大家點解對RC失去熱誠?

以前有朋友同我講, 你大個D就唔會玩遙控車O架喇, 當時我話一定會玩落去.
由細玩到大, 玩咗廿幾年, 到JV開咗, 玩咗一排之後, 唔經唔覺都有4,5年冇玩過...

廿令歲時玩得最癲，－星期兩三晚做街童，一個月起碼鬥兩場車，團火好勁，玩左幾年開始悶，轉玩油車由粉嶺到高埔再去錦繡再返粉嶺，沙示前已經冇玩，直至7年前搬黎呢度，咁近JV都唔知有冇玩到廿次，早紀大團火熄左！

以前有朋友同我講, 你大個D就唔會玩遙控車O架喇, 當時我話一定會玩落去.
由細玩到大, 玩咗廿幾年, 到JV開咗, 反而玩得密左,仲買左7人車到處去各場地
只要HK有埸地熱誠更比細個強大
以前細個無本事養大車,條件無依家咁好,得閑就去KWS
個個人心泰唔同

好多前輩呀

細個搖控車，大左玩真車...

沙士前轉打game,2002 ~2015打到悶又玩番車

有左家庭就好難出去放車，最多夜晚出去放下狗咁玩兩野返上樓或者砌下車。久而久之就冇左熱誠，細個做完功課就可以去玩，而家真係冇辦法。同埋自己賺錢買，冇已前咁珍惜，冇左未買之前果種期待，買到果種喜悦

我都成三十歲人先正式玩遙控車，主要都係玩12仔和10仔油車，一玩就十幾廿年，幾年前賣哂佢唔玩車了，主要原因係無場地玩（港島區），前排有朋友送咗一套電船仔比我玩，玩咗幾次都幾好玩，團火又開始著著地㖭！

我變咗淨買同收藏，細個有時間冇錢買，依家有錢買冇時間砌或玩

speedstar 發表於 2017-2-18 20:23
我變咗淨買同收藏，細個有時間冇錢買，依家有錢買冇時間砌或玩

我也是這樣，不過依家買下擺下覺得佔領屋企太多地方，開始覺得無謂，所以近大半年開始學下忍忍手，除非真係好鐘意才買

尤其係油車，昔日一班元老已經消失

speedstar 發表於 2017-2-18 20:23
我變咗淨買同收藏，細個有時間冇錢買，依家有錢買冇時間砌或玩

我都係一样，自從有小孩和轉左份工后完全冇时間砌和玩，而家只係買左新玩具返黎后便开箱望一下研究下，之后就收起了。

可能近來無人機興起，玩車人變了心

我由6年班（3X年前）開始接觸搖控車，一直斷斷續續都有玩，只係在加拿大中間幾年冇玩。而家大了，只能一個月玩一次，不過係開心嘅...好有童年回憶。

機能衰退。。。老花，近視，腰痛，仲有旁人冷言，都另到冇心機玩

honest 發表於 2017-3-13 13:46
機能衰退。。。老花，近視，腰痛，仲有旁人冷言，都另到冇心機玩

C兄請問旁人冷言些什麼？
令你對RC熱情冷卻？

1BM 發表於 2017-3-15 22:29
C兄請問旁人冷言些什麼？
令你對RC熱情冷卻？

貢大個人，仲玩玩具車。。。。
阻鬼住晒。。。。
哔。。。成皮嘢，買D咁嘢
有時間玩。。。開多陣工好過啦
etc。。。。

不過。。。我依然继续玩梗，系揾地方同揾腳玩，反而仲大影响。自己冇聊亂兜，刀系比较悶

honest 發表於 2017-3-15 23:31
貢大個人，仲玩玩具車。。。。
阻鬼住晒。。。。
哔。。。成皮嘢，買D咁嘢

c兄所言，可以理解！
因圈外人根本不了解專業模型與一般玩具車的分別, 正如男性不了解女人買皮幾野個名牌手袋與幾百蚊的實用手袋是否必須，更不明白RC Racing根本系成年人的英雄地，並非小朋友可以駕馭，c兄遇到的冷言冷語，相信大部份RC友也遇過，無需太介意＾＾

我又中三開始接解RC，果時無錢買車，只玩二佰幾元車及二佰幾元棍仔，拿住水池周圍去玩，當年真的玩得好開心，之後斷斷續續咁玩，到現在4張幾有空去公園玩下車，但街坊及路人用一種好怪眼光睇你，咁大個人盡玩搖控車，攪到想去公園玩都不想去，個人想法…香港玩車真係好少青年人，相比日本差好遠，政府又不推動呢種活動，過多十年？可能更少人去玩

1BM 發表於 2017-3-16 11:19
c兄所言，可以理解！
因圈外人根本不了解專業模型與一般玩具車的分別, 正如男性不了解女人買皮幾野個名牌 ...

Ching 言G有理