消失了的遙控店舖

bei6266 發表於 2012-12-6 16:15
永興模型黑社會模型鋪.以前d模型友講嘅.

永興模型  肥佬姚嘉興,有時kws見到佢

遲D幾乎沒街鋪, 全部上晒樓...

以前行模型舗，做街童拖水電去沙田馬場放Delta鬥車，我就算依家揸車經過沙田馬場都仲會望吓停車場 扒文扒咗廿幾版，好開心見番好多舊日熟識名字。嗰位師兄記得紅磡西松真犀利，我第一架Cox049 Jeep仔改遙控用Futaba大眼雞就喺嗰度買，7幾年成千蚊，仲要淨得轉向冇油門控，嗰陣報紙5毫，我呀叔架三共buggy 用Enya 19要扯縄撻成3千銀，夢想之車...睇到呢度各位師兄好似漏咗菲林明道橋底舊環球、柯士甸小路永利舊舗、海洋中心同近山林道雷達行、柯士甸道而家龍堡酒店對面偉高東方、九龍城寨門口人和偉高同福利、九龍城近亞皆老街球場有兩間以前地牢美國堡附近唔記得名賣電車嘅，白加士街近柯士甸道興記、天光道興記，同埋近界限街喇沙利道，上樓喺賣耶蘇物品隔嚟，有個手車好好嘅靚仔蘇家俊個老竇開嗰間模型舗（唔記得名啦）？

依家D細路又怕污糟又怕辛苦, 叫佢打機就仆到去

blackshark3 發表於 2013-9-2 23:09
以前行模型舗，做街童拖水電去沙田馬場放Delta鬥車，我就算依家揸車經過沙田馬場都仲會望吓停車場 扒文扒 ...

Ching, 您對我們遺漏的模型痁作出詳細地列出, thanks a lot!

當時我們放假的朝聖之旅.大角咀德昌-->東方街偉高-->油麻地新星-->柯士甸小路永利,環球-->新世界中心奇趣屋........行完倦死人

油麻地新星, 最記得 (棺材舖隔離, 砵蘭街尾)

柯士甸小路永利, 好似去過1, 2 次.......而家 Bossini 附近, 間店 燈光好似幾黑下.......;P

zeda 發表於 2013-9-3 17:46
Ching, 您對我們遺漏的模型痁作出詳細地列出, thanks a lot!

多謝樓住師兄開呢個post引起我個愉快回憶。80後開始啲細嘅開始打機唔多玩模型亦係另模型衰落嘅原因，而好似我呢啲6十後就戒咗幾年都重頭玩返唔斷尾，正正我最近就電車毒番發，但就發現依家廣華街已經冇乜模型舗可行，大步份一係唔做一係因貴租上咗樓一係好似紅星咁般到冇雷公咁遠，都幾失望．．．

我記得72-73年, 11,2歲, 做暑期童工, 每日9元, 一個暑假賺了約270元, 花了220元買了一部有馬達帶線控的坦克, 老闆重問我咁細個識唔識砌. 舖頭應在馬頭圍道近天光道. 想起兒時所得與今日小朋友所得真是天淵之別. 吾老矣

mcw 發表於 2013-9-3 19:05
我記得72-73年, 11,2歲, 做暑期童工, 每日9元, 一個暑假賺了約270元, 花了220元買了一部有馬達帶線控的坦克 ...

師兄，我地呢代人玩遙控好多都真係好辛苦儲錢甚至去做暑期工去為夢想買嘅嘢努力，成十個人夾錢買模型天地同日本書學嘢，一樣嘢睇咗幾十次最後夠錢先買，有好多時錢未儲夠樣嘢就俾人買咗，所以好珍惜呢樣嗜好。依家啲靚仔手都唔使伸靠聲控就有，所以唔識珍惜．．．唔講老土嘢，仲記得以前比賽都好過癮。70年代興玩船就環球、福利、胡氏同長城喺城門河鬥船，跟住興玩車就去球場擺鑊仔但都係每間公司自己搞比賽推自己嘢贏跟住賣廣告，到有時真係有公開賽就幾大公司車隊擺陣鬥車贏嗰㗎就大賣，灣仔國際公開賽四大公司鬥車一役同啲老鬼講到今日都仲講緊

我70年代在何文田返學, 經常有機會經過廣華街, 洗衣街, 勝利道,很多模型舖(洗衣街大舖多些). 都只能入去齍睇. 有時睇廣告知道有比賽, 但就沒份參與啦. 到正式出黎打幾年工才有餘錢買遙控車, 滿足兒時願望. 有時在球場聽見人放油車, 嘭嘭聲真喺好過癮. 今時今日勾起幾十年前回憶都覺得好開心

blackshark3 發表於 2013-9-3 18:51
多謝樓住師兄開呢個post引起我個愉快回憶。80後開始啲細嘅開始打機唔多玩模型亦係另模型衰落嘅原因，而 ...

我現在都常到kws行, 如ching 所言, 遙控店真的減少了, 再過幾年, KWS可能成為我們及下一代的集體回億

mcw 發表於 2013-9-3 20:23
我70年代在何文田返學, 經常有機會經過廣華街, 洗衣街, 勝利道,很多模型舖(洗衣街大舖多些). 都只能入去齍 ...

何文田, 土瓜灣,港島都無遙控模型店了

有無人记得2x年前在红磡廣場1樓那間舖叫什麼名字？

紅星係咪都汁左呢

loman 發表於 2013-9-8 23:53
有無人记得2x年前在红磡廣場1樓那間舖叫什麼名字？

係咪叫展藝

loman 發表於 2013-9-8 23:53
有無人记得2x年前在红磡廣場1樓那間舖叫什麼名字？

好似係專賣飛機慨陳伯

cytnet 發表於 2013-9-8 23:59
紅星係咪都汁左呢

只是搬了家

有冇人有印象筲箕灣有店專賣船的？約三十年多了

fat_fat_cat 發表於 2013-9-30 10:50
有冇人有印象筲箕灣有店專賣船的？約三十年多了

據知早期筲箕灣有《天地模型》及《模型屋》，模型屋舊址已拆卸，現於重建中。