本帖最後由 lung1 於 2013-1-21 22:06 編輯
琴日在 TRC 代朋友試左車, 新FF12 比起 FF11 加速更流暢而且靜好多,
新車二樓板比起FF11 更窄身, 扭動更好, 過灣既感覺好舒服好圓滑
組裝方面, 說明書都算OK 清晰, 只要跟住每個STEP 去砌及開袋就可以~
VBC 手腳都做得幾好, 唔洗左攝右攝介子, 跟足書面書砌就ok 份轉向砌完0 虛位 ,
A臂軟硬度我覺得ok, 隻牙差我照說明書砌, 不用磨砌完好順滑!
新車金屬波箱感覺上比起FF-11 輕身, 頭上波箱亦改良左, BEARING 改大粒左更耐用,
頭下波箱因要就牙差闊度而改闊左, 令外2粒牙差10X15 BEARING 外週加左oring 用作吸震用。
頭尾油壓板加厚左解決之前頭油壓板會搖既問題。頭尾殼柱及頭bumper 亦造過, 比起TAMIYA 硬好多。
講完好處就講下砌既時候有d 咩要注意及缺點,
螺絲最好一開始用個盒仔分返長短, 砌完無螺絲多, 唔好唔見。
工具如六角匙, NUT 批及扭推銲工具都無跟, 說明書亦無提及砌車時所需工具, 新手砌未必襟容易掌握。
牙差油建議大家買支30萬/50萬, 原裝跟個支比較稀似幾萬度。
令外轉向柱上面粒螺絲建議改用3x5mm 圓頭, 我用3x6mm 收唔盡, 轉向bearing 上面放口 0.2mm shim, 虛位更小。
底板收motor mount 個2口螺絲其中一口要改用3x5mm 平頭, 3x6mm 收唔盡,
頭尾分體臂碼用X, Y 去分左右, 小心唔好裝錯,
牙差左右介子說明書建議左右各2塊 0.2mm shim, 但照住砌牙差4口螺絲會hi 波箱, 建議近螺絲個面放3隻0.2 shim, 令外個面放一隻。部份膠件有水口位, 用沙紙磨一磨就ok。令外我組裝完發覺左右不太平衡, 要係電個邊加鉛先得。
頭尾兩個roll-bar mount 比較軟身, 調較時會走位, 希望會出金屬..
個單吊servo mount 始終唔係一件過, 碰撞可能會走位, 建議黏雙面膠紙係servo 底..
寫住襟多先..
|
樓主: percy313
