吹水: 玩搖控模型老年化?

感覺好似越泥越少人玩, 玩得既又都係老餅局多。有冇辨法推廣傳承一下。

500EVO 發表於 2019-11-10 06:50
唉，大家都係果句[時不與我]，當年玩車有環球及其它攪比賽，馬埽夜晚好多人，興華街，大環山，蔩竹坑比賽日 ...

始終大家覺得遙控車呢個活動，搞咗咁多年，冇新意，然後有啲人覺得冇挑戰性(其實係唔識)，自然係少人去玩。

其實宜家唔少學校搞STEM都有遙控玩意，但多數都係做FPV無人機，而唔係做遙控車。
始終唔好講學生，學校都會覺得無人機潮得多，要攞FUNDING好似都型啲~

唉，大家都係果句[時不與我]，當年玩車有環球及其它攪比賽，馬埽夜晚好多人，興華街，大環山，蔩竹坑比賽日子在球場曬成日都好開心。，

phariseelee 發表於 2019-10-29 13:12
明白。說話某日我係JV聽到: 我{banned}鬥慢咩。當日仲有小朋友係度。

其實係，有時有一啲人真係好鬼死離譜，人地帶個小朋友嚟就話人，仲要粗口爛舌。
同埋有時又唔理其他人。

等如我果日係車場，條友問都唔問係我後面煲煙，好似全世界都好鍾意食佢啲二手煙。
禮貎上係咪應該問一問人，佢食煙方便唔方便先。

呢啲位都會好影響到新人願唔願意加入。

macrossvf1a 發表於 2019-9-21 23:59
我同阿仔去過兩次，阿仔都話唔想再去。

明白。說話某日我係JV聽到: 我{banned}鬥慢咩。當日仲有小朋友係度。

登錄/註冊後可看大圖

AMAT 發表於 2019-10-28 18:59
咁打職業果啲都未至於嘅。
但係玩啲鋪鋪清唔駛長打落去會好啲囉~

所以答你 佢地唔會玩gt,e架gt唔講上網既比賽，淨係對電腦既耐力賽，都係一個鐘，佢地都唔會玩，gt4果陣 諗起4-8-12-24小時耐力賽，就諗返以前中學點解會咁癲玩到

qazxcvb24 發表於 2019-10-28 17:22
投入去玩同去搵錢又兩樣野
要玩佢地只會搵d簡單易上手既game，尤其係手遊 一定有自動打怪，係到鬥掛機多 ...

咁打職業果啲都未至於嘅。
但係玩啲鋪鋪清唔駛長打落去會好啲囉~

哈！等我呢個老頑童搭吓咀！
早幾年都祗係喜歡玩航拍，鍾意上山、下海，天空海闊任我飛！玩船、玩車唔係我杯茶！
但香港太細又可以放我都差唔多去過玩過！偷雞係山頂放都有幾次添！最後一架機沉大海後，停一停就冇再玩大機！反而買左隻[穿越機]仔可以好便四圍玩，又唔駛怕人投訢！
哈！早兩年一次無意之中買左隻[大拖船]玩！見好多細佬見到都好雀躍！勾起童真開始玩[船仔]啦！又方便又簡單！不過又真係老人佔比例多！但個人最厭一些玩快船人兄，水刀掘起大水花對池邊人好大影響！特別小朋友想係池邊觀賞都不能！太霸道了！
之前都想試玩飛機！但真係咁多種玩具佢最難有合適場地！南生圍人多場細亦有一批固定[直昇機]發燒友長期佔一邊放！加上遊客、放狗、踩單車遊人很多！又遠又受天氣影響玩到機會不多！最後都係放棄了！
至於玩賽車仔相信會係香港RC最大主流！亦是各模型店主要客源收入掛？都去過D賽場睇過，都唔少都係青、中年多！吹水聚腳集中地，有得競賽就增加熱情參與吧！？
(以上祗是個人觀感，不喜勿插！)

AMAT 發表於 2019-10-28 14:11
任何興趣，其實最大問題都係最後投唔投入。

不過外界影響下，會對呢人易唔易投入差好遠。

投入去玩同去搵錢又兩樣野
要玩佢地只會搵d簡單易上手既game，尤其係手遊 一定有自動打怪，係到鬥掛機多，唔同以前pc online game 要日打夜晚打，打王打怪咁

政府話要救旅遊業同飲食業先，所有地都係起樓，其他咩都唔會理

qazxcvb24 發表於 2019-10-28 13:20
佢地唔會玩gt，新出果陣買完，牌都未考完就放棄身邊有幾個 ，仲話打世界賽，佢地話難玩呀又唔識剎車，玩gt ...

任何興趣，其實最大問題都係最後投唔投入。

不過外界影響下，會對呢人易唔易投入差好遠。

等如宜家啲小朋友點解話咁想做電競選手呀?因為有成功例子，搵到錢，世界賽攞冠軍等等.....咁啲人咪投入囉。
但如果知道日日要練成十幾個鐘，就未必會。

相對嚟講，玩遙控車，職業車手有幾多個呢?職業車隊有幾多個呢?自然未能吸引到人。

不過，近呢幾年，有一啲國家開始將一啲玩意職業化。例如韓國就係。
韓國將電競納入職業化係其一，佢地亦都開始將FPV無人機納入職業化，搞咗好多比賽同埋有唔少團隊，仲有好多場地練。
宜家遙控車都可能會，因為開始多一啲強嘅車手出現，例如ZERO TRIBE果個KIM。

但呢啲嘢唔係單單業界去做，仲係要政府肯俾錢佢做，肯將一呢啲活動俾一個國家級比賽團隊啲名，肯俾地方佢地專用嚟練，肯做返相關法規去配合。
你有呢啲條件，自然可以吸引到多啲人去投入，亦自然比較容易簡卒。

等如中國內地啲少年賽，你肯搞，一百個人一次，有三個肯再鬥上去，都已經差好遠。

AMAT 發表於 2019-9-17 23:48
後生仔唔玩，唔係因為架車快定慢，係因為有太多其他輕鬆又唔駛晒太陽嘅HOBBY俾佢地揀，點解要咁辛苦走去餵 ...

佢地唔會玩gt，新出果陣買完，牌都未考完就放棄身邊有幾個 ，仲話打世界賽，佢地話難玩呀又唔識剎車，玩gta就有份，唔講玩車既地點先，連整車都懶既，真係比較小後生有心玩

月經文，都係果句，遙控車係高消費活動，入坑1萬幾千，洗呢個數，點解唔去買衫褲鞋襪潮牌去溝女，走去玩埋d污糟辣撻對住一堆麻甩佬比人知道又覺你低b既玩意

michaelxl2000 發表於 2019-9-17 23:55
免費車埸有d疑似高手嘅師兄d態度好差，我見到有d新手揸慢d，少少碰撞就可能會粗言穢語去問候你，公家場地' ...

我同阿仔去過兩次，阿仔都話唔想再去。

AMAT 發表於 2019-9-21 21:39
唔係好同意呢啲講法。

佐敦谷唔係成日有人，渡船街都唔係成日有人。

哦！

chui 發表於 2019-9-21 21:17
各個車場都多自 hi old sea food不停放電, 新手想玩得有樂趣其實真係好難，仲好意思話啲後生.....  ...

唔係好同意呢啲講法。

佐敦谷唔係成日有人，渡船街都唔係成日有人。

就算有人，人地玩完一轉停車充電抖抖，都實有時間俾其他人玩。


關乜嘢老手新手事?

各個車場都多自 hi old sea food不停放電, 新手想玩得有樂趣其實真係好難，仲好意思話啲後生.....

phariseelee 發表於 2019-9-20 15:51
咁等我仔仔大D我親自推廣比佢 再教埋佢影黑白相, 沖菲林同哂相。

大把人想個仔一齊玩....結果多數都係好失望......
好難逼自己啲小朋友玩O架喇~

AMAT 發表於 2019-9-20 15:12
早排有資深車手搞工作坊呀，最後咪又係得小貓一兩隻。

其實個重點係宜家實在太多玩意喇，而呢啲玩意係唔駛 ...

咁等我仔仔大D我親自推廣比佢 再教埋佢影黑白相, 沖菲林同哂相。

早排有資深車手搞工作坊呀，最後咪又係得小貓一兩隻。

其實個重點係宜家實在太多玩意喇，而呢啲玩意係唔駛出街係冷氣房玩都得，去邊到玩都得。
一大班人玩手機遊戲都唔出嚟玩車。

呢個係時代轉變，冇辦法。

除非你話玩遙控車可以當係學分O既，一大班人仆住出嚟玩。

搞乜工作坊都冇用。