FLYSKY新旗艦控NB4 PRO登場

Flysky啱啱正式發表咗佢地嘅最新槍控NB4 PRO。
同我地之前睇嘅相片睇係差唔多，佢係外觀上係屬於小改動，主力都係SOFTWARE上面嘅改進。


最明顯嘅改進就係由以往最多支援8CH，升到上去支援18CH(以用兩個接收計)，同埋係用2CH情況下，可以開到佢地最快嘅傳送模式。


另外以往SANWA，KO先會有啲所謂快SERVO模式，FLYSKY終於都自家開發咗出嚟。未來如果有佢地嘅SR/SFR制式嘅SERVO，就可以調整PWM之餘仲有更快反應速度。
其他嘅功能，都比較偏向於慢爬車一類，大家有興趣可以睇下。


至於大家最關心嘅價錢，宜家淘寶價係RMB2298，香港代理會賣幾錢暫時就未知，如無意外應該都係由RCMART代理，到時大家問返佢地喇。相比起NB4，足足係貴成千蚊，大家覺得值唔值呢?
我就等到手先再同大家介紹喇~

基本上十月十日FLYSKY淘寶官店就已經開始有賣。

至於RCMART就暫時未知喇。