新手發表下一D玩後報告~ 純粹分享~ 
上個月係灣仔188行街, 路過見到角落位有間玩具店賣直昇機,
好唔小心咁中左毒, 即時就比左2條魚換左架LS PHOENIX返屋企HAHA...
返到屋企, 一起機, 嘩~ 乜真係咁鬼易玩.... 上上落落空中停, 全部冇問題...
架PHOENIX仲有個"R"掣, 按住來飛前會有加速效果, 其實係架機會"鐘"得更前, 所以快左~
但係想做到係張櫈仔度降落, 就有D難度, 一臨到櫈面, 架機就會好難控制, 前後左右亂咁飄, 呢樣係唯一一樣需要"訓練"一下先做到既動作.....
拎左返公司玩, 一個二個有打開機既都一上手就識玩, 係得一兩個比較遲鈍小小既, 一係就比盡油一飛頂天... 一係就唔夠力變地上機....
但係比公司十幾人"輪"完, 架機至今都未爛.... 認真奇蹟.....
而係公司, 仲可以試到最遠飛到邊, 目測大約7-10米已經極限, 去到果時已經反應遲鈍, 收左油都仲識轉咁....
電量又係勁秋... 睇住電視來計時, 岩岩好一節廣告, 即係差唔多15分鐘, 叉就叉兩節廣告, 大約30分鐘到....
另外仲有樣好就係, 佢個控個油門冇"彈弓", SET好油門, 可以放低個控睇住架機係空中吊住飛, 係有少少飄移, 但十零秒都冇問題~~~ 超好玩呢~~~
雖然後來我知道呢架PHOENIX鴨記賣平好多, 但係對於本身冇接觸直昇機既人, 呢幾廿蚊OK啦~~~
當玩熟架PHOENIX, 就開始痕第2架機....
本來真係諗住"升呢"玩CB100/SOLO PRO <<<<都係上左來呢度先知呢D野... 毒壇=.=
但係最後都冇試住, 始終佢個價都係高左DD, 所以最後都係係VMAX/S107 兩者選一個....
又係GOOGLE 做功課啦, 最後都係選左S107來試,
首先講感覺, 真係平靚正~!
舊幾水, 就有咁既質素, 真係冇投訴啦~~~~~~
由於我只係得呢兩架, 所以直接比較啦...
S107, 真係好"定", 極之穩陣, 貢埋去用口吹氣都唔會飄左去, 呢點係PHOENIX做唔到的...
機身就咁渣手, 比PHOENIX硬淨, 就咁睇"應該"更加難撞爛HAHAHA....
S107對櫈仔降落呢點完全唔係問題! 貼地飛都超定!
但係講速度, S107真係唔夠PHOENIX鬥, 無論係轉彎定前後, PHOENIX唔開"R"掣都羸曬,
S107好似一架巴士咁, 慢慢來不用急, 最緊要安全....
兩架相比, S107一定更加易玩, 更加傻瓜機....
S107仲有樣冇咁好, 就係個控支油門杆係裝左"彈弓", 姐係唔頂住就會收油, 冇得好似PHOENIX咁放低個控自己飛...
我玩到既大致上係咁多, 遲D再補返兩張機頭相~~~ |
收藏
勁正
嬲嬲
