第一次同個仔去放車....不愉快的經歷, 要諗下點改車

尋日買左部 1:18 hps 國產大腳, 今日帶埋同個仔行山.
初時個仔都好有興趣, 一攞出黎就爭住放車.
一攞出黎開車, 朋友第一句問我....部車係咪無電?...原因, 慢到嚇親人.
玩左唔夠五分鐘, 唔好話個仔, 連我自己都無癮. .....實在太慢了.  
有幾慢?  當時有個三四歲既細路拖住隻狗仔經過, 部車比呢個好奇睇架車而慢慢行既細路行得仲慢, 佢要專登行行下停低睇.
我個仔平時已經係心急既人, 部車既車速我諗只有佢行山步行既速度 50% 都唔知有無.
結果...佢一行就快過步車, 行兩步就要回頭望住部車黎控.  真係好頂癮.
雖然話架車慢佢可以易 d 學下點控, 但係太慢就真係好無癮.

如果唔攪番快部車, 我怕個仔再無興趣玩了.

想問問, 如果部車真係太慢, 會唔會係個摩打太弱呢?  
家陣果個係國產摩打 RC260, 唔知摩打既 size 係咪大致一樣既, 我可唔可以換其他比較好既摩打去同佢加速?

另外, 佢果排電, 用火牛叉成三粒幾鐘都唔熄停, 會唔會係排電有問題 (唔夠火數) 而導致車速慢?

一陣再叉完電, 等我認真計下佢既車速, 再 post 上黎睇下大家覺得算唔算好慢.

希望大家幫幫忙, 我唔想部車玩一兩日就唔要.  無論部車幾差都好, 最起碼個金屬車架都見得下人, 希望可以有機會改番掂佢.

國產 mo parts ka wo .......

改 motor and 電變 lu

我想當自己只係買左個車架, 再同佢執番 d 好 d 既零件, 希望可以改善下.  順便自己都學下野.

我都唔諗住買番國產既 parts (雖然果間鋪號稱話佢地有原廠 parts 配), 只係唔知我買其他廠既零件係咪一定合用.

你已經買貴左啦,你仲當買左個車架

你個架...慢爬...
梗係慢啦

國產信5過!!!!!!!!!!!!!!

我覺得你改lee部車不如buy架雙星off road車

你咁玩應該係玩 off-road, 而唔係大轆  

話時話, 玩落去會係你興趣大過個仔

如果想玩爬山玩ax10 or cr01
off road的話cco1等等
ax10:http://www.axialracing.com/ftp/chassis_selection.html
雙星:http://www.tamiya.com/japan/products/archive.htm
kyosho:http://www.kyosho.com/eng/products/rc/index.html

因為我諗住行山時, 除左馬路仲有好多唔同既山路, 而目的地多數係沙灘, 所以諗住大轆會度度都o岩玩.

咁快又換過部, 肯定比老婆鬧死.....呢部已經係一個星期內買既第三部車 (其實買呢部佢已經有點覺得太縱個仔了, 不過我話自己都想玩, 佢就唔會點出聲):
1) (星期日) Kyosho 既 Drift package light - 諗住飄移車過癮, 點知太快同轉得太急, 成日打圈, 個仔根本玩唔到, 連我自己都控唔掂, 攪到佢變左一格格行.  (考慮過換番正常軚, 希望會好 d)
2) (星期三) 遙控城巴80M - 因為第一部太快, 轉部巴士一定夠慢, 佢真係好有興趣玩 (部城巴仲快過家陣部大腳), 即晚就帶住部巴士落街玩.  indoor 既車落街玩, 轆仔太細, 成日比路面卡住, 遠少少又控唔到.
由於見個仔肯玩部巴士, 所以諗住比多少少錢, 買部好 d 既比佢玩耐 d, 希望平時行山可以帶埋去玩, 至走去買部大腳 (初時想買 Kyosho  既 monster, 不過好多人都話太細唔掂...轉左買 1:18)
3) (星期五) 最後就比間鋪既老細介紹左呢部.......

所以, 好希望可以自己動手改好呢部.  可能再比多左錢, 但唔會多舊垃圾 (雖然有點自欺欺人, 但老婆見到仲係果部車, 就唔會出聲的).

唔知我可唔可能自己買過個摩打, 換左個電變, 令架車快番呢?

去同佢地交流下
http://bbs.rc-evo.com/viewthread ... &extra=page%3D1

你想玩沙灘啊＝＿＝。。真係聽之前d ching話買lunchbox啦，加個防水合，玩到成車沙、水，都只係沖沖水就得。你個十歲仔都唔會行太崎嶇既山姐，係咪似石梨背果d？lunchbox玩到啦，更加唔洗揹住行，一開始行就放落地。
考慮下啦，５００幾己齊野，用番你１８仔個控同接收。大陸野點改都冇用，當玩具車sofa爬下羅

好多謝 c兄既意思, 我都相信 lunchbox 會係一部好適合既車, 否則唔會個個都推薦.
暫時都好難再買部車, 老婆肯定鬧死, 無理由睇唔出換左另一部車, 就算我唔介意比錢, 都要考慮埋佢既.  (不過, 好老實講, 我仲係接受唔到佢個 size, 唔知同廠有無 1:18 既可以代替 lunch box?)
或者, 玩得幾個月....搵個"辦法"撞爛部車, "逼"住換過部會好d.

不過, 先決條件係我要用現有既車令個仔有興趣, 如果佢有興趣玩話要買, 叫我老婆比錢買都肯.

慢爬....有名你叫　你想比仔仔飛沙走石就ＬＵＣＨＢＯＸ啦

買架慢爬係點改都改唔到佢行得快！車架設計都唔同..........
學樓上師兄話，買過部 lunchbox 好 d ....

唔緊要, 玩具O者

不過你終需要明白, 車O既 SIZE 同O向咩地方玩, 係有關係的......

sorry, 雖然我都知 lunchbox 會係最好既選擇, 但我真係好希望可以係細少少既.  
我見 tamyiya 都有部 TLT-1, 不過好似 discontinue 左, 唔知仲有無既, 會唔會都係慢車?

如果最大唔超過 1:18, 主要行山時帶去玩, 希望可以行到山路同沙灘, 唔知有無乜野選擇?
當然都要等我玩一排呢部車, 搵機會"kill"左佢, 至會"被逼"買過部.

好多謝 c兄既意思, 我都相信 lunchbox 會係一部好適合既車, 否則唔會個個都推薦.
暫時都好難再買部車, 老婆肯定鬧死, 無理由睇唔出換左另一部車, 就算我唔介意比錢, 都要考慮埋佢既.  (不過, 好老實講, 我仲係接受唔 ...
Super169 發表於 2009-10-3 16:11

                               
登錄/註冊後可看大圖

聖誕禮物，哈哈，一係測驗禮物啦，都快啦。lunchbox唔係太大之嘛。唔玩時可以拆左個殼同防水合。同埋lunchbox可以起頭，你個仔見到一定好開心，細佬仔都係衝衝撞撞ga la。再唔係自己print d卡通上車，你如真係買，買有電變版，500上下一定買到，商場條街既野貴d，外面街舖好d。希望你２父子玩得開心啦！
http://www.youtube.com/watch?v=T_UQsYN35MA

sorry, 雖然我都知 lunchbox 會係最好既選擇, 但我真係好希望可以係細少少既.  
我見 tamyiya 都有部 TLT-1, 不過好似 discontinue 左, 唔知仲有無既, 會唔會都係慢車?

如果最大唔超過 1:18, 主要行山時帶去玩,  ...
Super169 發表於 2009-10-3 16:35

                               
登錄/註冊後可看大圖

雙星d慢爬車。。算啦。。。txt同tlt，cr０１都唔算太好，要揀scx１０／ax１０好d。送多條lunchbox，個細佬仔玩得幾開心。。。。
依家架１８仔好多野可以用番，唔洗kill左佢。。。遙控同接收啦，電變摩打都可以用
http://www.youtube.com/watch?v=EyPOeuKnw2Q