本帖最後由 cfchung 於 2012-2-1 13:33 編輯
我覺得復刻版係將以前D設計同工程司嘅心血同創意再延續,當年佢地都用左好多心機同努力先做倒出嚟。所以話復刻版只係照cop冇創意嘅產品我就唔同意啦!
好似可九可樂賣左過百年都係賣可樂都得。痕香賣嚟賣去都係老婆餅又得。點解其他産品賣舊設計又叫番cop無誠意呢?
如果豐田番出corolla DX後驅or AE86嘅話,我都很有興趣!當年嘅車揸落去係好有樂趣,唔同而家果D車,冇乜自己風格,設計大同小異,性能不相百眾。各廠為左競爭,為增取客人,馬力越嚟越大,車廂就越嚟越大架,外貌就越嚟越似隻豬仔包,頭尾不分,冇曬線條。咁嘅產品取向又係咪最好呢?
以前嘅日本車,各有各特式,每4年轉一次款,每次都好有期待,睇下新款有幾靚有乜新設計,但而家好似冇乜突破冇乜賣點。産品不斷向前走嘅同時,係咪要回望過去少少呢?
|