雖然玩車唔會影響好大，但可能比賽有啲啲影響個反應(但又唔係一定會死嘅.....)
不過部份車唔用就會打爆個杯，舉例行鋁杯果啲。用鋼杯就唔會。

好多車都會頭尾萬向都用，有啲車唔用頭係因為有啲車個設計問題令馬蹄膠好易爛，所以佢地就直頭放棄唔用。
尾萬向反而好似蝕，多數都好襟用。

謝謝，我玩舊款bd7 2015 black

可唔可以咁樣唸，如果唔係要比賽就唔使頭直用馬蹄膠？

Jon873 發表於 2021-4-30 14:16
可唔可以咁樣唸，如果唔係要比賽就唔使頭直用馬蹄膠？

如果你拆咗馬蹄膠,佢係冇鬆咪得。

但正常你個牙差/直濕佢果個卡位闊度係預你裝馬蹄膠，你唔裝，佢係實會鬆。
鬆的話，你個杯又唔係鋼，咪快啲蝕，又或者係咁前後打快啲斷。

唔裝個基準係你支萬向個骨頭套入去係唔會支PIN仔鬆先可以咁做，又或者有啲杯有兩個卡位，一個寬一個窄果啲，先可以咁做。

個人認為馬蹄膠(扣?)
對於滾差、齒差的車影響不太大，即使是虛了有缺口亦然...
但對於直軸設計會有一定程度影響...
尤其某些比較偏右彎多或左彎多的場地
前直軸接杯左右磨損會不同
如果不更換零件，在起步加速或出灣再加速時，
會因為左右輪有動力銜接的秒差而出現輕微蛇行現象...
想知道那是什麼感覺...就把前輪單邊的馬蹄膠拿掉就會知道...

謝謝, 可能我仲係新手, 真係唔識FEEL 情況, 或者真要試單邊有馬蹄 XD
我見自己部車的金屬杯(因為分唔到係鋼定咩物料)都會起坑
但又見有師兄車頭唔用, 咁我就唸係咪OPTIONAL...
另外說明書又叫人用, 我就唔肯定幾時要用幾時唔使...

Jon873 發表於 2021-5-5 11:16
謝謝, 可能我仲係新手, 真係唔識FEEL 情況, 或者真要試單邊有馬蹄 XD
我見自己部車的金屬杯(因為分唔到 ...

唔用果啲你要隻杯係啱先得。唔係就咁拆咗佢就算。