[公告]就有關老占及貨櫃車版版友爭執之問題

此乃關於有關爭執之最後公告,亦都唔會就任何其他舊問題再作任何意見,評價或審議.

有關老占之問題:

1.有關老占板友之問題,即日起停止其板主職務,遙控工房管理層認為老占板友並不適合擔任管理之工作
2.如有任何人因為老占停止其板主職務後,對其作出任何中傷,嘲笑之行為,即時停止其會員戶口
3.任何人不可以就此事,於以後再作任何之評價,輕微者刪文,嚴重者即時停止其會員戶口

提醒,老占適不適合作板主,乃遙控工房有最終之決定及審決,任何板友均無權評價遙控工房之內部處理手法.而板友之間應該給予尊重,如果因為任何人之升遷而有不尊重之行為,遙控工房絕對不會容忍.

有關貨櫃車板板友:

1.對於有部份版友以不理性之方式,及以針對性行為,對待老占版友,遙控工房認為不可接受.無論基於任何於老占版友之爭議,均不應以針對形式對待.
2.遙控工房一直堅持理性討論,要求版友遵守版規.任何其他版友有不遵守版規之行為,版主就算未能即時處理,均並不等如人地咁做,你就可以咁做.我地並唔會分邊個做先做後,有關板主見到就會處理.
3.任何板友對板主有所不滿意,應該向我直接查詢,並以理性態度處理.任何非理性O既態度,均只會招至其他人反感,並不會增加其討論理據.
4.任何粗言穢語,任何侮辱性之說話,遙控工房都均不會因為任何理據下,而可以轄免處理,一律均會刪文,或者停止其會員戶口.
5.如果就此事之後,任何再有此類針對性行為出現,我地唔會再出任何文章再解釋,因為已經解釋得太多.有關人仕一概停止戶口處理.

希望各貨櫃車版友好好反省,一個玩意要增加人流,如果以非理性態度處事,經常針對,更甚者經常性粗言穢言問候,會令新加入O既版友有何感受?好有親切感,有如返咗去爛仔大排檔一樣?點解到今日貨櫃車冇一個有良好秩序同出名O既會出現,而係四分五裂,互相指責.點解唔可以團結小小?點解唔可以令人覺得加入呢個玩意,係俾人感覺良好,而唔係一班粗口爛舌,經常你串我我串你O既低EQ小朋友?

板主都係一,板主都係會犯錯,犯錯最緊要唔係要捉住人痛腳一直係咁串人,你咁樣係明顯係針對玩人,你唔好話我知你咁做係幫佢.如果你事後同我講係板主點點點做先,我係一概唔會理.

總之,呢件事之後,我唔理任何人係佢O既自己網站到粗言穢語又好,惡意中傷都好,我唔希望係貨櫃車板到見到此類低EQ行為.請版友守返版規應有O既規條.
- 技術討論區只係討論技術
- 約玩車同講玩完車請去約車版,貨櫃車版已經格外有自己O既約車版
- 貼自己O既遙控貨櫃車外觀,我俾最大容忍,可以係技術區張貼
- 所有真車介紹不可以張貼係技術討論區,除改裝車外觀時附貼圖片作參考,否則一律不可張貼
- 吹水請於吹水區張貼
- 任何影射性文章,輕者刪文,重則停止其會員戶口

重申一次,任何板主均代表遙控工房及我本人,不論其表現對或錯,均不應,更不可向其權威挑戰,包括任何影射.如果再有人以此類行為挑戰權威,任何板主之決定均為本人最終決定,本人不會再作解釋或接受其他版友任何解釋.如果你覺得板主行為有問題,請向我本人提出,並以理性態度提出,本人自然會處理,亦都唔需要教我如何做.

最後一句,若要人尊重你,必先學懂尊重別人和自己,唔識得尊重人,唔好祈求人會尊重你.
面子唔係你叫人俾你,係你自己尊重自己,尊重自己O既承諾,做好自己應該做O既事情,人地自然會尊重你.

如果任何人認為遙控工房O既決定並不符合其個人願望,可選擇到其他論壇,或自行開設論壇.

敬請各版友留意.

遙控工房示