* * * 2A6制作 * * *（ 2015-10-31 初次出戰 ）

玩左一輪，較緊左些微履帶，行走開始順暢，正如sky師兄所指，用上35T 摩打之後，要打上PW mode 先夠像真速度轉向行走。
雖然已經用鋼內架及大量墜鉛增重，奈何原裝torsion bar 太硬，上落大障礙物時整體依然彈彈跳跳，下一步昇級會換金屬履帶，或者電滑添！

panerai 發表於 2014-11-11 11:01
Lower hull 噴塗沙漠色，刮漆舊化，
今晚再做滲線⋯⋯

師兄, 想請問你用幾多號0既噴鑵上沙漠色??? 之後用幾號色做 washing???

TS3, washing 只用 雙星 dark brown 滲線油溝thinner 做咋

謝謝指點.......師兄你部車真係搞得好靚! 請問成部車加埋你所述的保品, 要幾多錢?? 我係新手, 其實連"新手"都未係! 因為車都未有.....仍然在雙星與恆龍之間下不到決定呢?!      喜歡恆龍的一個款式是雙星没有的, 價錢平一些, 但不知它的電子東西及機械部件會不會很化學....! 雙星未有出那款式, 但砌開模型的都知它有一定品質, 師兄可否提供心得以作參考?

謝謝！小弟都只係入門級數，我未玩過HL 坦克，不過身邊好多高手朋友都有改裝黎玩，
原廠原品HL 好平！一千幾百搞掂，但模型鑄模品質相比田宮係相差頗遠，
不過如悉心改造及上色的話，外觀上基本上會同田宮無巨大差距。
至於HL原裝機械設計及原裝部件耐用程度個人認為唔太耐用，
外國各大坦克模型網有太量HL 改裝及強化部件出售。
我自己覺得HL 適合比高手發揮改裝改造，因為原裝價錢平，至於田宮設計、
鑄模及部件「相對地」品質較高，不過若用於高難度地理環境，如多碎石、雜草、
行走激烈崎嶇地勢既環境，田宮坦克一樣要買強化部件去維持行走耐用性，
否則一樣會打柴，只係田宮要細執既地方比HL較少。
小弟隻2A6 $5980, 各項鋼部件連同全車啤呤約$4000
連噴油、雜項 合共約$11000

多謝師兄指教，看來真的要有一部車在手才可以感受技術所需

師兄你架車真係好正，我係新手剛剛完成波箱，有個問題想請教，路輪啲細件用普通AA膠可以嗎？
我驚易爛始終係車look位。

Soba1983 發表於 2015-3-31 23:43
師兄你架車真係好正，我係新手剛剛完成波箱，有個問題想請教，路輪啲細件用普通AA膠可以嗎？
我驚易爛始終 ...

Sorry C Hing
好耐冇上工房，而家才回覆...
師兄應該係指下圖圈起部分吧！
我首先用Tamiya Thin cement 將佢地細心融合,
Thin cement 可以將兩邊膠料表面溶解再與對方融合，令其一體化，但必須耐心等候其 完完全全 乾透，通常過一日一夜就ok ！

之後我考慮到真車上該位置上係用燒焊溶合接駁，所以我用 epoxy AB 膠製作燒焊紋緊貼圍邊，作為像真及強化該受力位之用，效果不錯！頗硬淨！

完成後既效果

明白哂,好詳細,師兄真係超級有心機,我就淨係用AA膠希望冇事,因為我驚我個暴力小朋友成個坐上去啲
輪頂唔住!! 題外話希望你唔好介意我抄襲你架車隻色，真係好靚同現代化啲!!
IPad 上傳唔到相完成日後再開post交流交流，多謝分享指點

言重喇師兄！難得你認同呢隻色，印象中現役只得加拿大既2a6有純沙色，
德軍本身冇既，所以有d超現實....

師兄，本人架2a6終於訂左新加坡間廠的idler arms parts，發覺換了之後架車終於係緩旋迴時沒有了不暢順的情況，因為現在可以收緊返條履帶，想問師兄鋼搖臂是否最好需要換埋?

LEOPARD2A6 發表於 2015-4-17 21:20
師兄，本人架2a6終於訂左新加坡間廠的idler arms parts，發覺換了之後架車終於係緩旋迴時沒有了不暢順的情 ...

師兄你d原裝膠豬腳玩到而家都仲未有損壞真係犀利
如果師兄你接受到佢現時質感與重量既話，可以玩到爛先換，畢竟都已用左咁耐，
信人認為豬腳金屬與否只影響其耐用性，對行走像真度/暢順程度好似不太關聯。
其實既然搵玻仔訂idler parts, 何不一次過入埋金屬豬腳慳運費呢，因為玻仔郵費食水幾深吓

師兄, 你講得啱呢, 原來新加坡的運費都唔平, 好似我訂呢個idler parts都要成四十幾蚊港幣, 成本都幾高, 所以好似師兄你講總之一次過訂慳返些, 下次如果我會訂金屬腳之外會同埋訂佢個波箱俾我架Gepard用, 甘應該會化算d. 另外, 師兄我想問下你架2A6架車的車高是否正常高度, 因為我發覺我架2A6車高好似比其他見到的較低, 唔知是否torsion bar會老化彈性減少, 開始承受唔到車重, 其實這有無關係的呢?

其實何謂正常離地高度我都唔清楚，不過師兄你部2a6有冇加金屬料增重？
如果冇應該d torsion bar 冇咩問題，我不知幾想佢老化，因為我嫌佢太硬，感覺仍然彈彈跳跳。
相比我之前為Jagdpanther 安裝既 IMPACT torsion bar 柔順程度相差好遠！
一陣我量度吓離地高度影幅相比你參考參考

師兄, 因為我其實留意到其他2A6路輪與裙甲之間應該有一小段距離, 即是還可以見到小小避震筒個條柱仔, 但我個架路輪同裙甲已經好貼近, 所以覺得低左. 另外, 師兄你架2A6是不是會再加重係車內等個避震無甘彈? 同埋師兄你個impact避震系統好似好正.

由履帶裙邊底起計，離地約47.5mm

師兄
小弟隻2a6已經增重約2.5kg，但感覺仍然 torsion bar 太硬。
IMPACT 套 torsion bar 係無敵柔順兼承托力一流

師兄, 謝謝你幅圖, 等我返屋企又度下先.