新手加入搖控電車行列...問野=.=

我已經買左一部TT01黎做左初步入門...玩起上黎其實已經覺得幾快下

但有d同事話自己部車可以行到70k   而我部TT01個摩打  賣俾我果個老闆話行到40k  

我用緊係原裝摩打  所有都係原裝野@@

岩岩睇左少少工房既http://www.rc-evo.com/index.shtml

學左唔少野@@

不過睇到討論區大部分人都唔玩TT01  原因好似係底板問題?同埋好多原裝既野造既位都唔係好準...大改既話又不如換車大改

-----------------------------------------
我都有固定既資金去玩車,一個月到1~2千都可以接受...

我想玩可以改多d野既車...玩快車甩尾都可以就最好啦(快車為主-.-)

唔知各位師兄有無提議買邊款車?摩打,電變同其他主要裝置需要換邊種好?

搖控我估一支就夠呱?因為現時已經有一支-.-

希望各位師兄可以教下路…

自己玩車有少少無助感-.-想搵人幫下手...

[ 本帖最後由 Wai_Kuan 於 2008-10-21 16:12 編輯 ]

你好.....小弟是三湘聚會的常客.....揸的是 TA-05 IFS-R 用13T好盈無刷.....

玩唔玩 TT-01 是個人問題，我亦有一部 KEEP 到依家，亦有人用 TT-01 去比賽拎到 A5！

架車好唔好走好睇個人技術，唔係人地話好就好，自己都要感受過的！

TT-01 雖然要好走要改好多野，但一般人入門都會買，因為SETTING不多！容易上手，而且亦唔慢，初級改裝(花費6-700元)已經好好。再改係個人選擇，像分期付款禁去買車！

當學完初步控制架車，對車有一定認識時，就會換車，到時自己已了解再不用問人了！

練習是非常重要！有空留意我們的三湘 PARTY 啦！逢星期五或有聚會！到時大家再一齊研究研究！
(剛剛不知兄弟你是家在濠江TIM )

[ 本帖最後由 byron.C 於 2008-10-20 09:34 編輯 ]

你地係邊到練習傢?我好少時間會出去練習...因為放工已經好累  係屋企整下部車可能仲得既@,@

頂多都係放假前一日先會出下去..@@  

TT01需要改d乜呢?內件換金屬?我見好多人部車都係換曬藍色既金屬體 (唔知係咪鋁..)

我工具都唔係好齊...桿槍都無   得支嫘絲枇= =......好想知要買咩工具...可唔可以話我知要買乜?

我新手唔係咁識d模型鋪名同車隊名...三湘係鋪名定係車隊名.

三湘係香港個邊既一座大廈名

你 post 下你架車張相上來啦！

基本上我覺得 TT-01 買返來要改的是.........

1)  2樓板......$80
2)  TRF 油壓....$300
3)  金屬中軸.....$80

可以既話買個 "負他把" MC330 $400 電變加個 孖星23T....$200
已經可以好快了...... 之後揸熟了就換車啦.....

一開始"鉗"同"十字批"已經OK.....揸多幾次爛左野你自然會知道買些什麼後備件和其他 OPTION 了

真係唔係老吹
如係要買 買都買無刷組合啦
唔洗點做REPAIR同MAINTENANCE
同埋最緊要夠快同慳電少少

係喎......夠快呀.........

但係要小心揸啦....最好3000kv 樓下啦.....唔係就......

套無刷唔洗整......架車要整囉........

仲有好盈無刷線性差....頭段好易中招....

好多新手問問題...小弟答完一D答案之後，都有好多不同意見，信不信就關人忍事啦！

我個時用17t...摩打齒25/55..用鋰電25C爆架車真係可以一支箭咁去,,,

各位大大其實唔洗咁激動既

大家講既都有自己既理由,點做都有自己既一套....

你地講左自己既意見我已經好開心傢啦  總好過無人幫丫麻

所以要多謝你地先@.@

我都打算旅行完番黎就改一改車入面既零件   將部分改成金屬   再問下模型鋪老闆點搞d車輪= =.......好多講車輪既post我都睇唔明@@

仲有我想知個控同電變係咪一定要一樣?  因為我睇d文章話摩打要同電變岩,電變需唔需要同支控一樣?



相我post左係第一個帖到@.@希望各位繼續幫忙俾意見啦!

[ 本帖最後由 Wai_Kuan 於 2008-10-21 04:04 編輯 ]

支控同個電變無咩直接關係！所以任何牌子也可！接收最好就同支控同一個牌子！唔係都無所謂既.....

電變要睇有刷無刷同頂到幾多 "T" 麼打！

加埋個差機上黎= =..............
T摩打應該係數字越細就越勁  係咪?

咁假如我想將部車改裝  摩打同電變果d需唔需要睇番邊款車先可以裝?

定係任何摩打/電變都可以裝係任何車款上面?

任何電變同 motor 都可以.....

T數越細就越快，T數越大就越大力。

但要留意返你未改金屬中軸！用快 motor 會扭斷條膠軸！所以要換！

又因車架是 abs 軟身膠....會扭動！所以要加 2 樓板！其他可以在換了電變和 motor 才換....

今日我個同事買左部TA05,,,,佢都係新手  係俾我拉住要佢同我一齊玩既= =........

唔知佢整成點@.@

咁我部車仔係咪要先換左d金屬軸加2樓板?  

仲有換電變同摩打果時要換乜?因為你所指既"其他"我唔知係咩


另外...無刷摩打同有刷者係d乜呢= =...兩者分別係邊...
仲有仲有...我排電好定唔好?  電上面寫著4500係代表容量?  如果排電唔ok  師兄們有冇介紹?
用電池需唔需要配合電變果d?怕唔怕話車上既電子用品會因為電量太高而受影響?

[ 本帖最後由 Wai_Kuan 於 2008-10-22 05:01 編輯 ]

其他係一大堆 option 物品！有需要同裝飾用要換你自然會知，唔洗心急住。
無刷摩打好處是不用維修，速度快，慳電.......
有刷摩打好處除左平之外就無........維修費也不平

電池無所謂的......亦不會有影響的！

等我過台灣買d零件先

tamiya RZ 23T + futaba mc330 is good enough for TT-01 beginer

負他把" MC330 電變 + 孖星23T = $600..
咁我如果想UPGRADE套入門無刷要幾錢??

Hobby wing 9T/13T combo @ $560 around

我睇d網頁  摩打其實唔算貴    個電變就係超貴...幾千蚊都有...= =所以唔敢亂買  

假如我想換更強既摩打  23t以上  有咩好選擇?同埋要配咩電變?

本地牌子 TP-M8R 平同埋方便維修....17T以上都得

負他把 MC330 ........貴少少......都可以.........

AV07......都好......

咁我用個支援高級摩打既電變  用23t或以下既就無問題傢啦?

超過就會燒者-.-   仲有  你所講果幾隻牌子   分別係幾錢@.@