求教 我個控不能連兩個接收 問RCMART但覺得比佢地水我

情況係咁︰
我買左個Futaba T3PV 同兩個R314SB。
個控有十個MODEL，咁我用M1 連接A接收。一切正常。再用M2連接B接收，一切正常。
但轉番M1，A接收就斷左連接。
連反A接收，去番B接收又斷連。

我覺得個控壞，就攞去rcmart整。佢地個回應如下︰
最初回應︰
我有個接收係淘寶買，佢話我果個接收連唔到。佢地既控同接收一切正常，叫我去攞番。
咁我唯有攞番。但事實唔係咁，於是拍片比佢地睇個淘寶接收係正常可用。

第二次回應︰
今次由佢地既技術員CALL我。佢用好堅定既語氣話一支控只能連一個接收。絕對唔可以連兩個，每次玩唔同車用唔同接收都一定要重新對頻。絕不可以儲存頻道係唔同MODEL。
咁我新手，又未試過佢咁講我又可以點。
咁我唯有問FD啦，又係rcmart見到個師兄，我當然即時問佢，我D fd同果位師兄都一致話唔駛咁煩，轉個MODEL就可以玩另一架車。即係我諗法冇錯。咁我又再搵佢地技術員問。

第三次回應︰
今次佢語氣改為唔肯定啦，話可能有D控得，但佢用既就唔得。(咁之前又咁肯定話唔得，重話futaba 三禾M12 果D都唔得)又話可能電子發展快E家可能得，(下...你個維修個喎...咁跟唔上..點做呀)
之後就話如果係咁只有送返去futaba到整。(這裏又有另一個故事) 同建議我直接問futaba果邊。
最後我話等我拍套片send去問下futaba先。

問題︰
1. futaba T3PV 可唔可以連接多過一個接收架？
2. 下面係我連接既步驟，我有冇做錯？
https://youtu.be/6O0NFrTB4zc

每次換model都要熄控再著喎

就算多過一個model,轉model都唔駛重新再對過, 我都用過大陸出的fiy sky gt2b, 共有3架車，轉車只是着控揀車便可，呢枝t3pv真係好蝦碌

聽說是有問題要回廠修理

4pls要轉model,熄控再著就得，我一支控八個model都無問題

Fatsoso8888 發表於 2016-8-23 22:57
聽說是有問題要回廠修理

你指整批貨都有問題????

係囉...咁多個師兄都唔駛每次對頻....明係rcmart D人水我啦....

以我所知，就算接收係同一形號，但出口去唔同地方的規格都有少少分別，例如賣去美國同賣去歐洲，因為兩個地方對無線電法例不同，就有兩個版本。情況似DVD碟咁有分區碼，你有一個接收係由淘寶買入，有機會係無線電頻率不同而要重新對頻。

HighLamb 發表於 2016-8-23 23:52
以我所知，就算接收係同一形號，但出口去唔同地方的規格都有少少分別，例如賣去美國同賣去歐洲，因為兩個地 ...

我有對頻...對完係用到...問題係當我對第二個接收時，第一個接收又會斷左。要用番第一個接收又要再對頻...

pazuwk 發表於 2016-8-24 00:34
我有對頻...對完係用到...問題係當我對第二個接收時，第一個接收又會斷左。要用番第一個接收又要再對頻.. ...

2.4GHz 個原理同 數碼無線電話 差唔多，都係單一個頻率 加入 數碼 認証，全部發射/接收都係共用一個頻率，所謂對頻就係個 認証。
但2.4GHz 唔係鎖定一個，會因應唔同地區國家，會有所微調，例如美國係 2.40038，歐洲可能係 2.40057。咁你A個接收可能就係 2.40038，B可能係2.40057，咁先前對完A，個控自動跳至 2.40038，但因為 B接收係 2.40057 咁就會接唔到訊號。

路過嘅，我用 Sanwa M12, Futaba 嘅 System 唔係好清楚。Sanwa o係 set model 嘅同時，仲要 set 埋＂Safety Link"。
假設 A 接收 set model 1 時必須要 set 埋 "Safety Link 1" B 接收 set model 2 必須要 set "Safety Link 2"，如此類推。當然其他 Link 都得, 只要唔係 Link 1, 因為 Link 1 已經用左。若然我唔分開 set Safety Link 的話, 情況會同樓主你一樣。Model 1 到 Model 10 都係只對到 A 接收, B 接收永遠都要重新再對過。Futaba 係咪咁就不得而知。
以上只係以 Sanwa 嘅設定方法提供些少意見，希望幫到樓主。

其實在情在理，rcmart都應該攞齊野試一次比你睇個控有無壞，整同唔整係後事

HighLamb 發表於 2016-8-24 01:05
2.4GHz 個原理同 數碼無線電話 差唔多，都係單一個頻率 加入 數碼 認証，全部發射/接收都係共用一個頻率 ...

即係話當你bind左第一個receiver時就會記錄左個country code + carrier freq, 之後個TX suppose 你之後bind既都係呢個country code + carrier freq.
當你bind第一個HK既recevier, 之後再bind CN既receiver, 就會甩頻....言之有理

不過呢d野無理由rcmart會唔知, 話曬都有個"技術員"

不過話時話我都用緊M12, 我個receiver都係一個Taobao買, 一個響rcmart買....無事

HighLamb 發表於 2016-8-24 01:05
2.4GHz 個原理同 數碼無線電話 差唔多，都係單一個頻率 加入 數碼 認証，全部發射/接收都係共用一個頻率 ...

咁我明白啦...但問題就變左當你買接收時一定要肯定係同一個頻........香港買既都有可能係水貨啦.....邊有得肯定.....

Beron 發表於 2016-8-24 02:43
路過嘅，我用 Sanwa M12, Futaba 嘅 System 唔係好清楚。Sanwa o係 set model 嘅同時，仲要 set 埋＂Safety ...

我個 T3PV 又搵唔到類似safety link果D野....

lschun 發表於 2016-8-24 08:03
其實在情在理，rcmart都應該攞齊野試一次比你睇個控有無壞，整同唔整係後事 ...

佢自己話有半年保養既...如果佢話我地賣水貨冇保養有問題要自己去搵代理咁我又接受....不過要買之前講囉...你肯買水貨就預左...
但佢問題係話有保養，但又水我話個控係連唔到兩個接收，重話個個控都係咁架...明顯係唔想整啦....
個CS重要大我話如果寄去日本整，有壞就唔收錢，但冇壞就會收好貴。咁我又真係比佢大到。咁先要上黎求助。

而且發現說明書冇香港代理資料。但有USA代理既電話同email。我send email去問...USA果邊又話佢地冇賣R314SB個接收，即係話RCMART可能係並幾間水貨一齊黎賣...
雖然網店咁做好正常...唔係邊黎平過去面...但技術支援要得囉...起碼要解到我既問題...

我個3禾MT4S，一控pair 咗八個三禾不同型號接收，都冇樓主嘅情況出現，但試過同時開著兩部車都可以同時控制得到，請問是正常嗎？

唔係保唔保養問題，係佢話無問題就有責任試一次比你睇，成功連接兩個receiver而又唔洗重新對頻，如果佢覺得一個控係只對一個receiver咁係佢未夠班，就要搵高一級/技術員出來，一間正常有規模既公司係咁玩，如果下下耍你走佢間公司都好難再有人買野，或者個個員工炒得