本帖最後由 odaan 於 2009-9-3 09:53 編輯
近來 , 貨車車聚越黎越多 , 對玩貨車既人黎講 , 可能係喜訊
但近來車聚越黎越不受控 , 尤其係參加者操守習慣各有不同
多次勞煩到警察過黎驅趕 , 行車聲浪亦令途人要掩耳而過
我 , 係 RC 貨車界只係初學者 , 我既建議唔係要各位強制性執行
但請各位明白 , 凡事有因必有果 , 趁現在 , 途人仲覺得我地 "新奇有趣" 既時候 , 應該提醒各位應有既操守
若然置之不理 , 到途人對我地反感先再做 , 就太遲喇~~
買部車 , 小則幾千 , 大則幾萬 , 有買既 , 有整既
想出街既心情可以理解 , 但如果只為自己一己之私 , 妄顧其他人 , 人地就會標籤左遙控貨車呢班人係自私
人地唔會同你分邊架車自私 , 邊架唔自私 , 一衰 , 就全部衰晒
各位出街 , 係想比人欣賞 , 定係想比人指責 ?? 其實各位有得揀 , 就係睇平時既行為有無干擾其他人
雖然遙控貨車無明文規定要考牌先渣得
但各位唔係追求像真咩 ??
各位有無係街道見一班真既貨櫃車橫衝直撞 ??
================================
玩車,有體系有規矩,人地睇我地唔係一盆散沙
無人肯夾唔緊要,自己夾先
做好自己,有帶頭有押尾有路眼
我係其他活動一樣會繼續夾隊形
================================
搞一個車聚
識路既 "帶頭" , 千祈唔好忘記自己係頭 , 唔好帶帶下頭唔見左 , 甘樣只會成隊車 "群龍無首"
有朋友肯做 "押尾" , 幫帶頭既人不時數下有無漏人數
"路眼" 主要係過無紅燈路口時 , 自發性既行為 , 個個都可以做 , 目的係要幫渣車果個睇路 , 預先作出警號
其實 , 將心比己 , 你想人地點幫你 , 你就點做
你想你渣車過馬路有人幫你睇下有無車 , 到你過完 , 你咪幫下人睇車 , 就係甘簡單
================================
等候點
"喂 , 等埋呀邊個喎" , 各位可能一聽到呢句 , 就即刻停低 , 但 ........ 無睇到自己其實成隊車封晒成條路
每次等人等車 , 尤其係重型車 , 最好都先搵據點 (set point) , 務求要部車泊低而唔阻路面為先
================================
呢個世界 , 有因必有果 , 如車聚聲浪太滋擾途人 , 逗留時間大耐 , 車聚隊形太霸道
都會有途人 / 警察過黎 趕 / 話兩句
雖然車聚會有途人欣賞 , 但亦有唔少途人微言
如果想令車聚可以繼續舉行 , 規矩其實不可忽略
================================
參考同類討論
http://www.rc-daily.com/forum/viewthread.php?tid=5316
================================
各位可能認為小弟多言 , 但就我出車之前 6 次隨行 , 同近來 4 次車聚
雖然唔係次次都有問題 , 但呢幾項的確係唔少人忽略左既問題 |