用Nimh差Lipo

平日去佐敦谷玩車，對於某些錢比較少既人來講，最大問題就係電源。揸車去玩既人可以用私家車既水電，差完五至六排，着一着車就ok了。也有人拖一個大既水電(或叫粉電)去玩，但就非常辛苦，體積細既水電又差唔到幾多排。也有人買六、七、甚至更多排既Lipo電去玩，但現時買一排性能，牌子，口碑都比較好既Lipo電大約要$300-600。一次過買六、七排就非常"金"了。

為了解決電源呢個問題，於是"搜索"下自己D舊野，揾到一堆好多年前既Nimh電，一共竟然有八排，2排IB3800和6排IB4200，依家賣都冇人要...於是無聊地"recycle"下舊電。於是有個念頭想用呢D電去佐敦谷玩吧，但剩番呢八排既Nimh電相對現時既lipo電已經係冇戰斗力。打消呢個念頭吧...

經過一輪思考後，想出另一個方法，就係用呢D舊電去俾電部差機去番差我手上僅有既兩排4000mah Lipo電。於是睇番我部B6差機既說明書，input係可以承受11v-18v，而我D舊Nimh電差滿都有8.5v-8.8v，兩排(12粒)加埋都唔超過18v，既然如此，就試下搭住部B6平價差機，兩佰蚊，部差機用左咁耐，燒左都冇所謂啦。搭着部差機後，無問題，一D異常反應都冇，於是就試下差Lipo電，而且用到5A去balance charge，又係冇異常反應。嘩!掂啊。

差既時候我有睇住個input voltage，一開始既時候會由17v跌到14.5v左右，但當排Lipo電開始滿，差機用細A數差，input voltage就升番上15.5v-16v。差完一排4000mah Lipo電後，睇番電壓，每排舊Nimh電只係跌左0.7v-0.8v，於是試下用番部差機搭住火牛差番排舊Nimh電，睇下用左幾多電，之後每排大約要補2200mah既電，由此推斷，兩排(12粒)舊Nimh電應該可以差一排半至兩排4000mah Lipo電。經真實試驗後，我手上既八排Nimh電可以借差機番差大約六排4000mah Lipo電了。

好處就多了，首先已經唔需要再花錢去買粉電甚至Lipo電，其次如果以同樣體積和重量來計，Nimh電一定比粉電更優勝，同埋呢個做法都算環保，物盡其用。

有三個要點請留意:
1.並不是每款差機都可以咁樣做
2.千萬不要搭到短路，真係會乜都燒
3.留意input voltage，保持12v-17v之間，過高就好大機會燒差機


希望其他師兄提供更精彩的方法或糾正文章中的錯誤。Thank you.

登錄/註冊後可看大圖

等我都搵燵箱d電來用

回復 1# 200sxsr20


    師兄我覺得呢個做法理論上及實際上都可行既，不過要兩排串聯先可差一排電，同埋我諗每次差一排好啦（你想下你3800-4200x2不夠電差兩排4000，部差機都食電的及舊電容量都冇咁足啦！）如果差差下唔夠電，差機及鋰電可能會壞，倒不如真的買舊粉電帶去差比較安全好多，萬一火足燒埋JV咁咪大家都冇得玩（講笑)。

Great idea, even when nimh voltage became low all the charger will is to beep and warn about low input voltage.

make them useful again ;-)

兩排充一排，當你有4排lipo，即係要8排Nimh，即係要帶12排電去，會唔會重左d。

未去過JV...o個度無插頭架?

相比起用粉電,的確係較好.

不過你兩排NI-MH電,頂盡都係差返兩排LI-PO電........

粉電一個可以差到幾多排LI-PO電呢?容量幾大呢?

C兄, 將8排分拆焊成 1.2V x4(並聯=加大容量) x12 ( 串聯 ) = 14.4v output

咁好d冇?

C兄, 將8排分拆焊成 1.2V x4(並聯=加大容量=1.2V~3.8a+4.2ax3) x12 ( 串聯 ) = 14.4v(3.8a+4.2ax3) output

咁好d冇?

理論上可行既.............

我都有個7ah ge粉電, 可惜唔夠差兩排電, 所以打消左個念頭。不過e+買大容量粉電都唔係好貴,12v 17ah都只係百幾蚊。

首先重量問題，我係拉細旅行箱去玩，而且同水電比較，Nimh都係輕D，而且佔位唔多，其次係容量方面，我去過佐敦谷幾次，用同樣方法充電，都可以玩八九排（計埋本身兩排lipo)，對我來講都夠了。差機方面，無論係過高或過低電壓，部平價B6都會自動cut，我也試過只連十粒串聯，但我用5A充電時，input電壓會下降得好快，好快就拉低過11v，但用十二粒的話，就有比較大既緩衝，5A充都無問題。我亦試過用並聯，但效果同單一串聯無分別。最緊要係廢物利用，又唔洗再花錢。

理論上可行既.............
yeeha0518 發表於 2011-1-25 19:03

                               
登錄/註冊後可看大圖

    不只是理論上，係實際上已經work，而且用Nimh差出來既電同用火牛既冇分別，一樣爆。