要用咩工具呢??系邊度買呢??新手架步好吾齊~~問題多左D~~請見諒~~
R.C 發表於 2009-5-22 17:49
我冇玩過呢隻車...希望你唔好介意我"老吹"
如果check左全車各個零件都正常, 全部活動部份都冇唔暢順之類...
軸距, 我唔清楚ta05結構, 簡單d講 前軸同後軸係咪好似"等號"咁樣平衡, 不平衡=架車跟本轉緊彎
咁下一步就check下四個轆o既著地係咪平均, 著地平均o既意思正如小龍所講, 包括"避震長度、油量、彈弓等是否左右一至，搖肶動作順暢，車身離地是否左右相同"....
最基本我諗要有一把卡尺去量度避震, 彈弓之類...
玩得專業D, 可以買"TWEAK STATION" 或"TWEAK MASTER", 中文好似叫平衡架, (我都仲試用緊...睇下有冇其他車友比意見你)
除左避震, 另一樣容易忽略係 車軨, 車呔, 呔膽, 本身質量唔好或安裝得唔好都好大影響, 小心~
至於 CAMBER, TOE-IN / TOE-OUT 比較複雜... 唔想咁大投資住O既(有錢可以買SET車架), 試下用透明間尺, 透明量角器(中學生計數用果D呢), 你諗到用咩工具咩方法都好, 大前題係調較到左右一致 (SET幾多度幾多度我都唔識, 由0度開始 或 等其他車友比意見)
重量, 當你肯定問題唔出係車架, 咁有可能係重量....左右重量不平均?
假設架車真係一邊重一邊輕相差好大....慢車時應該係唔會出問題, 突然加速(重o既一邊明顯拖慢), 突然減速(重o既一邊明顯收唔到)
我會咁試: 故意突然加速令到車呔咬唔到地, 如果架車依然直線咁去, 大致上應該冇問題, 如果打白鴿轉, 轉果邊即係果邊重
減速一樣, 突然減速令到車呔咬唔到地跣住去, 如果架車依然直線咁去, 大致上應該冇問題, 如果打白鴿轉, 轉果邊輕(重果邊停得慢過輕果邊)
我最後先會check servo轉向, 始終電子野係後加上去, 車本身有問題, 你用servo去set到架車行到直綫....車架問題依然存在, 更可能影響往後set車
以上係我個人意見, 歡迎討論指正 |
樓主: R.C
樓主