匯納594換履帶驅動

之前玩車日可能玩得實在太激烈，架匯納594連個履帶摩打牙軸心都斷埋。

拆開個底坐，入面都食咗唔少石仔。

呢啲石仔話就話唔會整壞個波箱，但一陣就食係入面唔好，二則都會影響啲細輪工作。

所以都係要倒走晒佢地。

係淨換隻牙同成個波箱換，似乎成個波箱換快啲，話晒只係兩條線

廠俾返嚟有跟到呢隻大牙，其實呢隻牙冇爛，只係花，咁就留返佢先，用返舊果隻都OK。

最難搞唔係換牙，係裝返履帶。佢唔似雙鷹架，有個窿俾你插支螺絲批定位個前皮帶輪再上條履帶，佢係要諗方法撬住個頭皮帶輪嚟整。呢下真係好鬼晒力。整咗我半個鐘。

終於都搞掂，又玩得。

佢基本上今次係斷咗呢個履帶減速波箱最前果隻牙嘅六角，咁樣斷法可想而知塞咗石仔郁唔到大力撬果下有幾大力。

係呢個位嚟講，行膠履帶食石就冇咁麻煩。

但係金屬履帶係壓重同爬石上係有一定好處。

淨返呢個波箱唔係冇用，入面啲減速齒係好多絲桿挖機用緊，實用得著。